ಆರೋಗ್ಯಕ್ಕೆ ಹಿತ ಎನಿಸುವ ಹಾಗೂ ರುಚಿಕಟ್ಟಾದ ರೆಸಿಪಿಯೊಂದನ್ನು ನಾವಿಂದು ಹೇಳಿಕೊಡುತ್ತೇವೆ. ಈ ಗೋಧಿ ಉಸ್ಲಿ (Wheat Usli) ರೆಸಿಪಿಯನ್ನು ನೀವು ಬೇಕೆಂದರೆ ಸ್ನ್ಯಾಕ್ಸ್ ಆಗಿಯೂ ಬೆಳಗ್ಗಿನ ಉಪಾಹಾರವಾಗಿಯೂ ಮಾಡಿ ಸವಿಯಬಹುದು. ಹೊಸ ಹೊಸ ಅಡುಗೆ ಮಾಡಲು ಬಯಸುವವರು ಒಮ್ಮೆ ಈ ರೆಸಿಪಿಯನ್ನು ಖಂಡಿತಾ ಟ್ರೈ ಮಾಡಿ.
ಬೇಕಾಗುವ ಪದಾರ್ಥಗಳು:
ಗೋಧಿ – 1 ಕಪ್
ತುರಿದ ಕ್ಯಾರೆಟ್ – ಕಾಲು ಕಪ್
ತೆಂಗಿನ ತುರಿ – ಕಾಲು ಕಪ್
ಹೆಚ್ಚಿದ ಕೊತ್ತಂಬರಿ ಸೊಪ್ಪು – 2 ಟೀಸ್ಪೂನ್
ನಿಂಬೆ ರಸ – ಅರ್ಧ
ಎಣ್ಣೆ – 1 ಟೀಸ್ಪೂನ್
ಸಾಸಿವೆ – 1 ಟೀಸ್ಪೂನ್
ಜೀರಿಗೆ – ಅರ್ಧ ಟೀಸ್ಪೂನ್
ಕರಿಬೇವಿನ ಎಲೆ – ಕೆಲವು
ಹಿಂಗ್ – ಚಿಟಿಕೆ
ಸಣ್ಣಗೆ ಹೆಚ್ಚಿದ ಹಸಿರು ಮೆಣಸಿನಕಾಯಿ – 1 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು ಇದನ್ನೂ ಓದಿ: ಪ್ಯಾನ್‌ಕೇಕ್ ಗೊತ್ತು, ಡ್ಯಾನಿಶ್ ಪ್ಯಾನ್‌ಕೇಕ್ ಎಂದಾದ್ರೂ ಮಾಡಿದ್ದೀರಾ?
ಮಾಡುವ ವಿಧಾನ:
* ಮೊದಲಿಗೆ ಗೋಧಿಯನ್ನು ಸುಮಾರು 6-8 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ.
* ನಂತರ ಕುಕ್ಕರ್‌ನಲ್ಲಿ ಗೋಧಿ ಮೃದುವಾಗುವವರೆಗೆ ಬೇಯಿಸಿಕೊಳ್ಳಿ ಮತ್ತು ನೀರು ಬಸಿದು ಪಕ್ಕಕ್ಕಿಡಿ.
* ಈಗ ಒಂದು ದಪ್ಪ ತಳದ ಪಾತ್ರೆಯನ್ನು ತೆಗೆದುಕೊಂಡು, ಅದರಲ್ಲಿ ಎಣ್ಣೆ ಬಿಸಿ ಮಾಡಿ.
* ಸಾಸಿವೆ, ಜೀರಿಗೆ, ಕರಿಬೇವಿನ ಸೊಪ್ಪು ಮತ್ತು ಹಿಂಗ್ ಸೇರಿಸಿ.
* ಸಾಸಿವೆ ಸಿಡಿದ ಬಳಿಕ ಬೇಯಿಸಿದ ಗೋಧಿ, ಮೆಣಸಿನಕಾಯಿ, ಕ್ಯಾರೆಟ್ ಹಾಗೂ ತೆಂಗಿನ ತುರಿ ಹಾಕಿ ಮಿಶ್ರಣ ಮಾಡಿ.
* ಒಂದು ನಿಮಿಷ ಹುರಿದ ಬಳಿಕ ಉಪ್ಪು, ನಿಂಬೆ ರಸ ಸೇರಿಸಿ, ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.
* ಇದೀಗ ರುಚಿಕರವಾದ ಗೋಧಿ ಉಸ್ಲಿ ತಯಾರಾಗಿದ್ದು, ಸವಿಯಲು ಸಿದ್ಧವಾಗಿದೆ. ಇದನ್ನೂ ಓದಿ: ಬೇಕರಿಯಲ್ಲಿ ಸಿಗುವ ಡೋನಟ್ ಮನೆಯಲ್ಲೂ ಮಾಡ್ಬೋದು ತುಂಬಾ ಸುಲಭವಾಗಿ
