ವಾಷಿಂಗ್ಟನ್: ಶಾರ್ಕ್ ದಾಳಿಯಿಂದಾಗಿ ಅಪ್ರಾಪ್ತೆ ತನ್ನ ಕಾಲನ್ನು ಕಳೆದುಕೊಂಡ ಘಟನೆ ಅಮೆರಿಕದ ಸೌತ್‍ಈಸ್ಟ್ರನ್‍ನಲ್ಲಿ ನಡೆದಿದೆ.
ಪೈಗೆ ವಿಂಟರ್(17) ಉತ್ತರ ಕ್ಯಾರೋಲಿನಾದಲ್ಲಿರುವ ಫೋರ್ಟ್ ಮೆಕಾನ್ ಸಮುದ್ರದಲ್ಲಿ ಕಾಲ ಕಳೆಯುತ್ತಿದ್ದಳು. ಈ ವೇಳೆ ಶಾರ್ಕ್ ಆಕೆಯ ಮೇಲೆ ದಾಳಿ ಮಾಡಿದೆ. ಪೈಗೆ ತಂದೆ ವೈದ್ಯರಾಗಿದ್ದು, ತಕ್ಷಣ ಸಮುದ್ರಕ್ಕೆ ಇಳಿದು ಶಾರ್ಕ್ ಮುಖಕ್ಕೆ 5 ಬಾರಿ ಪಂಚ್ ಮಾಡಿ ಮಗಳನ್ನು ರಕ್ಷಿಸಿದ್ದಾರೆ.
ಶಾರ್ಕ್ ದಾಳಿಯಿಂದ ಪೈಗೆಯ ಎಡಗೈ ಹಾಗೂ ಎಡಗಾಲಿಗೆ ಗಂಭೀರವಾಗಿ ಗಾಯಗಳಾಗಿತ್ತು. ಬಳಿಕ ಆಕೆಯನ್ನು ಏರ್ ಲಿಫ್ಟ್ ಮೂಲಕ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ದಾಳಿಯ ತೀವ್ರತೆಯಿಂದಾಗಿ ಪೈಗೆಯ ಎಡಗಾಲಿನ ಅರ್ಧ ಭಾಗವನ್ನು ಕತ್ತರಿಸಲಾಗಿದೆ.
ಈ ಬಗ್ಗೆ ಪ್ರತಿಕ್ರಿಯಿಸದ ಪೈಗೆ, ನನಗೆ ಗೊತ್ತು, ನಾನು ಚೇತರಿಸಿಕೊಳ್ಳಲು ಸಾಕಷ್ಟು ಶಸ್ತ್ರ ಚಿಕಿತ್ಸೆ ಮಾಡಿಸಬೇಕು. ನಾನು ಪಾಸಿಟಿವ್ ಆಗಿರುವುದನ್ನು ಮುಂದುವರಿಸುತ್ತೇನೆ. ಸದ್ಯ ನನಗೆ ಹೆಚ್ಚು ಅಪಾಯ ಆಗಿಲ್ಲ ಎಂದು ಅಲ್ಲಿನ ಮಾಧ್ಯಮಕ್ಕೆ ತಿಳಿಸಿದ್ದಾಳೆ.
