ಮಡಿಕೇರಿ: ದಿಢೀರ್ ಫೇಮಸ್ ಆಗ್ಬೇಕು ಅನ್ನೋ ಹುಚ್ಚು ಹವ್ಯಾಸಕ್ಕೆ ಅಂಟಿಕೊಂಡ ಕೆಲ ಯುವ ಜನರು ಇತ್ತೀಚಿನ ದಿನಗಳಲ್ಲಿ ಸೋಷಿಯಲ್‌ ಮೀಡಿಯಾದಲ್ಲಿ (Social Media) ರೀಲ್ಸ್ ಗೀಳು ಅಂಟಿಸಿಕೊಂಡಿದ್ದು, ಸಾಮಾಜಿಕ ಅನಾಚಾರಗಳು ಹೆಚ್ಚಾಗುತ್ತಿವೆ. ಸಾಮಾಜಿಕ ಹೊಣೆಗಾರಿಕೆ ಬದಗಿಟ್ಟು ರೀಲ್ಸ್ ಗುಂಗಿನಲ್ಲಿ ಮುಳುಗಿದ್ದು, ಸದಾ ಮೊಬೈಲ್ ದಾಸರಾಗುತ್ತಿದ್ದಾರೆ. ಅಲ್ಲದೇ ಅಪಾಯದ ಸ್ಥಳಗಳಿಗೆ ಹೋಗಿ ಜೀವದ ಜೋತೆ ಚೆಲ್ಲಾಟ ಆಡಲು ಮುಂದಾಗುತ್ತಿದ್ದಾರೆ.
ಹೌದು. ತಾಂತ್ರಿಕ ಜಗತ್ತು ಮುಂದುವರಿದಂತೆ ಸಮಯದ ಸದುಪಯೋಗವಾಗುವ ಬದಲಿಗೆ ಅಬಾಲ ವೃದ್ಧರೆಲ್ಲ ಮೊಬೈಲ್ ದಾಸರಾಗುತ್ತಿದ್ದು, ಈ ಮೂಲಕ ರೀಲ್ಸ್ ಗೀಳು ಹೆಚ್ಚಾಗುತ್ತಿದೆ. ಎಲ್ಲೆಂದರಲ್ಲಿ ರೀಲ್ಸ್ ಮಾಡುವ ಗೋಜಿಗೆ ಒಳಗಾಗಿ ಅದೆಷ್ಟೊ ಕುಟುಂಬಗಳಲ್ಲಿ ಬಿರುಕು ಉಂಟಾಗುತ್ತಿವೆ. ಈ ನಡುವೆ ಕೊಡಗಿನ ಕುಶಾಲನಗರ ತಾಲ್ಲೂಕಿನ ಕಣಿವೆ ಗ್ರಾಮದ ಮೇಲು ಸೇತುವೆಯಲ್ಲಿ ಇತ್ತೀಚಿನ ದಿನಗಳಲ್ಲಿ ರೀಲ್ಸ್ ಹುಚ್ಚಾಟ ಮಾಡುವವರ ಸಂಖ್ಯೆ ಹೆಚ್ಚಾಗಿದೆ. ಇದನ್ನೂ ಓದಿ: ಹೊಟ್ಟೆ ನೋವಿನಿಂದ ಯುವತಿ ನೇಣಿಗೆ ಶರಣು – ಆತ್ಮಹತ್ಯೆಗೆ ದೆವ್ವದ ಕಾಟ ಕಾರಣನಾ..?
