ಬೆಂಗ್ಳೂರಿನಲ್ಲಿ ನಡೆಯಿತು ಭೂಲೋಕದ ಶಿವ-ಪಾರ್ವತಿ ಮದುವೆ!

ಬೆಂಗಳೂರು: ಮದುವೆ ಸ್ವರ್ಗದಲ್ಲಿ ನಿಶ್ಚಯವಾಗಿ ಭೂಮಿಯಲ್ಲಿ ಜರಗುತ್ತದೆ ಎನ್ನುವ ನುಡಿಯನ್ನು ನೀವು ಕೇಳಿರಬಹುದು. ಆದರೆ ಸ್ವರ್ಗದಲ್ಲಿರುವ ದೇವತೆಗಳಂತೆ ಭೂಲೋಕದಲ್ಲಿ ಶಿವ-ಪಾರ್ವತಿಯಂತೆ ವೇಷಧರಿಸಿ ನಗರದಲ್ಲಿ ನವ ಜೋಡಿಯ ಮದುವೆ ವೈಭವದಿಂದ ನಡೆದಿದೆ.

ಬೆಂಗಳೂರಿನಲ್ಲಿ ಬನ್ನೇರುಘಟ್ಟದಲ್ಲಿ ಈ ರೀತಿಯ ವಿಶೇಷ ಮದುವೆ ನಡೆದಿದ್ದು, ಪಾರ್ವತಿ ಅವತಾರದಲ್ಲಿದ್ದ ಕುಸಮಾರನ್ನು ಶಿವ ವೇಷಧಾರಿಯಾಗಿದ್ದ ಲಕ್ಷ್ಮೀಶ ವರಿಸಿದ್ದಾರೆ. ವಧು ಕುಸುಮಾ ಪಾರ್ವತಿ, ವಧು ಲಕ್ಷ್ಮೀಶ ಶಿವನ ವೇಷ ಧರಿಸಿದದ್ದರು. ಮಂತ್ರ ಹೇಳುವ ಪೂಜಾರಿಗಳು ಋಷಿ ಮುನಿಗಳ ವೇಷ ಧರಿಸಿದ್ದು, ಹತ್ತಿರದ ಸಂಬಂಧಿಕರು ದೇವತೆಗಳ ವೇಷಭೂಷಣದಲ್ಲಿ ಕಾಣಿಸಿಕೊಂಡಿದ್ದರು.

ಲಕ್ಷ್ಮೀಶ ಮೂಲತಃ ಅರ್ಚಕರ ಕುಟುಂದವರಾಗಿದ್ದು, ಕಾಲಬೈರೇವಶ್ವರ ಆರಾಧಕರು. ಲಕ್ಷ್ಮೀಶ ತಂದೆ ತನ್ನ ಮಗನ ಮದುವೆಯನ್ನು ಇದೇ ರೀತಿ ಶಿವ ಪಾರ್ವತಿ ಕಲ್ಯಾಣದಂತೆ ನಡೆಸಬೇಕು ಎಂದು ಸಂಕಲ್ಪ ಮಾಡಿದ್ದರು. ಆದ್ದರಿಂದ ಮಗನ ಮದುವೆಯನ್ನು ಅದೇ ರೀತಿಯಲ್ಲಿ ಮಾಡಿದ್ದಾರೆ.

ಮಧು ಮಕ್ಕಳು ಮಾತ್ರವಲ್ಲದೇ ಅವರ ಹತ್ತಿರ ಸಂಬಂಧಿಕರು ಬ್ರಹ್ಮ, ವಿಷ್ಣು, ಗಣೇಶ, ನಾರದ, ಷಣ್ಮುಖ ವೇಷಧರಿಸಿದ್ದರು. ಇದನ್ನು ಓದಿ: ದೇವತೆಗಳ ಸಮ್ಮುಖದಲ್ಲಿ ನಡೆಯಿತು ಮದುವೆ! ಫೋಟೋ ಗಳಲ್ಲಿ ನೋಡಿ

https://www.youtube.com/watch?v=sSub2PwQShk