Connect with us

Bengaluru Rural

ಶಿಕ್ಷಕಿಯರ ವರ್ಗಾವಣೆ- ಬಿಕ್ಕಿಬಿಕ್ಕಿ ಅತ್ತ ವಿದ್ಯಾರ್ಥಿಗಳು

Published

on

– ಭಾವುಕರಾದ ಶಿಕ್ಷಕಿಯರು

ಬೆಂಗಳೂರು: ಇಬ್ಬರು ಪ್ರೌಢಶಾಲಾ ಶಿಕ್ಷಕಿಯರ ವರ್ಗಾವಣೆ ಹಿನ್ನೆಲೆಯಲ್ಲಿ ಶಾಲಾ ವಿದ್ಯಾರ್ಥಿಗಳು ತಮ್ಮ ನೆಚ್ಚಿನ ಗುರುಗಳಿಗೆ ಕಣ್ಣೀರಿನಲ್ಲಿಯೇ ಬೀಳ್ಕೊಟ್ಟ ಅಪರೂಪದ ದೃಶ್ಯ ಕಂಡು ಬಂದಿದೆ.

ಬೆಂಗಳೂರು ಹೊರವಲಯ ನೆಲಮಂಗಲ ತಾಲೂಕಿನ ದೊಡ್ಡಬೆಲೆ ಪ್ರೌಢಶಾಲೆಯಲ್ಲಿ ವಿದ್ಯಾರ್ಥಿಗಳ ಹಾಗೂ ವರ್ಗಾವಣೆ ಶಿಕ್ಷಕಿಯರ ನಡುವೆ ಭಾವ ಲಹರಿಯೇ ಏರ್ಪಟ್ಟಿದೆ. ಶಿಕ್ಷಕಿಯರಾದ ಪ್ರತಿಭಾ ಮತ್ತು ಸೌಮ್ಯ ದೊಡ್ಡಬೆಲೆ ಶಾಲೆಯಲ್ಲಿ ಕಳೆದ 15 ವರ್ಷಗಳಿಗೂ ಅಧಿಕ ಕಾಲ ಹಿಂದಿ ಮತ್ತು ಸಮಾಜ ವಿಜ್ಞಾನ ಶಿಕ್ಷಕಿಯರಾಗಿ ಕಾರ್ಯನಿರ್ವಹಿಸಿ ಮಕ್ಕಳ ಪ್ರೀತಿಗೆ ಪಾತ್ರರಾಗಿದ್ದರು.

ವಿದ್ಯಾರ್ಥಿಗಳು ಬಿಕ್ಕಿಬಿಕ್ಕಿ ಅತ್ತು ಭಾವುಕರಾದರೆ, ಮಕ್ಕಳನ್ನು ನೋಡಿ ಶಿಕ್ಷಕಿಯರೂ ಭಾವುಕರಾಗಿದ್ದಾರೆ. ತಮ್ಮ ಮಕ್ಕಳಂತೆ ತಬ್ಬಿ ಶಿಕ್ಷಕಿಯರು ಸಮಾಧಾನಪಡಿಸಿದ ಕ್ಷಣಗಳು ಎಂಥವರನ್ನು ಮೂಕ ವಿಸ್ಮಿತರನ್ನಾಗಿಸಿತು. ಈ ಗುರು ಶಿಷ್ಯರ ಸಂಬಂಧ ಜನುಮಜನಮದ ಅನುಬಂಧಕ್ಕೆ ಈ ಇಡೀ ಕ್ಷಣ ಸಾಕ್ಷಿಯಾಗಿದೆ.

ಈ ಘಟನೆ ನೋಡಿದರೆ ಹಿಂದೆ ಮೈಸೂರಲ್ಲಿ ಶಿಕ್ಷಕರಾಗಿ ವರ್ಗಾವಣೆಯಾದ ಸರ್ವಪಲ್ಲಿ ರಾಧಾಕೃಷ್ಣನ್ ಅವರಿಗೆ ರೈಲು ನಿಲ್ದಾಣದ ತನಕ ಯಾವ ರೀತಿ ಬಿಳ್ಕೊಟ್ಟರೋ, ಅದೇ ರೀತಿ ಸರದಿ ಸಾಲಿನಲ್ಲಿ ನಿಂತು, ಶಿಕ್ಷಕಿಯರು ಕಾರು ಏರುವ ತನಕ ಮಕ್ಕಳು ಜೊತೆಯಲ್ಲಿಯೇ ಇದ್ದರು. ಈ ಇಬ್ಬರು ಶಿಕ್ಷಕಿಯರು, ಪಾಠ ಪ್ರವಚನದಲ್ಲಿ ವಿದ್ಯಾರ್ಥಿಗಳ ಮನಗೆದ್ದು, ಎಲ್ಲರಿಗೂ ಮನೆ ಮಾತಾಗಿದ್ದರು.

Click to comment

Leave a Reply

Your email address will not be published. Required fields are marked *