3 ಕಣ್ಣು, 2 ಬಾಯಿ, 2 ಮೂಗು ಇರುವ ವಿಚಿತ್ರ ಕರು ಜನನ..!

ಬೆಳಗಾವಿ (ಚಿಕ್ಕೋಡಿ): 3 ಕಣ್ಣು, 2 ಬಾಯಿ, 2 ಮೂಗು ಇರುವ ವಿಚಿತ್ರ ಕರುವೊಂದು ಜಿಲ್ಲೆಯ ಕಿತ್ತೂರು ತಾಲೂಕಿನ ಡೊಂಬರಕೊಪ್ಪ ಗ್ರಾಮದಲ್ಲಿ ಜನಿಸಿದ್ದು, ಜನರಲ್ಲಿ ಅಚ್ಚರಿ ಮೂಡಿಸಿದೆ.

ಡೊಂಬರಕೊಪ್ಪ ಗ್ರಾಮದ ನಿವಾಸಿ ಶಿವರುದ್ರಪ್ಪ ಬೆಡಸೂರ ಎಂಬವರ ಮನೆಯಲ್ಲಿ ಈ ವಿಚಿತ್ರ ಕರು ಜನಿಸಿದೆ. ಇದನ್ನು ನೋಡಿ ಮಾಲೀಕರು ಹಾಗೂ ಗ್ರಾಮಸ್ಥರು ಅಚ್ಚರಿಪಟ್ಟಿದ್ದಾರೆ. ಸಾಮಾನ್ಯವಾಗಿ ದನ ಕರುಗಳಿಗೆ ಎರಡು ಕಣ್ಣು, 1 ಬಾಯಿ, 1 ಮೂಗು ಇರುತ್ತೆ. ಆದ್ರೆ ಈ ವಿಚಿತ್ರ ಕರುವಿಗೆ ಮಾತ್ರ ಮೂರು ಕಣ್ಣು, ಎರಡು ಬಾಯಿ, ಎರಡು ನಾಲಿಗೆ, ಎರಡು ಮೂಗು ಇರುವುದು ಆಶ್ಚರ್ಯದ ಸಂಗತಿಯಾಗಿದೆ.

ಈ ಅಪರೂಪದ ಕರುವನ್ನ ನೋಡಲು ಸುತ್ತಮುತ್ತ ಗ್ರಾಮಸ್ಥರು ಡೊಂಬರಕೊಪ್ಪ ಗ್ರಾಮಕ್ಕೆ ಬರುತ್ತಿದ್ದಾರೆ. ಅಲ್ಲದೆ ಕರುವನ್ನು ನೋಡಿ ಅದರೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಮಾಡಿಕೊಳ್ಳುತ್ತಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv