ಬಾಹುಬಲಿ ಸಿನಿಮಾದಲ್ಲಿ ಪ್ರಭಾಸ್ ಆನೆ ಏರಿದಂತೆ ಸ್ಟಂಟ್- ವಿಡಿಯೋ ವೈರಲ್

ಬರ್ಲಿನ್: ಬಾಹುಬಲಿ 2 ಸಿನಿಮಾದಲ್ಲಿ ಸೊಂಡಿಲಿನ ಸಹಾಯದಿಂದ ಆನೆಯನ್ನು ಹತ್ತಿ ನಿಲ್ಲುವ ರೀತಿಯಲ್ಲಿಯೇ ವ್ಯಕ್ತಿಯೊಬ್ಬರು ಸ್ಟಂಟ್ ಮಾಡಿರುವ ವಿಡಿಯೋ ವೈರಲ್ ಆಗಿದೆ.

ಜರ್ಮನಿ ದೇಶದ ರೆನೆ ಕಾಸೆಲೋವ್ಸ್ಕಿ ಈ ಸ್ಟಂಟ್ ಮಾಡಿ ಈಗ ಸುದ್ದಿಯಾಗಿದ್ದಾರೆ. ಅವರು ವೃತ್ತಿಯಲ್ಲಿ ಪ್ರಾಣಿಗಳ ತರಬೇತುದಾರ ಹಾಗೂ ಸರ್ಕಸ್ ಕಂಪೆನಿಯಲ್ಲಿ ಕೆಲಸ ಮಾಡಿದ್ದಾರೆ.

https://www.instagram.com/p/BioVqftgYar/?utm_source=ig_embed

https://www.instagram.com/p/BUrZTq8Bbti/?taken-by=rene_casselly

ದೈತ್ಯ ಆನೆಯೊಂದನ್ನು ಪಳಗಿಸಿ, ಚಾಣಾಕ್ಷತನದಿಂದ ಸಾಹಸ ಮಾಡಿ ವಿಡಿಯೋವನ್ನು ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಆನೆಗೆ ತನ್ನ ಸೊಂಡಿಲಿನಿಂದ ಮೇಲೆತ್ತಲು ತರಬೇತಿ ನೀಡಲು ಹೆಚ್ಚುಕಾಲ ಶ್ರಮಿಸಿದ್ದಾರೆ ಎಂದು ವರದಿಯಾಗಿದೆ.

ರೆನೆ ಅವರು ಆನೆಯ ಸೊಂಡಿಲಿನ ಸಹಾಯದಿಂದ ಅದರ ಮೇಲೆ ಹತ್ತಿ ನಿಲ್ಲುವ ದೃಶ್ಯ ನೋಡುಗರಲ್ಲಿ ಒಂದು ಕ್ಷಣ ರೊಮಾಂಚನ ಉಂಟುಮಾಡಿದ್ದು ವಿಡಿಯೋ ಈಗ ವೈರಲ್ ಆಗಿದೆ.