ಮದ್ವೆ ಆಗ್ತಿದ್ದಂತೆ ಖುಷಿಯಿಂದ ಎದ್ದು ನಿಂತು ಚಪ್ಪಾಳೆ ಹೊಡೆದ ವಧು

ಬೆಂಗಳೂರು: ಮದುವೆ ಎನ್ನುವುದು ಪ್ರತಿಯೊಬ್ಬರ ಜೀವನದಲ್ಲಿ ಬರುವ ಮಹತ್ವದ ಘಟ್ಟ. ಇತ್ತೀಚಿನ ದಿನಗಳಲ್ಲಿ ಮದುವೆ ದಿನ ವಧು-ವರರು ವೇದಿಕೆಯ ಮೇಲೆ ಡ್ಯಾನ್ಸ್ ಮಾಡುವ ವಿಡಿಯೋಗಳನ್ನು ಸಾಮಾನ್ಯವಾಗಿ ನಾವೆಲ್ಲ ನೋಡಿರುತ್ತೇವೆ. ಆದ್ರೆ ಈ ವಧು ಮದುವೆಯ ಕಾರ್ಯ ಪೂರ್ಣವಾಗುತ್ತಿದ್ದಂತೆ ಎದ್ದು ನಿಂತು ಚಪ್ಪಾಳೆ ಹೊಡೆದಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.

ವಿಡಿಯೋದಲ್ಲಿ ಏನಿದೆ..?
ಮುಸ್ಲಿಂ ಸಂಪ್ರದಾಯದ ಪ್ರಕಾರ ಮದುವೆ ನಡೆಯುತ್ತಿದೆ. ವಧು-ವರರನ್ನು ಮುಂದೆ ಕೂರಿಸಿಕೊಂಡು ನಿಮಗೆ ಮದುವೆ ಒಪ್ಪಿಗೆ ಇದೆಯಾ ಅಂತಾ ಕೇಳಿದ್ದಾರೆ. ಮೊದಲಿಗೆ ವಧು ತನ್ನ ಸಮ್ಮತಿಯನ್ನು ಸೂಚಿಸಿದ್ರು. ನಂತರ ವರನ ಸರದಿ, ಈ ವೇಳೆ ವಧು ಬಾವಿ ಪತಿಯನ್ನು ನೋಡುತ್ತಾ, ಆತ ಒಪ್ಪಿಗೆ ಅನ್ನುತ್ತಲೇ ಎದ್ದು ನಿಂತು ಚಪ್ಪಾಳೆ ಹೊಡೆದಿದ್ದಾರೆ. ಮದುವೆಗೆ ಬಂದ ಅತಿಥಿಗಳೆಲ್ಲಾ ನಗಲಾರಂಭಿಸಿದ್ದಾರೆ.

ಕೂಡಲೇ ಕುಳಿತ ವಧು ಖುಷಿಯಿಂದ ಪತಿಗೆ ಮುತ್ತು ನೀಡಿದ್ದಾರೆ. ಧರ್ಮಗುರುಗಳು ಪಠಣ ನಡೆಸುತ್ತಿದ್ದರೂ, ವಧು ಯಾವುದನ್ನು ಲೆಕ್ಕಿಸದೇ ಖುಷಯಿಂದ ಗಂಡನನ್ನ ಮುದ್ದಾಡಿದ್ದಾರೆ.

ಈ ಜೋಡಿಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಸದ್ದು ಮಾಡ್ತಿದ್ದು, ಆದ್ರೆ ಘಟನೆ ನಿಖರವಾಗಿ ಎಲ್ಲಿ ನಡೆದಿದೆ ಎಂಬುವುದು ಮಾತ್ರ ತಿಳಿದು ಬಂದಿಲ್ಲ. ವಿಡಿಯೋ ನೋಡಿದ ನೆಟ್ಟಿಗರು ಮಾತ್ರ ಫನ್ನಿ ಫನ್ನಿ ಕಮೆಂಟ್ ಹಾಕುವ ಮೂಲಕ ನವ ಜೋಡಿಗೆ ಶುಭಕೋರಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv