ಕಾರವಾರದಲ್ಲಿ ವಿಘ್ನ ನಿವಾರಕನಿಗೇ ಕನ್ನ ಹಾಕಿದ ಕಳ್ಳರು

ಕಾರವಾರ: ದೇವಸ್ಥಾನ ಹಾಗೂ ಮನೆ ಕಳ್ಳತನ ಮಾಡಿ ದೇವರ 7 ಲಕ್ಷ ಮೌಲ್ಯದ ಪಂಚಲೋಹದ ಮುಖ ಕವಚ ಹಾಗೂ ಮನೆಯಲ್ಲಿದ್ದ 7 ಸಾವಿರ ಹಣ ಕಳ್ಳತನ ಮಾಡಿ ಪರಾರಿಯಾದ ಘಟನೆ ಉತ್ತರ ಕನ್ನಡ (Uttara Kannada) ಜಿಲ್ಲೆಯ ಅಮದಳ್ಳಿಯಲ್ಲಿ ನಡೆದಿದೆ.

ಇಲ್ಲಿನ ವೀರ ಗಣಪತಿ ದೇವಸ್ಥಾನದಲ್ಲಿ ದೇವಾಲಯದ ಹಿಂಭಾಗದ ಬಾಗಿಲು ಒಡೆದು ಒಳನುಗ್ಗಿದ ಕಳ್ಳರು, ದೇವರ 6 ಕೆಜಿ ತೂಕದ ಪಂಚಾಲೋಹದ ಮುಖಕವಚ ಕಳ್ಳತನ ಮಾಡಿ ನಂತರ ದೇವಾಲಯದ ಪಕ್ಕದ ಮನೆಯ ಮೀರಾ ರಮಕಾಂತ ಕಂತ್ರಿಕರ್ ಎಂಬವರ ಮನೆಯಲ್ಲಿ 7 ಸಾವಿರ ರೂ ನಗದು ಕಳವು ಮಾಡಿದ್ದಾರೆ.

ಸ್ಥಳಕ್ಕೆ ಗ್ರಾಮೀಣ ಠಾಣೆ ಪೊಲೀಸರು ಶ್ವಾನ ದಳದಿಂದ ಪರಿಶೀಲನೆ ನಡೆಸಿದ್ದು ಕಾರವಾರ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇದನ್ನೂ ಓದಿ: ಧರ್ಮಸ್ಥಳದ ಮಂಜುನಾಥನಿಗೆ ವಿಶೇಷ ಪೂಜೆ ಸಲ್ಲಿಸಿದ ಹೆಚ್.ಡಿ ರೇವಣ್ಣ