ಆನ್‌ಫೀಲ್ಡ್‌ನಲ್ಲಿ ರೈನಾ ನಡೆಗೆ ನೆಟ್ಟಿಗರ ಮೆಚ್ಚುಗೆ

ಹೈದರಾಬಾದ್: ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಆಟಗಾರ ಸುರೇಶ್ ರೈನಾ ಡೆಲ್ಲಿ ವಿರುದ್ಧದ ಪಂದ್ಯದ ವೇಳೆ ರಿಷಬ್ ಪಂತ್ ಶೂ ಲೇಸ್ ಕಟ್ಟಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ.

ಟೂರ್ನಿಯಲ್ಲಿ ಡೆಲ್ಲಿ ತಂಡದ ಪರ ಉತ್ತಮ ಪ್ರದರ್ಶನ ತೋರಿದ ರಿಷಬ್ ಎದುರಾಳಿಗಳಿಗೆ ತಮ್ಮ ಬ್ಯಾಟಿಂಗ್‍ನಿಂದ ಕಾಡಿದ್ದರು. ಚೆನ್ನೈ ವಿರುದ್ಧದ ನಿರ್ಣಯಕ ಪಂದ್ಯದಲ್ಲೂ ಕೂಡ ರಿಷಬ್ ಏಕಾಂಗಿ ಹೋರಾಟ ನಡೆಸಿದ್ದರು. ಈ ಹಂತದಲ್ಲಿ ರಿಷಬ್‍ರ ಶೂ ಲೇಸ್ ಕಳಚಿಕೊಂಡಿತ್ತು. ಇದನ್ನು ಕಂಡ ರೈನಾ ಪಂತ್ ಬಳಿ ಬಂದು ಶೂ ಲೇಸ್ ಕಟ್ಟಿದ್ದರು.

#SpiritOfCricket at #VIVOIPL ???????? pic.twitter.com/gWIY5NwEGL

— IndianPremierLeague (@IPL) May 10, 2019

ಈ ವಿಡಿಯೋವನ್ನು ಐಪಿಎಲ್ ಟ್ಟಿಟ್ಟರ್ ಖಾತೆಯಲ್ಲಿ ಟ್ವೀಟ್ ಮಾಡಲಾಗಿದ್ದು, ಕ್ರೀಡಾಸ್ಫೂರ್ತಿಯನ್ನು ಮೆರೆದ ರೈನಾ ನಡೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕಳೆದ ಪಂದ್ಯದಲ್ಲೂ ಕ್ರಿಸ್‍ಗೆ ಬರುತ್ತಿದ್ದ ರೈನಾರನ್ನು ಅಡ್ಡಪಡಿಸಿ ಪಂತ್ ಕಾಲೆಳೆದಿದ್ದರು. ಈ ವಿಡಿಯೋ ಕೂಡ ಸಖತ್ ವೈರಲ್ ಆಗಿತ್ತು. ಇಬ್ಬರ ಆಟಗಾರರ ನಡುವೆ ಇರುವ ಬಾಂಧವ್ಯವನ್ನು ಮೆಚ್ಚಿ ಹಲವು ಮಂದಿ ಪ್ರತಿಕ್ರಿಯೆ ನೀಡಿದ್ದಾರೆ.

ಇತ್ತ ಪಂದ್ಯದಲ್ಲಿ ಡೆಲ್ಲಿ ಸೋಲು ಕಂಡರೂ ಕೂಡ ಟೂರ್ನಿಯಲ್ಲಿ ಯುವ ಆಟಗಾರ ರಿಷಬ್ ಪಂತ್‍ರ ಬ್ಯಾಟಿಂಗ್ ಕುರಿತು ಹಲವು ಹಿರಿಯ ಆಟಗಾರರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಿರಿಯ ಆಟಗಾರ ಸಂಜಯ್ ಮಂಜ್ರೇಕರ್ ಅವರು ಪಂತ್‍ರ ಗುಣಗಾನ ಮಾಡಿದ್ದು, ಪ್ರಸಕ್ತ ತಲೆಮಾರಿನ ಸೆಹ್ವಾಗ್ ಎಂದಿದ್ದಾರೆ. ಇತ್ತ ಸೆಹ್ವಾಗ್ ಕೂಡ ಪಂತ್‍ರನ್ನು ಹೊಗಳಿದ್ದು, ‘ಗೇಮ್ ಚೇಂಜಿಂಗ್’ ಆಟಗಾರ ಎಂದು ಕರೆದಿದ್ದಾರೆ.

https://twitter.com/Rastogi3Sapna/status/1126901981488996353

If there is ever a biopic made on Raina, more than half of the movie would be on his spirit of cricket. https://t.co/ELvBo7bCrM

— Silly Point (@FarziCricketer) May 10, 2019