ಪ್ರೀತ್ಸೆ.. ಪ್ರೀತ್ಸೆ.. ಅಂತ ವಿದ್ಯಾರ್ಥಿನಿ ಬೆನ್ನು ಬಿದ್ದಿದ್ದ ಯುವಕನಿಗೆ ಬಿತ್ತು ಸಖತ್ ಗೂಸಾ!

ತುಮಕೂರು: ಪ್ರೀತ್ಸೆ ಪ್ರೀತ್ಸೆ ಎಂದು ವಿದ್ಯಾರ್ಥಿನಿಯೊಬ್ಬಳ ಹಿಂದೆ ಬಿದ್ದಿದ್ದ ಯುವಕನನ್ನು ಹಿಡಿದು ವಿದ್ಯಾರ್ಥಿಗಳು ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ತುಮಕೂರು ವಿಶ್ವವಿದ್ಯಾಲಯ ಬಳಿ ನಡೆದಿದೆ.

ನವೀನ್, ಯುವತಿಯ ಹಿಂದೆ ಬಿದ್ದ ರೋಡ್ ರೋಮಿಯೋ. ಈತ ವಡ್ಡರಹಳ್ಳಿ ನಿವಾಸಿಯಾಗಿದ್ದು, ಪ್ರೀತಿಸು ಎಂದು ವಿದ್ಯಾರ್ಥಿನಿಯೊಬ್ಬಳ ಬೆನ್ನು ಬಿದ್ದಿದ್ದನು. ಯುವಕನ ಈ ವರ್ತನೆಯನ್ನು ನೋಡಿದ ಕೆಲ ವಿದ್ಯಾರ್ಥಿಯರು ರೊಚ್ಚಿಗೆದ್ದು ನವೀನ್ ನನ್ನು ಹಿಡಿದು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.

ಬಳಿಕ ನವೀನ್‍ನನ್ನು ಹೊಸ ಬಡಾವಣೆ ಪೊಲೀಸರಿಗೆ ಒಪ್ಪಿಸಿದ್ದಾರೆ.

ಇತ್ತೀಚೆಗೆ ರಸ್ತೆಯಲ್ಲಿ ಓಡಾಡುತ್ತಿದ್ದ ಅಂದ ಚೆಂದದ ಯುವತಿಯರ ಫೋಟೋ ಕ್ಲಿಕ್ಕಿಸಿ ವಿಕೃತಿ ಮೆರೆಯುತ್ತಿದ್ದ ವ್ಯಕ್ತಿಗೆ ಸಖತ್ ಗೂಸಾ ಬಿದ್ದಿತ್ತು. ತುಮಕೂರು ಜಿಲ್ಲೆ ತಿಪಟೂರು ನಗರದ ಅಂಬೇಡ್ಕರ್ ವೃತ್ತದಲ್ಲಿ ಈ ಘಟನೆ ನಡೆದಿತ್ತು. ಇಲ್ಲಿನ ಕಾಸ್ಮೋ ಕ್ಲಬ್ ನಲ್ಲಿ ಹುಟ್ಟುಹಬ್ಬ ಆಚರಣೆಗೆಂದು ಬಂದಿದ್ದ ಹಲವು ಯುವತಿಯರ ಫೋಟೋ ತನ್ನ ಮೊಬೈಲ್ ಫೋನಿನಿಂದ ಸೆರೆಹಿಡಿದಿದ್ದನು. ವಿಚಾರ ತಿಳಿದ ಯುವತಿಯರ ಸಂಬಂಧಿಕರು ವ್ಯಕ್ತಿಯನ್ನು ಹಿಡಿದು ಹಿಗ್ಗಾಮುಗ್ಗಾ ಥಳಿಸಿ ತಿಪಟೂರು ಪೊಲೀಸರಿಗೆ ಒಪ್ಪಿಸಿದ್ದರು.