ಈಗಾಗಲೇ ಹಾರಂಗಿ ನಾಲೆಯಿಂದ ರೈತಾಪಿ ವರ್ಗದ ಜನರಿಗೆ ಕೃಷಿ ಚಟುವಟಿಕೆಗಳನ್ನು ಮಾಡಿಕೊಳ್ಳಲು ನಾಲೆಗಳಲ್ಲಿ ಹೆಚ್ಚಾಗಿ ನೀರು ಬೀಡಲಾಗಿದೆ. ಅದರೆ ಇದನ್ನು ಕೆಲ ಯುವಕರು ಯುವತಿಯರು ಗಮನಕ್ಕೆ ತೆಗೆದುಕೊಳ್ಳದೇ ಕಾಡಿನ ಪ್ರದೇಶಗಳಿಂದ ಅಕ್ರಮವಾಗಿ ಸೇತುವೆ ಮೇಲೆ ಪ್ರವೇಶ ಮಾಡಿ ರೀಲ್ಸ್ ಜೋತೆಗೆ ಹುಚ್ಚಾಟವನ್ನ ಮೆರೆಯುತ್ತಿದ್ದಾರೆ. ಅಷ್ಟೇ ಅಲ್ಲದೇ ಕೆಲ ಯುವಕ ಯುವತಿಯರು ಸೇತುವೆ ಮೇಲ್ಭಾಗದಲ್ಲಿ ಅನೈತಿಕ ಚಟುವಟಿಕೆಗಳನ್ನು ಮಾಡುತ್ತಿದ್ದಾರೆ ಎಂದು ಇಲ್ಲಿನ ಗ್ರಾಮಸ್ಥರು ಆರೋಪಿಸುತ್ತಿದ್ದಾರೆ. ಇದನ್ನೂ ಓದಿ: ಎ ಖಾತಾ ಪರಿವರ್ತನೆಗೆ ಜನರಿಂದ ನೀರಸ ಪ್ರತಿಕ್ರಿಯೆ – 100 ದಿನಗಳ ಗಡುವು ವಿಸ್ತರಣೆಗೆ ಜಿಬಿಎ ಚಿಂತನೆ
ಇನ್ನೂ ಈ ನಾಲೆಯಲ್ಲಿ ಹೆಚ್ಚಾಗಿ ನೀರು ಹರಿಯುತ್ತಿರುವುದರಿಂದ ಕುಡುಕರಿಗೆ ಈ ಸ್ಥಳ ಅಚ್ಚುಮೆಚ್ಚಿನ ತಾಣವಾಗಿದೆ. ಸೇತುವೆ ಕೆಳಭಾಗದಲ್ಲಿ ಕಾಡಿನಿಂದ ಕೂಡಿರುವ ಪ್ರದೇಶವಾಗಿದ್ದು ಗಾಂಜಾ ವ್ಯಸನಿಗಳು ಈ ಭಾಗದಲ್ಲಿ ಹೆಚ್ಚಾಗಿ ಕಂಡುಬರುತ್ತಿದ್ದಾರೆ ಎಂದು ಗ್ರಾಮಸ್ಥರ ಆರೋಪವಾಗಿದೆ. ಈ ನಡುವೆ ನಿಮ್ಮ ʻಪಬ್ಲಿಕ್ ಟಿವಿʼ ಸೇತುವೆ ಮೇಲ್ಭಾಗದಲ್ಲಿ ರಿಯಾಲಿಟಿ ಚಕ್ ಮಾಡುವ ವೇಳೆಯಲ್ಲಿ ದಿಢೀರ್ ಆಗಿ ಕಾವೇರಿ ಜಲಾನಯನ ಅಧಿಕಾರಿಗಳು ಭೇಟಿ ನೀಡಿದ್ರು. ಈ ವೇಳೆ ಸೇತುವೆ ಮೇಲ್ಭಾಗದಲ್ಲಿ ಯುವಕ ಯುವತಿಯರು ಯಾವುದೇ ಭಯ ಇಲ್ಲದೇ ಸೇತುವೆ ಮೇಲೆ ನಡೆದುಕೊಂಡು ಹೋಗುವುದು ದೃಶ್ಯ ಕಂಡುಬಂತು. ಬಳಿಕ ಅಧಿಕಾರಿಗಳು ಎಚ್ಚರಿಸಿದ್ದರು.
