Latest

ಶಿವರಾತ್ರಿಯಂದು ಮೋದಿಯ ಫೋಟೋ ಹಾಕಿ ಟ್ವೀಟ್ ಮಾಡಿದ್ದ ಯುವತಿಗೆ ಪ್ರಧಾನಿಯಿಂದಲೇ ಸಿಕ್ತು ಭರ್ಜರಿ ಗಿಫ್ಟ್!

Published

on

Share this

ನವದೆಹಲಿ: ಗಣ್ಯ ವ್ಯಕ್ತಿಗಳಿಗೆ, ಸಿನಿಮಾ ನಟ ನಟಿಯರಿಗೆ ನಾವು ಕಳಿಸುವ ಸಂದೇಶ ಅಥವಾ ಟ್ವಿಟ್ಟರ್‍ನಲ್ಲಿ ಮಾಡುವ ಟ್ವೀಟ್‍ಗಳು ಅವರನ್ನು ನಿಜಕ್ಕೂ ತಲುಪುತ್ತವೋ ಇಲ್ಲವೋ ಎಂಬ ಬಗ್ಗೆ ಸರಿಯಾಗಿ ಗೊತ್ತಾಗುವುದಿಲ್ಲ. ಆದ್ರೆ ಪ್ರಧಾನಿ ಮೋದಿ ಯುವತಿಯೊಬ್ಬರ ಟ್ವೀಟ್‍ಗೆ ಸ್ಪಂದಿಸಿದ್ದಲ್ಲದೆ ಅವರು ಕೇಳಿದ್ದನ್ನ ಉದಾರ ಮನಸ್ಸಿನಿಂದ ನೀಡಿದ್ದು ಎಲ್ಲರೂ ಆಶ್ಚರ್ಯ ಪಡುವಂತೆ ಮಾಡಿದ್ದಾರೆ.

ಶುಕ್ರವಾರದಂದು ಮಹಾಶಿವರಾತ್ರಿಯ ಪ್ರಯುಕ್ತ ಪ್ರಧಾನಿ ಮೋದಿ ಇಶಾ ಫೌಂಡೇಷನ್ ಸಂಸ್ಥಾಪಕ ಹಾಗೂ ಆಧ್ಯಾತ್ಮಿಕ ಗುರು ಜಗ್ಗಿ ವಾಸುದೇವ್ ಅವರು ತಮಿಳುನಾಡಿನ ವೆಲ್ಲಯಂಗಿರಿ ಪರ್ವತದ ತಪ್ಪಲಿನಲ್ಲಿ ನಿರ್ಮಿಸಿದ 112 ಅಡಿ ಉದ್ದದ ಶಿವನ ಮೂರ್ತಿಯನ್ನು ಲೋಕಾರ್ಪಣೆ ಮಾಡಿದ್ರು. ಈ ವೇಳೆ ಮೋದಿ ಶಿವನ ಚಿತ್ರವಿದ್ದ ಶಾಲ್‍ವೊಂದನ್ನು ಧರಿಸಿದ್ರು. ಶಿಲ್ಪಿ ತಿವಾರಿ ಎಂಬ ಟ್ವಿಟ್ಟರ್ ಬಳಕೆದಾರರೊಬ್ಬರು ಕಾರ್ಯಕ್ರಮದ ಒಂದು ಫೋಟೋವನ್ನ ಹಾಕಿ ನನಗೆ ಆ ಸ್ಟೋಲ್(ಶಾಲ್) ಬೇಕು ಎಂದು ಟ್ವೀಟ್ ಮಾಡಿದ್ದರು. ಆಕೆ ಆ ಶಾಲ್ ನೋಡಿ ತುಂಬಾ ಚೆನ್ನಾಗಿದೆ ನನಗೂ ಇಂತಹದ್ದೊಂದು ಬೇಕಲ್ಲಾ ಎಂಬ ಅರ್ಥದಲ್ಲಿ ಟ್ವೀಟ್ ಮಾಡಿದ್ರೋ ಏನೋ ಗೊತ್ತಿಲ್ಲ. ಆದ್ರೆ ಮರುದಿನ ಬೆಳಿಗ್ಗೆ ಮೋದಿ ಧರಿಸಿದ್ದ ಅದೇ ಶಾಲ್ ಶಿಲ್ಪಿ ತಿವಾರಿ ಅವರ ಮನೆ ತಲುಪಿತ್ತು. ಇದರ ಜೊತೆ ಪ್ರಧಾನಿ ಮೋದಿ ಅವರ ಸಹಿ ಇದ್ದ ಒಂದು ಪತ್ರ ಕೂಡ ಜೊತೆಗಿತ್ತು.

