Connect with us

Crime

ಅಜ್ಜಿ ಧರಿಸಿದ್ದ ಒಳಉಡುಪಿನಿಂದ ಹಣ ದೋಚಿದ್ದ ಮೊಮ್ಮಗ ಅರೆಸ್ಟ್

Published

on

ವಾಷಿಂಗ್ಟನ್: ಅಜ್ಜಿಯ ಮೇಲೆ ಹಲ್ಲೆ ನಡೆಸಿ, ಆಕೆಯ ಒಳಉಡುಪಿನಿಂದ 10 ಡಾಲರ್(710.69 ರೂ.) ದೋಚಿದ್ದ ಮೊಮ್ಮಗನನ್ನು ಅಮೆರಿಕ ಪೊಲೀಸರು ಬಂಧಿಸಿದ್ದಾರೆ.

ಟೆನ್ನೆಸ್ಸೀ ನಿವಾಸಿ ಜ್ಯಾರೀಡ್ ಒಟ್ಟೆ(19) ಕೃತ್ಯವೆಸೆಗಿದ ಆರೋಪಿ. ಜ್ಯಾರೀಡ್ ಸೆಪ್ಟೆಂಬರ್ ನಲ್ಲಿ ತನ್ನ ಅಜ್ಜಿ ಮೇಲೆ ಹಲ್ಲೆ ನಡೆಸಿ ಹಣ ದೋಚಿದ್ದನು. ಏಕಾಏಕಿ ಅಜ್ಜಿ ಮನೆಗೆ ನುಗ್ಗಿದ ಆರೋಪಿ ಆಕೆಯ ಬಳಿ ಮೊದಲು ಹಣ ಕೇಳಿದ್ದ. ಆದರೆ ಅಜ್ಜಿ ಹಣ ಕೊಡಲು ನಿರಾಕರಿದಾಗ ಹಲ್ಲೆ ನಡೆಸಿ, ಅಜ್ಜಿಯನ್ನು ದೂಡಿ ಹಾಸಿಗೆಯ ಮೇಲೆ ಬೀಳಿಸಿ, ಅಜ್ಜಿ ಧರಿಸಿದ್ದ ಒಳಉಡುಪಿನಲ್ಲಿ ಇಟ್ಟಿದ್ದ 10 ಡಾಲರ್(710.69 ರೂ.) ಹಣವನ್ನು ಕಿತ್ತುಕೊಂಡು ಹೋಗಿದ್ದನು. ಹಲ್ಲೆಯಿಂದ ಅಜ್ಜಿಯ ಮೈಮೇಲೆ ಗಾಯಗಳು ಕೂಡ ಆಗಿದ್ದವು.

ಮೊಮ್ಮಗನ ಅಟ್ಟಹಾಸವನ್ನು ಸಹಿಸದ ಅಜ್ಜಿ ಆತನ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದರು. ನನ್ನ ಮೇಲೆ ಜ್ಯಾರೀಡ್ ಹಲ್ಲೆ ನಡೆಸಿದ್ದಾನೆ. ಜೊತೆಗೆ ನನ್ನ ಬಳಿ ಇದ್ದ 10 ಡಾಲರ್ ಹಾಣವನ್ನು ದೋಚಿದ್ದಾನೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದರು. ಈ ಹಿನ್ನೆಲೆ ಆರೋಪಿಯನ್ನು ಬಂಧಿಸಿ ವಿಚಾರಣೆ ನಡೆಸಿದ್ದು, ಮಂಗಳವಾರ ಆತನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಿದ್ದೇವೆ ಎಂದು ಪೊಲೀಸರು ತಿಳಿಸಿದ್ದಾರೆ.

Click to comment

Leave a Reply

Your email address will not be published. Required fields are marked *