ಪೈಲ್ವಾನ್ ಚಿತ್ರದ ಸುನಿಲ್ ಶೆಟ್ಟಿ ಫಸ್ಟ್ ಲುಕ್ ರಿವೀಲ್

ಬೆಂಗಳೂರು: ಬಾಲಿವುಡ್ ಖ್ಯಾತ ನಟ ಸುನಿಲ್ ಶೆಟ್ಟಿ ಕನ್ನಡದ ‘ಪೈಲ್ವಾನ್’ ಸಿನಿಮಾದಲ್ಲಿ ನಟಿಸುತ್ತಿರುವುದು ಎಲ್ಲರಿಗೂ ತಿಳಿದ ಸಂಗತಿ. ಸದ್ಯ ಪೈಲ್ವಾನ್ ಚಿತ್ರತಂಡ ಸಿನಿಮಾದಲ್ಲಿ ಸುನಿಲ್ ಅವರ ಲುಕ್ ಹೇಗಿರಲಿದೆ ಎಂಬ ಕುತೂಹಲಕ್ಕೆ ತೆರೆ ಎಳೆದಿದ್ದು, ನಟ ಕಿಚ್ಚ ಸುದೀಪ್ ಫೋಟೋ ಟ್ವೀಟ್ ಮಾಡಿದ್ದಾರೆ.

ಮಂಗಳೂರು ಮೂಲದ ತುಳು ಭಾಷಿಕರಾಗಿರುವ ಸುನಿಲ್ ಶೆಟ್ಟಿ ಅವರು ಖಡಕ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದು ಸಂಜೆ 6 ಗಂಟೆ ವೇಳೆಗೆ ಸುನಿಲ್ ಶೆಟ್ಟಿ ಫಸ್ಟ್ ಲುಕ್ ಪೋಸ್ಟರನ್ನು ಸುದೀಪ್ ಟ್ವೀಟ್ ಮಾಡಿದ್ದು, ಅವರು ತೆರೆ ಮೇಲೆ ಕಾಣಿಸಿಕೊಂಡರೆ ಅದರ ಮೌಲ್ಯ ಹೆಚ್ಚಾಗುತ್ತದೆ ಎಂದು ಹೇಳಿ ಮೆಚ್ಚುಗೆ ಸೂಚಿಸಿದ್ದಾರೆ.

Presenting SARKAR from #Pailwaan
His presence with this avatar on screen is worth a whistle. His subtlety shall speak for him.
Cheers @SunielVShetty Anna ????????@krisshdop@iswapnakrishna
@ArjunjanyaAJ pic.twitter.com/TPETlEaZVo

— Kichcha Sudeepa (@KicchaSudeep) May 22, 2019

ಪೈಲ್ವಾನ್ ಚಿತ್ರದ ‘ಸರ್ಕಾರ್’ ಎಂಬ ಬಹು ಮುಖ್ಯ ಪಾತ್ರದಲ್ಲಿ ಸುನಿಲ್ ಶೆಟ್ಟಿ ನಟಿಸುತ್ತಿದ್ದಾರೆ. ಸದ್ಯ ಅವರ ಪಾತ್ರದ ಕುರಿತ ಹೆಚ್ಚಿನ ಮಾಹಿತಿಯನ್ನ ಚಿತ್ರತಂಡ ಬಿಟ್ಟುಕೊಟ್ಟಿಲ್ಲ. ಚಿತ್ರದ ಫಸ್ಟ್ ಲುಕ್ ಟ್ವೀಟ್ ಮಾಡಿರುವ ಸುನಿಲ್ ಶೆಟ್ಟಿ, ಸಂತಸ ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ಮತ್ತೊಮ್ಮೆ ನಿಮ್ಮೊಂದಿಗೆ ನಟಿಸುವ ಅವಕಾಶದತ್ತ ಎದುರು ನೋಡುತ್ತಿದ್ದೆನೆ ಎಂದು ನಟ ಸುದೀಪ್, ಚಿತ್ರದ ನಿರ್ದೇಶಕ ಎಸ್. ಕೃಷ್ಣ ಹಾಗೂ ಚಿತ್ರತಂಡಕ್ಕೆ ಧನ್ಯವಾದ ತಿಳಿಸಿದ್ದಾರೆ.

ಪೈಲ್ವಾನ್ ಚಿತ್ರ ವರಮಹಾಲಕ್ಷ್ಮಿ ಹಬ್ಬದಂದು ತೆರೆಗೆ ಅಪ್ಪಳಿಸಲು ಸಿದ್ಧವಾಗಿದ್ದು, ಕನ್ನಡ, ತೆಲುಗು, ತಮಿಳು, ಮಲಯಾಳಂ, ತಮಿಳು ಹಾಗೂ ಹಿಂದಿ ಭಾಷೆಗಳಲ್ಲಿ ಬಿಡುಗಡೆಯಾಗುತ್ತಿದೆ.

Hey guys happy to showcase the first look of my first Kannada film #Pailwaan with the brilliant @KicchaSudeep directed by @krisshdop & an amazing crew! Thank you for making me feel at home! Looking forward to working with you again! pic.twitter.com/wz0wEtdfIw

— Suniel Shetty (@SunielVShetty) May 22, 2019