ಪ್ಯಾರಿಸ್: ಸಿನಿಮಾಗಳಲ್ಲಿ ಸ್ಪೈಡರ್ ಮ್ಯಾನ್ ಕಷ್ಟದಲ್ಲಿರುವವರನ್ನು ರಕ್ಷಿಸುವ ಹಾಗೇ ಯುವಕನೊಬ್ಬ ನೋಡ ನೋಡುತ್ತಿದಂತೆ ನಾಲ್ಕನೇ ಮಹಡಿ ಹತ್ತಿ ಬಾಲಕನ್ನು ರಕ್ಷಿಸಿರುವ ಘಟನೆ ಪ್ಯಾರಿಸ್ ನಲ್ಲಿ ನಡೆದಿದೆ.
ಮಮೌದೌ ಗಸ್ಸಮ್ ಎಂಬ ಯುವಕ ಕಟ್ಟಡ ಹತ್ತಿ ಮಗುವಿನ ಪ್ರಾಣವನ್ನು ಉಳಿಸಿದ್ದು, ಆಕಸ್ಮಾತ್ ಆಗಿ ನಾಲ್ಕನೇ ಮಹಡಿಯಿಂದ ಮಗು ಜಾರಿ ನೇತಾಡುತ್ತಿತ್ತು. ಈ ವೇಳೆ ಜೀವದ ಹಂಗು ತೊರೆದ ಯುವಕ ಬರಿಗೈಯಲ್ಲಿ ಕಟ್ಟಡ ಹತ್ತಿ ನೇತಾಡುತ್ತಿದ್ದ ಮಗುವನ್ನು ರಕ್ಷಿಸಿದ್ದಾನೆ.
Yooooo! 😦 Spiderman real! Who the hell leaves a baby alone at home!? 😒 in a high rise. Smh. But big up bredda. Bravery. 🙆🏽♂️ This is the incredible moment a man scaled four storeys – using just his bare hands – to rescue a young boy dangling from a balcony in Paris. pic.twitter.com/tg0gIBsTgs
— Ogvybe (@OdaneGibson) May 28, 2018
ಬಾಲಕನ ರಕ್ಷಣೆಗೆ ಮಗುವಿನ ತಂದೆ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿದ್ದರು. ಆದರೆ ಅವರು ಬರುವಷ್ಟರಲ್ಲಿ ಬಾಲಕನನ್ನು ರಕ್ಷಿಸಿ ಯುವಕ ಕೆಳಗಿಳಿಸಿದ್ದಾನೆ. ಸದ್ಯ ಯುವಕ ಸಾಧನೆಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಹಲವರು ಯುವಕನ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ದೃಶ್ಯಗಳನ್ನು ಕಂಡ ಪ್ಯಾರಿಸ್ ಮೇಯರ್ ಆನ್ನೆ ಹಿಡಾಲ್ಗೊ ಯುವಕನ ಸಾಧನೆಗೆ ಮೆಚ್ಚುಗೆ ಸೂಚಿಸಿದ್ದಾರೆ.
ಕಳೆದ ಐದು ತಿಂಗಳ ಹಿಂದೆಯಷ್ಟೇ ಇಟಲಿಯಿಂದ ಪ್ಯಾರಿಸ್ ಗೆ ಬಂದಿದ್ದ ಮಮೌದೌ ಸಾಧನೆಗೆ ಫ್ರೆಂಚ್ ಅಧ್ಯಕ್ಷ ಇಮ್ಯಾನುವಲ್ ಶ್ಲಾಘನೆ ಸೂಚಿಸಿ ತಮ್ಮ ದೇಶದ ಪೌರತ್ವ ನೀಡಿ ಗೌರವಿಸಿದ್ದಾರೆ. ಸದ್ಯ ಫ್ರೆಂಚ್ ಪೌರತ್ವ ಪಡೆದಿರುವ ಮಮೌದೌ ಸದ್ಯ ಉದ್ಯೋಗವನ್ನು ಪಡೆದಿದ್ದಾರೆ.
Stephen: Real life Spiderman offered French citizenship and job after heroic display – https://t.co/xsd1ZoxmnP pic.twitter.com/d3ptjtQw6w
— OZFM – The Rock of the Rock (@947ozfm) May 28, 2018
