– ರಾಜ್ಯದಲ್ಲಿ ಒಟ್ಟು ಮತದಾರರ ಸಂಖ್ಯೆ ಶೇ.11.5 ರಷ್ಟು ಕುಸಿತ
ಚೆನ್ನೈ: ತಮಿಳುನಾಡಿನಲ್ಲಿ (Tamil Nadu) ಮತದಾರರ ಪಟ್ಟಿಯ ವಿಶೇಷ ತೀವ್ರ ಪರಿಷ್ಕರಣೆ (SIR)ಯ ಅಂತಿಮ ಪಟ್ಟಿ ಸೋಮವಾರ (ಇಂದು) ಪ್ರಕಟಗೊಂಡಿದೆ. ತಮಿಳುನಾಡಿನ ಮುಖ್ಯ ಚುನಾವಣಾ ಅಧಿಕಾರಿ ಅರ್ಚನಾ ಪಟ್ನಾಯಕ್ ಅಂತಿಮ ಮತದಾರರ ಪಟ್ಟಿಯನ್ನು (Voters List) ಬಿಡುಗಡೆಗೊಳಿಸಿದ್ದಾರೆ.
ಅಂತಿಮ ಪಟ್ಟಿಯಲ್ಲಿ ಒಟ್ಟು 5,67,07,380 ಮತದಾರರಿದ್ದಾರೆ. ಈ ಪೈಕಿ 28,960,838 ಮಹಿಳೆಯರು ಮತ್ತು 27,738,925 ಪುರುಷ ಮತದಾರರು ಇದ್ದಾರೆ. 18-19 ವರ್ಷ ವಯಸ್ಸಿನ ಮತದಾರರ ಸಂಖ್ಯೆ 12.51 ಲಕ್ಷವಾಗಿದ್ದು, ಇದರಲ್ಲಿ 7.40 ಲಕ್ಷ ಯುವಜನರನ್ನ ʻಸರ್ʼ ಅಭಿಯಾನದ ವೇಳೆ ನೋಂದಾಯಿಸಲಾಗಿದೆ. ಆದ್ರೆ SIR ಅಭಿಯಾನದ ನಂತರ ರಾಜ್ಯದಲ್ಲಿ 97.37 ಲಕ್ಷ ಮತದಾರರ ಹೆಸರುಗಳನ್ನ ಪಟ್ಟಿಯಿಂದ ಡಿಲೀಟ್ ಮಾಡಲಾಗಿದ್ದು, ಮತದಾರರ ಸಂಖ್ಯೆ ಶೇ. 11.5 ರಷ್ಟು ಕುಸಿತವಾಗಿದೆ ಎಂದು ಅರ್ಚನಾ ಪಟ್ನಾಯಕ್ (Archana Patnaik) ಮಾಹಿತಿ ನೀಡಿದ್ದಾರೆ. ಇದನ್ನೂ ಓದಿ: ಭಾರತ್ ಟ್ಯಾಕ್ಸಿಯಲ್ಲಿ ಚಾಲಕರೇ ಮಾಲೀಕರು, 80% ಆದಾಯ ಚಾಲಕರಿಗೆ: ಅಮಿತ್ ಶಾ
34 ಲಕ್ಷ ಅರ್ಜಿ ಸಲ್ಲಿಕೆ
ʻಸರ್ʼ ಅಭಿಯಾನ ಶುರುವಾದ ನಂತರ ಮತದಾರರ ಪಟ್ಟಿಗೆ ಹೆಸರು ಸೇರಿಸಲು 34,75,717 ಅರ್ಜಿಗಳು ಆಫ್ಲೈನ್ ಮತ್ತು ಆನ್ಲೈನ್ನಲ್ಲಿ ಸಲ್ಲಿಕೆಯಾಗಿತ್ತು. ಆದ್ರೆ 2025 ರ ಡಿಸೆಂಬರ್ 19 ರಿಂದ ಜನವರಿ 30 ರ ವರೆಗಿನ ಹಕ್ಕು ಮತ್ತು ಆಕ್ಷೇಪಣೆ ಸಲ್ಲಿಸುವ ಅವಧಿಯಲ್ಲಿ 27.53 ಲಕ್ಷ ಅರ್ಹ ಮತದಾರರನ್ನ ಪಟ್ಟಿಗೆ ಸೇರಿಸಲಾಗಿದೆ. ಇದೇ ವೇಳೆ 4.23 ಲಕ್ಷ ಅನರ್ಹ ಮತದಾರರ ಹೆಸರನ್ನ ಡಿಲೀಟ್ ಮಾಡಲಾಗಿದೆ ಎಂದು ಅವರು ವಿವರಿಸಿದ್ದಾರೆ. ಇದನ್ನೂ ಓದಿ: IDFC First Bank ಒಂದೇ ಬ್ರ್ಯಾಂಚ್ನಲ್ಲಿ 590 ಕೋಟಿ ವಂಚನೆ – ನಾಲ್ವರು ಅಮಾನತು
ಅತಿಹೆಚ್ಚು, ಕಡಿಕೆ ಮತದಾರರು ಇರುವ ಕ್ಷೇತ್ರಗಳು ಯಾವುದು?
SIR ಅಂತಿಮ ಪಟ್ಟಿ ಪ್ರಕಟವಾದ ಬಳಿಕ, ಚೆಂಗಲ್ಪೇಟೆ ಜಿಲ್ಲೆಯ ಶೋಜಿಂಗನಲ್ಲೂರು ವಿಧಾನಸಭಾ ಕ್ಷೇತ್ರ ಅತಿಹೆಚ್ಚು ಮತದಾರರನ್ನ ಹೊಂದಿರುವ ಕ್ಷೇತ್ರವಾಗಿದೆ. ಶೋಜಿಂಗನಲ್ಲೂರಿನಲ್ಲಿ 5,36,991 ಮತದಾರರಿದ್ದಾರೆ. ಈ ಪೈಕಿ 2,62,621 ಪುರುಷರು, 2,74,254 ಮಹಿಳೆಯರು, 116 ತೃತೀಯಲಿಂಗಿ ಮತದಾರರು ಇದ್ದಾರೆ.
ಇನ್ನೂ ಚೆನ್ನೈ ಜಿಲ್ಲೆಯ ಹಾರ್ಬರ್ ಅತೀ ಕಡಿಮೆ ತದಾರರನ್ನು ಒಳಗೊಂಡ ಕ್ಷೇತ್ರವಾಗಿದೆ. ಇದರಲ್ಲಿ 1,16,896 ಮತದಾರರಿದ್ದಾರೆ. ಈ ಪೈಕಿ 58,221 ಪುರುಷರು, 58,620 ಮಹಿಳೆಯರು ಮತ್ತು 55 ತೃತೀಯ ಲಿಂಗಿ ವೋಟರ್ಸ್ ಇದ್ದಾರೆ. ಇದನ್ನೂ ಓದಿ: ‘ನೀವು ಮೋದಿಯನ್ನು ನಿಂದಿಸುತ್ತೀರಿ..’: ಮುಸ್ಲಿಂ ಮಹಿಳೆಗೆ ಕಂಬಳಿ ಕೊಡಲು ನಿರಾಕರಿಸಿದ ಬಿಜೆಪಿ ನಾಯಕ
