ಮೌತ್ ಪರ್ಸ್ ವಿಡಿಯೋ ನೋಡಿ ದಂಗಾದ ನೆಟ್ಟಿಗರು

ಟೋಕಿಯೋ: ಸಾಮಾಜಿಕ ಜಾಲತಾಣಗಳಲ್ಲಿ ಪ್ರತಿ ದಿನವು ಹಲವಾರು ವಿಚಿತ್ರ ವಿಷಯಗಳು, ವಿಡಿಯೋ ಹಾಗೂ ಫೋಟೋಗಳು ವೈರಲ್ ಆಗುತ್ತಲೇ ಇರುತ್ತವೆ. ಅದೇ ಸಾಲಿಗೆ ಸದ್ಯ ಮನುಷ್ಯನ ಬಾಯಿ ಆಕಾರದ ನಾಣ್ಯ ಸಂಗ್ರಹಿಸುವ ಮೌತ್ ಪರ್ಸ್ ಸೇರಿಕೊಂಡಿದೆ.

ಜಪಾನ್ ಮೂಲದ ಡಿಜೆಯೊಬ್ಬರು ಈ ವಿಚಿತ್ರ ಪರ್ಸ್ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದರು. ಈ ಪರ್ಸ್ ವಿಶೇಷತೆ ಏನೆಂದರೆ ಇದರ ಆಕಾರ. ಹೌದು. ಮನುಷ್ಯನ ಬಾಯಿ ಆಕಾರದಲ್ಲಿ ಈ ಪರ್ಸ್ ವಿನ್ಯಾಸಗೊಂಡಿದೆ. ಪರ್ಸ್ ಗೆ ತುಟಿ, ಹಲ್ಲು ಕೂಡ ಇದೆ. ಇದನ್ನು ನೋಡಿದರೆ ನಿಜವಾದ ಮನುಷ್ಯನ ಬಾಯಿಯೇ ಇರಬೇಕು ಎನಿಸುತ್ತದೆ. ಈ ವಿಚಿತ್ರ ಪರ್ಸ್ ವಿಡಿಯೋ ಸದ್ಯ ಎಲ್ಲೆಡೆ ವೈರಲ್ ಆಗಿದ್ದು, ಬರೋಬ್ಬರಿ 13 ಮಿಲಿಯನ್‍ಗೂ ಅಧಿಕ (1 ಕೋಟಿ 30 ಲಕ್ಷಕ್ಕೂ ಹೆಚ್ಚು) ಮಂದಿ ವೀಕ್ಷಿಸಿದ್ದಾರೆ.

ವಿಡಿಯೋವನ್ನು ನೋಡಿದರೆ ನಿಜಕ್ಕೂ ವಿಚಿತ್ರ ಅನಿಸುತ್ತೆ. ಪರ್ಸ್‍ಗೆ ಇರುವ ತುಟಿಯನ್ನು ತೆರೆದು, ಅದರೊಳಗೆ ನಾಣ್ಯ ಹಾಕುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ. ಈ ಪರ್ಸ್ ಬರೀ ಹೊರಗಿಂದ ಮಾತ್ರ ಬಾಯಿ ಆಕಾರದಲ್ಲಿಲ್ಲ. ಇದರ ಒಳಗೆ ಕೂಡ ಬಾಯಿ ಒಳಗೆ ಹೇಗಿರುತ್ತದೆಯೇ ಹಾಗೆಯೇ ವಿನ್ಯಾಸ ಮಾಡಲಾಗಿದೆ.

人肉小銭入れ作りました pic.twitter.com/k6SIDETWD5

— doooo (@44doooo) June 1, 2019

ಈ ವಿಡಿಯೋ ನೋಡಿದ ನೆಟ್ಟಿಗರು ದಂಗಾಗಿದ್ದಾರೆ. ಅಲ್ಲದೆ ಕೆಲವರು ಇದು ನೋಡಿದರೆ ಅಸಹ್ಯವಾಗುತ್ತದೆ ಎಂದು ಮೂಗು ಮುರಿದಿದ್ದಾರೆ. ಅದೇನೇಯಾಗಲಿ ವಿಚಿತ್ರವಾಗಿದ್ದರೂ ಕೂಡ ಈ ಪರ್ಸ್ ಸದ್ಯ ಬಾರೀ ಚರ್ಚೆಯಲ್ಲಿದೆ.