ರಶ್ಮಿಕಾ ಮನೆಯಲ್ಲಿದ್ದಾರೆ ಇಬ್ಬರು ಹುಡುಗರು - ಅಭಿಮಾನಿಗಳಿಗೆ ಇಷ್ಟವಾಯ್ತು ವಿಡಿಯೋ

ಬೆಂಗಳೂರು: ಸ್ಯಾಂಡಲ್‍ವುಡ್ ನಟಿ ರಶ್ಮಿಕಾ ಮಂದಣ್ಣ ಪ್ರಾಣಿ- ಪಕ್ಷಿಗಳನ್ನು ಕ್ಯೂಟ್ ಆಗಿ ಮುದ್ದು ಮಾಡುತ್ತಾ ಆಟವಾಡ್ತಿರೋ ಫೋಟೋ, ವಿಡಿಯೋವನ್ನು ಟ್ವೀಟ್ ಮಾಡಿ ಅಭಿಮಾನಿಗಳ ಮನ ಗೆದ್ದಿದ್ದಾರೆ.

ರಶ್ಮಿಕಾಗೆ ಪ್ರಾಣಿ-ಪಕ್ಷಿಗಳು ಅಂದ್ರೆ ಅಚ್ಚುಮೆಚ್ಚು. ಆದರಿಂದ ಮನೆಯಲ್ಲಿ ನಾಯಿ, ಬೆಕ್ಕು, ಪಾರಿವಾಳ ಅಂತ ಪ್ರಾಣಿ-ಪಕ್ಷಿಗಳನ್ನು ಸಾಕಿದ್ದಾರೆ. ಅವರ ಬಿಡುವಿನ ಸಮಯದಲ್ಲಿ ಅವುಗಳೊಟ್ಟಿಗೆ ಸಮಯ ಕಳೆದು ಖುಷಿಪಡೋದು ರಶ್ಮಿಕಾಗೆ ಇಷ್ಟ. ಹೀಗಾಗಿ ಎಂದಿನಂತೆ ತಮ್ಮ ಮನೆಯಲ್ಲಿರುವ ಪ್ರೀತಿಯ ಪ್ರಾಣಿಗಳೊಂದಿಗೆ ಆಟವಾಡುತ್ತಿರುವ ಫೋಟೋಗಳನ್ನ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

rashmika mandanna 3

ಒಂದರಲ್ಲಿ ಪಾರಿವಾಳದ ಜೊತೆ ಪೋಸ್ ಕೊಟ್ಟರೆ, ಇನ್ನೊಂದರಲ್ಲಿ ಮುದ್ದಿನ ಬೆಕ್ಕನ್ನು ಮುದ್ದಾಡುತ್ತಿರುವ ಪೋಸ್ ಕೊಟ್ಟಿದ್ದಾರೆ. ಇದರ ಜೊತೆಯಲ್ಲಿ 2 ಮುದ್ದು ಶ್ವಾನಗಳೊಟ್ಟಿಗೆ ಆಟವಾಡುತ್ತಿರುವ ವಿಡಿಯೋವನ್ನು ಹಾಕಿದ್ದಾರೆ.

ನಾಯಿಗಳ ಜೊತೆ ಆಟವಾಡುತ್ತಿರುವ ವಿಡಿಯೋಗೆ ರಶ್ಮಿಕಾ,` These are my two big boys ‘ ಎಂದು ಬರೆದಿದ್ದಾರೆ. ಈ ವಿಡಿಯೋಗೆ 9 ಸಾವಿರಕ್ಕೂ ಹೆಚ್ಚು ಜನ ಲೈಕ್ ಮಾಡಿದ್ದು, 190ಕ್ಕೂ ಹೆಚ್ಚು ಮಂದಿ ಕಮೆಂಟ್ ಮಾಡಿದ್ದಾರೆ.

rashmika mandanna 2