ಕನ್ನಡದ ‘ದಿ ವಿಲನ್’ (The Villain) ಸಿನಿಮಾದ ನಾಯಕಿ ಆ್ಯಮಿ ಜಾಕ್ಸನ್ (Amy Jackson) 5 ವರ್ಷಗಳ ನಂತರ ಭಾರತಕ್ಕೆ ಕಾಲಿಟ್ಟಿದ್ದಾರೆ. ಫಾರಿನ್‌ನಲ್ಲಿ ಬೀಡು ಬಿಟ್ಟಿದ್ದ ನಟಿ ಈಗ ಮತ್ತೆ ಭಾರತಕ್ಕೆ ಮರಳಿದ್ದಾರೆ. ಈ ಕುರಿತ ಫೋಟೋ, ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
2018ರಲ್ಲಿ ‘ದಿ ವಿಲನ್’ ಸಿನಿಮಾದ ಮೂಲಕ ಕನ್ನಡ ಸಿನಿ ರಸಿಕರಿಗೆ ಪರಿಚಿತರಾದ ಆ್ಯಮಿ ಜಾಕ್ಸನ್ ಅವರು ಸುದೀಪ್- ಶಿವಣ್ಣ ಅವರ ಜುಗಲ್‌ಬಂದಿಯ ನಡುವೆಯೂ ನಟಿ ಹೈಲೆಟ್ ಆಗಿದ್ರು. ʼನೋಡವಳಂದಾವʼ ಸಾಂಗ್‌ನಲ್ಲಿ ಆ್ಯಮಿ ಬ್ಯೂಟಿಯನ್ನ ಬಣ್ಣಿಸುವ ಮೂಲಕ ಅಭಿಮಾನಿಗಳ ಗಮನ ಸೆಳೆದಿದ್ದರು. ಕನ್ನಡದ ಜೊತೆ ಹಿಂದಿ, ತಮಿಳು, ಇಂಗ್ಲೀಷ್ ಸಿನಿಮಾಗಳಲ್ಲೂ ಆ್ಯಮಿ ಜಾಕ್ಸನ್ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಇದನ್ನೂ ಓದಿ:ಜಯಣ್ಣ ಪಾಲಾದ ‘ಜೈಲರ್’ ಚಿತ್ರದ ಕರ್ನಾಟಕ ವಿತರಣಾ ಹಕ್ಕು
ಫಾರಿನ್‌ನಲ್ಲಿ ಆ್ಯಮಿ ಸೆಟಲ್ ಆಗಿದ್ರು. ಸಿನಿಮಾಗಿಂತ ವೈಯಕ್ತಿಕ ವಿಚಾರವಾಗಿಯೇ ನಟಿ ಸೆನ್ಸೇಷನ್ ಕ್ರಿಯೆಟ್ ಮಾಡಿದ್ರು. ಬಾಯ್‌ಫ್ರೆಂಡ್ ಜೊತೆ ಡೇಟಿಂಗ್ ಸುದ್ದಿ, ಮದುವೆಯಾಗದೇ ಮಗು ಬಗ್ಗೆ ಅನೌನ್ಸ್ ಮಾಡಿದ್ದ ಆ್ಯಮಿ, ಈಗ ಹೊಸ ಬಾಯ್‌ಫ್ರೆಂಡ್ ಜೊತೆ ಎಂಗೇಜ್ ಆಗಿದ್ದಾರೆ. ಅಂದ್ಹಾಗೆ ಈಗ ಆ್ಯಮಿ ಜಾಕ್ಸನ್ ಕುರಿತು ಹೊಸ ಚರ್ಚೆ ಏನಂದ್ರೆ, ಸುಮಾರು ಐದು ವರ್ಷಗಳ ನಂತ್ರ ಆ್ಯಮಿ ಭಾರತಕ್ಕೆ ಕಾಲಿಟ್ಟಿದ್ದಾರೆ. ಈ ಭೇಟಿ ಬಗ್ಗೆ ಆ್ಯಮಿ ಕೂಡ ಖುದ್ದಾಗಿ ಖುಷಿ ಹಂಚಿಕೊಂಡಿದ್ದು, ವರ್ಷಗಳ ನಂತ್ರ ಭಾರತಕ್ಕೆ ಬಂದಿರೋದು ಖುಷಿಕೊಟ್ಟಿದೆ ಎಂದಿದ್ದಾರೆ.
ನಟಿ ಭಾರತಕ್ಕೆ ಎಂಟ್ರಿ ಕೊಡುತ್ತಿದ್ದಂತೆ ಪಾಪರಾಜಿಗಳು ಮುಗಿಬಿದ್ದರು. ಮುಂಬೈ ಏರ್ಪೋರ್ಟ್ ನಲ್ಲಿ ಆ್ಯಮಿ ಜಾಕ್ಸನ್ ಎಂಟ್ರಿ ಕೊಟ್ಟಿರುವ ಫೋಟೋಗಳು ವೈರಲ್ ಆಗಿವೆ. ಆ್ಯಮಿ ಭೇಟಿ ಬಳಿಕ ಆಕೆಯ ಮುಂದಿನ ಸಿನಿಮಾ ಬಗ್ಗೆಯೂ ಸುದ್ದಿ ಶುರುವಾಗಿದೆ. ಅಭಿಮಾನಿಗಳ ನಿರೀಕ್ಷೆಯಂತೆ ಬೆಳ್ಳಿ ತೆರೆಗೆ ವಾಪಸ್ಸಾಗಲು, ಆ್ಯಮಿ ಭಾರತಕ್ಕೆ ಬಂದಿಳಿದಿದ್ದಾರೆ ಎನ್ನಲಾಗುತ್ತಿದೆ.
