ಕಿರುತೆರೆಯಲ್ಲಿ ವೀಕ್ಷಕರ ಮನಗೆದ್ದ ‘ರಾಧಿಕಾ’ ಧಾರಾವಾಹಿಯಲ್ಲಿ ಬಹುದೊಡ್ಡ ಬದಲಾವಣೆ ಆಗಿದೆ. ರಾಧೆ ಆಗಿ ಮಿಂಚ್ತಿದ್ದ ಕಾವ್ಯಾ ಶಾಸ್ತ್ರಿ ಅವರು ಸೀರಿಯಲ್‌ನಿಂದ ಹೊರನಡೆದಿದ್ದಾರೆ. ಇದೀಗ ರಾಧಿಕಾ ಪಾತ್ರಧಾರಿಯಾಗಿ ಬೇರೆಯೊಬ್ಬ ನಟಿಯ ಆಗಮನವಾಗಿದೆ.
ಶುಭವಿವಾಹ, ಬಿಗ್ ಬಾಸ್ ಸೀಸನ್ 4 (Bigg Boss Kannada) ಸೇರಿದಂತೆ ಹಲವು ಸೀರಿಯಲ್, ಸಿನಿಮಾಗಳ ಮೂಲಕ ಗಮನ ಸೆಳೆದ ನಟಿ ಕಾವ್ಯಾ ಶಾಸ್ತ್ರಿ ಅವರು ಪ್ರಸ್ತುತ ರಾಧಿಕಾ ಸೀರಿಯಲ್‌ಗೆ ಗುಡ್ ಬೈ ಹೇಳಿದ್ದಾರೆ. ಕಾರಣಾಂತರಗಳಿಂದ ರಾಧಿಕಾ (Radhika Serial) ಸೀರಿಯಲ್ ಅರ್ಧಕ್ಕೆ ಕೈಬಿಟ್ಟಿದ್ದಾರೆ. ಇದನ್ನೂ ಓದಿ:ಮದುವೆಯಾಗಿ 14 ಕಳೆದರೂ ಮಕ್ಕಳಾಗದ್ದಕ್ಕೆ ಮಹತ್ವದ ನಿರ್ಧಾರ ಕೈಗೊಂಡ ‘ಲಾಲಿಹಾಡು’ ನಟಿ
ರಾಧಿಕಾ (Radhika) ಸೀರಿಯಲ್‌ಗೆ ತೇಜಸ್ವಿನಿ ಶೇಖರ್ (Tejaswini Shekar) ಎಂಟ್ರಿಯಾಗಿದ್ದಾರೆ. ಇನ್ಮುಂದೆ ರಾಧಿಕಾಳಾಗಿ ಕಿರುತೆರೆ ಪ್ರೇಕ್ಷಕರ ಮನೆ ಬೆಳಗಲಿದ್ದಾರೆ. ಮಹಾನದಿ, ಸಂಘರ್ಷ, ಸೀರಿಯಲ್‌ನಲ್ಲಿ ಈ ಹಿಂದೆ ನಟಿಸಿದ್ದರು. ಇದೀಗ ‘ಉಧೋ ಉಧೋ ಶ್ರೀ ರೇಣುಕಾ ಯಲ್ಲವ್ವ’ ಧಾರಾವಾಹಿಯಲ್ಲಿ ಇಂದುಮತಿ ಪಾತ್ರ ಮಾಡ್ತಿದ್ದಾರೆ. ಜೊತೆಗೆ ರಾಧಿಕಾ ಧಾರಾವಾಹಿ ಕೂಡ ಮಾಡಲಿದ್ದಾರೆ.
‘ಸೌಭಾಗ್ಯವತಿ’ ಸೀರಿಯಲ್ ಮೂಲಕ ಅನಿರಿಕ್ಷಿತವಾಗಿ ಬಣ್ಣದ ಬದುಕಿಗೆ ಕಾಲಿಟ್ಟ ತೇಜಸ್ವಿನಿ ಅವರು ಬಳಿಕ ಸಾಲು ಸಾಲು ಧಾರಾವಾಹಿಯಲ್ಲಿ ನಾಯಕಿಯಾಗಿ, ಖಳನಟಿಯಾಗಿ ಛಾಪೂ ಮೂಡಿಸಿದ್ದರು.
