T20 ವಿಶ್ವಕಪ್‍ನಲ್ಲಿ ಡಲ್ ಆದ ಚಾಂಪಿಯನ್ ಆಟಗಾರರು – ಸೂಪರ್ 12 ಹಂತದಲ್ಲೇ ಔಟ್

ದುಬೈ: ಟಿ20 ವಿಶ್ವಕಪ್‍ನಲ್ಲಿ ಹೊಡಿಬಡಿ ಆಟದ ಮೂಲಕ ತಮ್ಮ ಸಾಮರ್ಥ್ಯ ಪ್ರದರ್ಶಿಸಿ ಎರಡು ಬಾರಿ ಚಾಂಪಿಯನ್ ಆಗಿ ಮೆರೆದಾಡಿದ ವೆಸ್ಟ್ ಇಂಡೀಸ್ ತಂಡ ಈ ಬಾರಿ ಡಲ್ ಆಗಿದೆ.

ಟಿ20 ಕ್ರಿಕೆಟ್‍ನಲ್ಲಿ ದೈತ ಆಟಗಾರರ ದಂಡು ತಂಡದಲ್ಲಿದ್ದರು ಕೂಡ ನಿರೀಕ್ಷಿತ ಮಟ್ಟದ ಪ್ರದರ್ಶನ ತೊರದೆ ವೆಸ್ಟ್ ಇಂಡೀಸ್ ತಂಡ ಈ ಬಾರಿ ಸೂಪರ್-12 ಹಂತದಿಂದಲೇ ಹೊರಬಿದ್ದಿದೆ. ವಿಶ್ವದ ಹಲವು ಟಿ20 ಟೂರ್ನಿಗಳಲ್ಲಿ ಮಿಂಚುವ ಕ್ರಿಸ್ ಗೇಲ್, ಕೀರನ್ ಪೊಲಾರ್ಡ್, ಡ್ವೇನ್ ಬ್ರಾವೋ ಅವರಂತಹ ಘಟಾನುಘಟಿ ಆಟಗಾರರು ತಂಡದಲ್ಲಿದ್ದರೂ ಕೂಡ ವೆಸ್ಟ್ ಇಂಡೀಸ್ ತಂಡ ಸೋಲಿನ ಸುಳಿಗೆ ಬಿದ್ದು ಸೆಮಿಫೈನಲ್‍ಗೇರದೆ ಟೂರ್ನಿಯಿಂದ ನಿರ್ಗಮಿಸಿ ನಿರಾಸೆ ಮೂಡಿಸಿದೆ. ಇದನ್ನೂ ಓದಿ: ಟೀಂ ಇಂಡಿಯಾ ಸೆಮಿಫೈನಲ್ ಕನಸು ನನಸಾಗಲು ಇದೊಂದೇ ಮಾರ್ಗ

ಟಿ20 ಕ್ರಿಕೆಟ್‍ನಲ್ಲಿ ಹೆಸರುವಾಸಿಯಾಗಿದ್ದ ವೆಸ್ಟ್ ಇಂಡೀಸ್ 2012 ಮತ್ತು 2016ರಲ್ಲಿ ಟಿ20 ವಿಶ್ವಕಪ್ ಗೆದ್ದು ಟಿ20 ವಿಶ್ವಕಪ್ ಇತಿಹಾಸದಲ್ಲಿ ಎರಡು ಬಾರಿ ಪ್ರಶಸ್ತಿ ಜಯಿಸಿದ ಏಕೈಕ ತಂಡವೆಂಬ ಕೀರ್ತಿಗೆ ಪಾತ್ರವಾಗಿತ್ತು. ಈ ಬಾರಿಯು ವೆಸ್ಟ್ ಇಂಡೀಸ್ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡವಾಗಿತ್ತು. ಆದರೆ ಆಡಿದ 4 ಪಂದ್ಯಗಳಲ್ಲಿ 3 ಪಂದ್ಯಗಳನ್ನು ಸೋತು ಸೂಪರ್-12 ಹಂತದಲ್ಲೇ ಹೊರ ಬಿದ್ದಿದೆ. ತಂಡದಲ್ಲಿ ಟಿ20 ಸ್ಪೆಷಲಿಸ್ಟ್ ಆಟಗಾರರು ಇದ್ದರೂ ಕೂಡ ತಂಡವಾಗಿ ಪ್ರದರ್ಶನ ತೋರಲು ವಿಫಲವಾದ ಕಾರಣ ನಿರಾಸೆ ಅನುಭವಿಸಿದೆ.  ಇದನ್ನೂ ಓದಿ: ವಿರಾಟ್ ಕೊಹ್ಲಿ ಏಕದಿನ ನಾಯಕತ್ವದ ಮೇಲೆ ತೂಗುಗತ್ತಿ