-ಪಕ್ಷ ಬೇಧ ಮರೆತು ಕುಣಿದು ಕುಪ್ಪಳಿಸಿದ ಸಂಸದೆಯರು
ನವದೆಹಲಿ: ಬಾಲಿವುಡ್ ತಾರೆಗಳು ಒಂದೆಡೆ ಸೇರಿದ್ರೆ ಸಾಕು ನಾಲ್ಕು ಹೆಜ್ಜೆ ಹಾಕುವ ಮೂಲಕ ಸಂಭ್ರಮಿಸುತ್ತಾರೆ. ಕೇಂದ್ರ ಸಚಿವೆಯರಾದ ಸ್ಮೃತಿ ಇರಾನಿ, ಹರ್ ಸಿಮ್ರತ್ ಕೌರ್ ಬಾದಲ್, ಬಿಜೆಪಿ ಸಂಸದೆ ಕಿರಣ್ ಖೇರ್ ಮತ್ತು ಇತರೆ ನಾಯಕಿಯರು ಕೈ ಕೈ ಹಿಡಿದುಕೊಂಡು ಹೆಜ್ಜೆ ಹಾಕಿದ್ದಾರೆ. ಈ ವಿಡಿಯೋವನ್ನು ಹರ್ ಸಿಮ್ರತ್ ಕೌರ್ ಬಾದಲ್ ಅವರು ತಮ್ಮ ಟ್ವಿಟ್ಟರ್ ನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ.
ಶುಕ್ರವಾರ ಬಜೆಟ್ ಮಂಡನೆ ಬಳಿಕ ಮಧ್ಯಾಹ್ನ ಒಟ್ಟಾಗಿ ಊಟ ಮಾಡಿದ ನಾಯಕಿಯರು ಬಾಲ್ಯದ ಆಟಗಳನ್ನು ನೆನಪು ಮಾಡಿಕೊಂಡರು. ಸ್ಮೃತಿ ರಾನಿ, ಹರ್ ಸಿಮ್ರತ್ ಕೌರ್ ಬಾದಲ್, ಕಿರಣ್ ಖೇರ್, ಡಿಎಂಕೆ ಸಂಸದೆ ಕನ್ನಿಮೋಳಿ, ಎನ್ಸಿಪಿ ಸಂಸದೆ ಸುಪ್ರಿಯಾ ಸುಳೆ ಎಲ್ಲರು ಜೊತೆಯಾಗಿ ಕೆಲ ಸಮಯ ಕಳೆದರು. ಎಲ್ಲರು ಕೈ ಕೈ ಹಿಡಿದು ಸುತ್ತುವರಿದು ಹೆಜ್ಜೆ ಹಾಕಿದರು. ಕೊನೆಗೆ ಸ್ಮೃತಿ ಇರಾನಿ ಮತ್ತು ಹರ್ ಸಿಮ್ರತ್ ಕೌರ್ ಇಬ್ಬರು ಕೈ ಹಿಡಿದುಕೊಂಡು ಒಂದೆರಡು ಸುತ್ತು ಹಾಕುವ ಮೂಲಕ ಎಲ್ಲರನ್ನು ಚಕಿತಗೊಳಿಸಿದರು.
ನಿನ್ನೆ ಮಧ್ಯಾಹ್ನ ಬದುಕು ನಮ್ಮ ಮೇಲೆ ಜಾದೂ ಮಾಡಿತ್ತು. ನಾವೆಲ್ಲ ಜೊತೆಯಾಗಿ ಊಟ ಮಾಡಿದಾಗ ಸಮಯದೊಂದಿಗೆ ಬಾಲ್ಯದ ನೆನಪಾಯ್ತು ಎಂದು ಬರೆದುಕೊಂಡು ಹರ್ ಸಿಮ್ರತ್ ಕೌರ್ ಬಾದಲ್ ವಿಡಿಯೋವನ್ನು ಅಪ್ಲೋಡ್ ಮಾಡಿಕೊಂಡಿದ್ದಾರೆ. 19 ಸೆಕೆಂಡ್ ಅವಧಿಯ ವಿಡಿಯೋ ಇದೂವರೆಗೂ 98 ಸಾವಿರಕ್ಕೂ ಅಧಿಕ ವ್ಯೂವ್ ಪಡೆದುಕೊಂಡಿದ್ದು, 2 ಸಾವಿರಕ್ಕೂ ಅಧಿಕ ಬಾರಿ ರೀಟ್ವೀಟ್ ಆಗಿದೆ.
Life worked its magic on us yesterday afternoon, when a routine lunch became a trip to childhood. @smritiirani @KirronKherBJP @AnupriyaSPatel @KanimozhiDMK @supriya_sule pic.twitter.com/PEyJMEzL7r
— Harsimrat Kaur Badal (@HarsimratBadal_) February 1, 2019