ಇದರಿಂದ ಆಶ್ಚರ್ಯಗೊಂಡ ಶಿಲ್ಪಿ ತನ್ನ ಖುಷಿಯನ್ನ ಟ್ವಿಟ್ಟರ್‍ನಲ್ಲಿ ಹಂಚಿಕೊಂಡಿದ್ದಾರೆ. ನಿನ್ನೆ ನಾನು ಈ ಶಾಲ್ ಬೇಕು ಎಂದು ಟ್ವೀಟ್ ಮಾಡಿದ್ದಕ್ಕೆ ಮೋದಿ ಅವರು ನನಗೆ ಈ ಆಶೀರ್ವಾದ ಕಳಿಸಿದ್ದಾರೆ. ನಾನೇನು ಕನಸು ಕಾಣ್ತಿದ್ದೀನಾ? ಶಾಲ್ ಜೊತೆಗೆ ಅವರ ಸಹಿ ಇರುವ ಪತ್ರವೂ ಬಂದಿದೆ. ಪ್ರಧಾನಿಯೊಬ್ಬರು ನಿಮ್ಮ ದನಿಗೆ ಓಗೊಟ್ಟಿದ್ದಲ್ಲದೆ ಅದಕ್ಕೆ ಸ್ಪಂದನೆ ಕೂಡ ಮಾಡ್ತಾರೆ ಅನ್ನೋದನ್ನ ಊಹಿಸಬಲ್ಲಿರಾ? ನಾನು ನಿಜಕ್ಕೂ ಆಶ್ಚರ್ಯಚಕಿತಳಾಗಿದ್ದೇನೆ. ನಾನು ಖುಷಿಯಿಂದ ಮಂಜುಗಟ್ಟಿದಂತಾಗಿದ್ದೇನೆ. ಹೇಗೆ ಪ್ರತಿಕ್ರಿಯಿಸಬೇಕು ಅಂತಾನೇ ಗೊತ್ತಾಗ್ತಿಲ್ಲ ಅಂತ ಶಿಲ್ಪಿ ಹೇಳಿದ್ದಾರೆ.

ಶಿಲ್ಪಿ ಅವರಿಗೆ ಪ್ರಧಾನಿ ಮೋದಿಯೇ ತಾವು ಧರಿಸಿದ್ದ ಶಾಲನ್ನು ಕಳಿಸಿದ್ದಾರೆ ಎಂದು ತಿಳಿದ ಮೇಲೆ ಟ್ವಿಟ್ಟರಿಗರು ಕೂಡ ಅಚ್ಚರಿ ಪಡ್ತಿದ್ದಾರೆ.

ಇದನ್ನೂ ಓದಿ: ವಿಶ್ವದ ಅತಿದೊಡ್ಡ ಶಿವನ ಪ್ರತಿಮೆ ಲೋಕಾರ್ಪಣೆ

https://twitter.com/shilpitewari/status/835126585804144640

https://twitter.com/shilpitewari/status/835439848592814081

https://twitter.com/shilpitewari/status/835442526253273088

Click to comment

Leave a Reply

Your email address will not be published. Required fields are marked *

Advertisement
Advertisement
Public TV We would like to show you notifications for the latest news and updates.
Dismiss
Allow Notifications