Connect with us

Latest

ಕರ್ತವ್ಯಕ್ಕೆ ಹಾಜರಾದ ಭಾರತದ ಮೊದಲ ಮಹಿಳಾ ಸೇನಾ ಪೈಲಟ್

Published

on

ನವದೆಹಲಿ: ಭಾರತೀಯ ನೌಕಪಡೆಯ ಮೊದಲ ಪೈಲಟ್ ಆಗಿ ಸಬ್ ಲೆಫ್ಟಿನೆಂಟ್ ಶಿವಾಂಗಿ ಇಂದು ಕರ್ತವ್ಯಕ್ಕ ಹಾಜರಾಗಿದ್ದಾರೆ.

ಶಿವಾಂಗಿ ಅವರನ್ನು ಆರಂಭಿಕ ತರಬೇತಿ ನಂತರ ಭಾರತೀಯ ನೌಕಪಡೆಗೆ ಸಬ್ ಲೆಫ್ಟಿನೆಂಟ್ ಆಗಿ ನಿಯೋಜಿಸಲಾಗಿತ್ತು. ಈಗ ಅವರನ್ನು ಭಾರತದ ಮೊದಲ ಮಹಿಳಾ ಪೈಲಟ್ ಆಗಿ ನೇಮಕ ಮಾಡಿದ್ದು, ಅವರು ಕೊಚ್ಚಿ ನೌಕ ನೆಲೆಯಲ್ಲಿ ಇಂದಿನಿಂದ ತಮ್ಮ ಕರ್ತವ್ಯವನ್ನು ಆರಂಭಿಸಿದ್ದಾರೆ.

ಬಿಹಾರದ ಮುಝಾಫರ್ ನಗರದಲ್ಲಿ ಜನಿಸಿದ ಶಿವಾಂಗಿ 2018 ರಲ್ಲಿ ಪ್ರಾಥಮಿಕ ತರಬೇತಿ ಮುಗಿಸಿ ಭಾರತೀಯ ಸೇನೆಯಲ್ಲಿ ಕೆಲಸ ಮಾಡುತ್ತಿದ್ದರು. ಇಂದು ಭಾರತದ ಮೊದಲ ಮಹಿಳಾ ಪೈಲಟ್ ಆಗಿರುವ ಶಿವಾಂಗಿ ಮಾತನಾಡಿ, ನನ್ನ ಈ ಸಾಧನೆಯ ಬಗ್ಗೆ ನನಗೆ ಹೆಮ್ಮೆ ಇದೆ. ಇದು ನನಗೂ ಮತ್ತು ನನ್ನ ತಂದೆ ತಾಯಿಗೂ ಖುಷಿ ತಂದಿದೆ. ನಾನು ತುಂಬಾ ದಿನಗಳಿಂದ ಈ ಕ್ಷಣಕ್ಕಾಗಿ ಕಾದಿದ್ದೆ. ಅದು ಇಂದು ಬಂದಿದೆ, ನನಗೆ ಈ ಸಂತೋಷವನ್ನು ವ್ಯಕ್ತಪಡಿಸಲು ಆಗುತ್ತಿಲ್ಲ ಎಂದು ಹೇಳಿದ್ದಾರೆ.

ಈ ಮೊದಲಿನಿಂದಲೂ ಮಹಿಳೆಯರು ಭಾರತೀಯ ನೌಕಪಡೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಆದರೆ ಯಾರು ಪೈಲಟ್ ಆಗಿರಲಿಲ್ಲ. ಹಾಗಾಗಿ ಮೊದಲ ಬಾರಿಗೆ ಮಹಿಳಾ ಪೈಲಟ್ ಅಗಿರುವುದು ಒಂದು ವಿಭಿನ್ನ ಅನುಭವ. ಇದು ಮುಂದೆ ಭಾರತೀಯ ನೌಕಪಡೆಗೆ ಸೇರಬಯಸುವ ಮಹಿಳೆಯರಿಗೆ ಹೆಚ್ಚಿನ ಅವಕಾಶಗಳನ್ನು ಮಾಡಿಕೊಡಲಿದೆ. ಮುಂದಿನ ದಿನದಲ್ಲಿ ಮಹಿಳೆಯರು ಚಾಪರ್ಸ್ ಮತ್ತು ಫೈಟರ್ಸ್ ಯುದ್ಧ ವಿಮಾನಗಳನ್ನು ಬಳಸಲಿದ್ದಾರೆ ಎಂದು ಶಿವಾಂಗಿ ಹೇಳಿದ್ದಾರೆ.

ಶಿವಾಂಗಿ ಅವರಿಗಿಂತ ಮುಂಚಿತವಾಗಿ ಭಾರತೀಯ ವಾಯುಪಡೆಯ ವಿಂಗ್ ಕಮಾಂಡರ್ ಎಸ್ ಧಮಿ ಆಗಸ್ಟ್ ನಲ್ಲಿ ಫ್ಲೈಯಿಂಗ್ ಯುನಿಟ್ ನ ಫ್ಲೈಟ್ ಕಮಾಂಡರ್ ಆದ ದೇಶದ ಮೊದಲ ಮಹಿಳಾ ಅಧಿಕಾರಿ ಎನಿಸಿಕೊಂಡಿದ್ದರು.

Click to comment

Leave a Reply

Your email address will not be published. Required fields are marked *