ದಿನಬೆಳಗಾದರೇ ಇವತ್ತೇನು ತಿಂಡಿ ಮಾಡೋದು ಅಂಥ ಯೋಚಿಸೋದೇ ಒಂದು ಕೆಲಸ ಆಗುತ್ತೆ. ದಿನಾ ಒಂದೇ ರೀತಿಯ ರೈಸ್ ಐಟಂಗಳು ತಿಂದು ನಾಲಿಗೆ ರುಚಿ ಕೆಟ್ಟಿದ್ರೆ ಡಿಫರೆಂಟ್ ಆಗಿರೋ ಒಂದು ರೆಸಿಪಿಯನ್ನ ನಾವು ತಿಳಿಸಿಕೊಡ್ತೀವಿ. ಇವತ್ತಿನ ನಮ್ಮ ರೆಸಿಪಿಯಲ್ಲಿ ಸಿಂಪಲ್ ಹಾಗೂ ವಿಭಿನ್ನ ರುಚಿಯನ್ನು ನೀಡುವ ಅನಾನಾಸು (ಪೈನಾಪಲ್) ರೈಸ್ ಯಾವ ರೀತಿ ಮಾಡುವುದು ಎಂಬುದನ್ನು ತಿಳಿಸಿಕೊಡುತ್ತಿದ್ದೇವೆ. ಹಾಗಿದ್ರೆ ಇದನ್ನ ಯಾವ ರೀತಿ ಮಾಡುವುದು ಎಂಬುದನ್ನು ತಿಳಿದುಕೊಳ್ಳಿ.
ಬೇಕಾಗುವ ಪದಾರ್ಥಗಳು:
ಅಕ್ಕಿ – 1 ಕಪ್
ಅನಾನಸ್ ತುಂಡುಗಳು – ಅರ್ಧ ಕಪ್
ಈರುಳ್ಳಿ – 1
ಹಸಿಮೆಣಸಿನಕಾಯಿ – 2
ಕರಿಬೇವು – ಸ್ವಲ್ಪ
ಗೋಡಂಬಿ – 8 ರಿಂದ 10
ಸಾಸಿವೆ – ಅರ್ಧ ಚಮಚ
ಉಪ್ಪು – ರುಚಿಗೆ ತಕ್ಕಷ್ಟು
ಹಸಿಮೆಣಸಿನ ಪುಡಿ – ಅರ್ಧ ಚಮಚ
ಅರಿಶಿನ – ಸ್ವಲ್ಪ
ಎಣ್ಣೆ ಅಥವಾ ತುಪ್ಪ – 2 ಚಮಚ
ಮಾಡುವ ವಿಧಾನ:
*ಮೊದಲು ಅಕ್ಕಿಯನ್ನು ಬೇಯಿಸಿ ತಣ್ಣಗಾಗಲು ಬಿಡಿ.
*ಒಂದು ಪ್ಯಾನ್ನಲ್ಲಿ ಎಣ್ಣೆ ಅಥವಾ ತುಪ್ಪ ಬಿಸಿ ಮಾಡಿ ಸಾಸಿವೆ, ಕರಿಬೇವು, ಗೋಡಂಬಿ ಹಾಕಿ ಬಣ್ಣ ಬದಲಾದರೆ ಬಾಡಿಗೆ ತೆಗೆದಿಟ್ಟುಕೊಳ್ಳಿ.
*ಅದೇ ಪ್ಯಾನ್ಗೆ ಈರುಳ್ಳಿ ಹಾಗೂ ಹಸಿಮೆಣಸಿನಕಾಯಿ ಹಾಕಿ ಬಣ್ಣ ಬದಲಾಗುವವರೆಗೆ ಹುರಿಯಿರಿ. ನಂತರ ಅನಾನಸ್ ತುಂಡುಗಳು, ಉಪ್ಪು, ಅರಿಶಿನ, ಹಸಿಮೆಣಸಿನ ಪುಡಿ ಹಾಕಿ 3-4 ನಿಮಿಷ ಹುರಿಯಿರಿ.
*ಕೊನೆಯಲ್ಲಿ ಅನ್ನ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ, ಗೋಡಂಬಿ ಹಾಕಿ ಹುರಿದರೆ ರುಚಿಯಾದ ಪೈನಾಪಲ್ ರೈಸ್ ಸವಿಯಲು ಸಿದ್ಧ.
