Connect with us

Cinema

ಶಿವಮೊಗ್ಗ ಜೈಲಿನಿಂದ ಕೈಬೀಸಿದ ನಟ ವಿಜಯ್

Published

on

ಶಿವಮೊಗ್ಗ: ತಮಿಳಿನ ಖ್ಯಾತ ನಟ ಇಳಯ ದಳಪತಿ ವಿಜಯ್ ಕಳೆದ ಒಂದು ವಾರದಿಂದ ಸಿನಿಮಾ ಚಿತ್ರೀಕರಣಕ್ಕಾಗಿ ಶಿವಮೊಗ್ಗ ಜೈಲಿನಲ್ಲಿದ್ದಾರೆ. ಶಿವಮೊಗ್ಗದ ಹಳೆ ಜೈಲಿನಲ್ಲಿ ದಳಪತಿ 64 ಚಿತ್ರ ಲೋಕೇಶ್ ಕನಗರಾಜ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿದ್ದು, ಸಿನಿಮಾ ಚಿತ್ರೀಕರಣ ಭರ್ಜರಿಯಾಗಿ ನಡೆಯುತ್ತಿದೆ. ಇಡೀ ಚಿತ್ರತಂಡ ಶಿವಮೊಗ್ಗ ಜೈಲಿನಲ್ಲಿ ಬೀಡುಬಿಟ್ಟಿದೆ.

ಕಳೆದ ಒಂದು ವಾರದಿಂದ ಶಿವಮೊಗ್ಗ ಜೈಲಿನಲ್ಲಿ ಇರುವ ವಿಜಯ್ ನೋಡಲು ಅಭಿಮಾನಿಗಳು ಮುಗಿಬಿದ್ದಿದ್ದಾರೆ. ಶಿವಮೊಗ್ಗದ ಜೈಲು ಆವರಣದಲ್ಲಿ ಚಿತ್ರೀಕರಣ ನಡೆಯುತ್ತಿದ್ದರೆ, ಇತ್ತ ಗೇಟ್ ಮುಂದೆ ಅಭಿಮಾನಿಗಳು ವಿಜಯ್ ನೋಡಲೆಂದು ಕಾಯುತ್ತ ನಿಂತಿರುತ್ತಾರೆ. ನಟ ವಿಜಯ್ ತಂಗಿರುವ ಹೋಟೆಲ್ ಮುಂಭಾಗದಲ್ಲಿ ಅಭಿಮಾನಿಗಳು ಜಮಾಯಿಸುತ್ತಿದ್ದಾರೆ. ಚಿತ್ರೀಕರಣ ಮುಗಿಸಿ ವಿಜಯ್ ತಂಗಿರುವ ಹೋಟೆಲ್‍ಗೆ ಹೋಗುವಾಗ ಮತ್ತು ಚಿತ್ರೀಕರಣಕ್ಕೆಂದು ಜೈಲಿಗೆ ಆಗಮಿಸುವಾಗ ಅಭಿಮಾನಿಗಳು ಅವರ ಕಾರನ್ನು ಸುತ್ತುವರಿದು, ವಿಜಯ್ ಪರ ಜೈಕಾರ ಕೂಗುತ್ತಿದ್ದಾರೆ.

ಕಳೆದ ಒಂದು ವಾರದಿಂದ ವಿಜಯ್ ನೋಡಲು ಕಾತುರದಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ ದಳಪತಿ ಕೊನೆಗೂ ದರ್ಶನ ನೀಡಿದ್ದಾರೆ. ವಿಜಯ್ ನೋಡಲೆಂದು ಬಂದಿದ್ದ ಅಭಿಮಾನಿಗಳು ಹೋಟೆಲ್ ಮುಂಭಾಗ ನೆರೆದಿದ್ದರು. ಹೋಟೆಲ್‍ಗೆ ಆಗಮಿಸುವಾಗ ಕಾರಿನಿಂದ ಇಳಿದು ಹೊರ ಬಂದ ವಿಜಯ್ ಅಭಿಮಾನಿಗಳತ್ತ ಕೈ ಬೀಸಿ ದರ್ಶನ ನೀಡುವ ಮೂಲಕ ಸಂತೋಷಪಡಿಸಿದ್ದಾರೆ. ಒಂದು ತಿಂಗಳ ಕಾಲ ದಳಪತಿ ’64’ ಸಿನಿಮಾ ಶಿವಮೊಗ್ಗದಲ್ಲಿ ಚಿತ್ರೀಕರಣ ನಡೆಯಲಿದೆ.

Click to comment

Leave a Reply

Your email address will not be published. Required fields are marked *