BelgaumDistrictsKarnatakaLatest

ಎಕ್ಸಾಂ ಮುಗಿದಿದ್ದಕ್ಕೆ ಬಣ್ಣ ಎರಚಿ ಡಾನ್ಸ್ ಮಾಡಿ ಎಂಜಿನಿಯರಿಂಗ್ ವಿದ್ಯಾರ್ಥಿಗಳ ಸಂಭ್ರಮ

ಬೆಳಗಾವಿ(ಚಿಕ್ಕೋಡಿ): ಎಂಜಿನಿಯರಿಂಗ್ ಕೊನೆಯ ಪರೀಕ್ಷೆ ಮುಗಿದಿದ್ದಕ್ಕೆ ವಿದ್ಯಾರ್ಥಿಗಳು ಹರ್ಷೋದ್ಘಾರ ವ್ಯಕ್ತಪಡಿಸಿದ ದೃಶ್ಯ ಬೆಳಗಾವಿಯಲ್ಲಿ ಕಂಡು ಬಂದಿದೆ.

ಜಿಲ್ಲೆಯ ಹುಕ್ಕೇರಿ ತಾಲೂಕಿನ ನಿಡಸೋಶಿ ಗ್ರಾಮದಲ್ಲಿರುವ ಹೀರಾಶುಗರ್ ಇನಿಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಕಾಲೇಜಿನಲ್ಲಿ ಈ ದೃಶ್ಯ ಕಂಡು ಬಂದಿದೆ. ಬಿಇ ಕೊನೆಯ ಎಕ್ಸಾಂ ಮುಗಿದಿದ್ದಕ್ಕೆ ವಿದ್ಯಾರ್ಥಿಗಳು ಹೋಳಿ ಹಬ್ಬದಂತೆ ಬಣ್ಣ ಎರಚಿ ಖುಷಿಪಟ್ಟಿದ್ದಾರೆ.

ಬಣ್ಣ ಎರಚಿ ಕಾಯಿ ಒಡೆದು ಡಾನ್ಸ್ ಮಾಡಿ ಕುಣಿದು ಕುಪ್ಪಳಿಸಿದ್ದಾರೆ. ಬಳಿಕ ಕಾಲೇಜು ಗೇಟಿಗೆ ಕರ್ಪೂರದಿಂದ ಪೂಜೆ ಮಾಡಿ ವಿದ್ಯಾರ್ಥಿಗಳು ಈಡುಗಾಯಿ ಒಡೆದಿದ್ದಾರೆ.

ಮೇ 28ರಂದು ಬಿಇ ಪರೀಕ್ಷೆ ಶುರುವಾಗಿದ್ದು, ಮಂಗಳವಾರ ಅಂತ್ಯಗೊಂಡಿದೆ. ಈ ಖುಷಿಗಾಗಿ ವಿದ್ಯಾರ್ಥಿಗಳು ಕಾಲೇಜು ಮುಂಭಾಗದಲ್ಲೇ ಸಂಭ್ರಮಿಸಿದ್ದಾರೆ.

Leave a Reply

Your email address will not be published.

Back to top button