‘ಪುಷ್ಪ 2′ (Pushpa 2) ಪ್ರೀಮಿಯರ್ ಶೋ ವೇಳೆ ಕಾಲ್ತುಳಿತ ಸಂಭವಿಸಿ ಮಹಿಳೆ ಸಾವನ್ನಪ್ಪಿದ ಪ್ರಕರಣಕ್ಕೆ ಸಂಬಂಧಿಸಿಂತೆ ತೆಲುಗಿನ ಸ್ಟಾರ್ ಅಲ್ಲು ಅರ್ಜುನ್ ಅವರನ್ನು ಹೈದರಾಬಾದ್ನ ಚಿಕ್ಕಡಪಲ್ಲಿ ಪೊಲೀಸರು ಬಂಧಿಸಿದ್ದಾರೆ. ಈ ವಿಚಾರಕ್ಕೆ ‘ಪುಷ್ಪ 2’ ಖಳನಟ ತಾರಕ್ ಪೊನ್ನಪ್ಪ (Tarak Ponnappa) ಪ್ರತಿಕ್ರಿಯೆ ನೀಡಿದ್ದಾರೆ. ಈ ಘಟನೆಯಲ್ಲಿ ನಟನಾಗಿ ಅವರ ಪಾತ್ರವಿಲ್ಲ ಎಂದು ಪಬ್ಲಿಕ್ ಟಿವಿಗೆ ಫಸ್ಟ್ ರಿಯಾಕ್ಷನ್ ಕೊಟ್ಟಿದ್ದಾರೆ.
ಇದು ಬಹಳ ಬೇಸರದ ವಿಚಾರ. ಆ ಘಟನೆ ಏನು ನಡೆಯಿತು ಅದನ್ನು ನಾವು ನಿರೀಕ್ಷೆ ಮಾಡಿದರಲಿಲ್ಲ. ಅಲ್ಲು ಅರ್ಜುನ್ ಅರೆಸ್ಟ್ ಆಗಿದ್ದಾರೆ ಅಂದರೆ ಅದು ಬೇಜಾರಿನ ವಿಷಯ. ಒಬ್ಬ ನಟ ಅದರ ಬಗ್ಗೆ ಏನು ಮಾಡೋಕೆ ಆಗಲ್ಲ. ‘ಪುಷ್ಪ 2’ ಸಿನಿಮಾಗೆ ಅರ್ಜುನ್ ಸರ್ ಫೇಸ್ ಆಫ್ ದಿ ಸಿನಿಮಾ. ಅವರನ್ನು ನೋಡಿ ಸಿನಿಮಾ ಬರುತ್ತಿದ್ದಾರೆ ಅಂದಾಗ ಏನೋ ಒಳ ಸಂಚು ಇರಬಹುದು. ಅದಕ್ಕೆ ಅರೆಸ್ಟ್ ಮಾಡಿರಬಹುದು ಅನಿಸುತ್ತದೆ. ಆದಷ್ಟು ಬೇಗ ಈ ಎಲ್ಲಾ ತೊಂದರೆಗಳಿಂದ ಅವರು ಹೊರಗಡೆ ಬರುತ್ತಾರೆ ಎಂದುಕೊಳ್ಳುತ್ತಿದ್ದೀನಿ ಎಂದು ತಾರಕ್ ಪೊನ್ನಪ್ಪ ಮಾತನಾಡಿದ್ದಾರೆ.
ಅಂದಹಾಗೆ, 1000ಕ್ಕೂ ಅಧಿಕ ಕೋಟಿ ಗಳಿಸಿರುವ ‘ಪುಷ್ಪ 2’ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಮುಂದೆ ತಾರಕ್ ವಿಲನ್ ಆಗಿ ಅಬ್ಬರಿಸಿದ್ದಾರೆ.
