Connect with us

Latest

ಯೂಟರ್ನ್ ಕಾಂಗ್ರೆಸ್: ಚೀನಾ ರಾಯಭಾರಿಯನ್ನು ಭೇಟಿಯಾದ ರಾಹುಲ್

Published

on

ನವದೆಹಲಿ: ಚೀನಾ ರಾಯಭಾರಿ ಲುವೋ ಝವೋಹುಯಿಯನ್ನು  ದೆಹಲಿಯಲ್ಲಿ ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿ ಭೇಟಿಯಾಗಿರುವುದು ಈಗ ವಿವಾದಕ್ಕೆ ಕಾರಣವಾಗಿದೆ.

ಶನಿವಾರ ರಾಹುಲ್ ಗಾಂಧಿ ಜೊತೆ `ಪ್ರಸಕ್ತ ಇಂಡೋ-ಚೀನಾ ಸಂಬಂಧ’ಗಳ ಬಗ್ಗೆ ಚರ್ಚಿಸಿದ್ದೇವೆ ಎಂದು ಚೀನಾ ರಾಯಭಾರಿ ಕಚೇರಿಯ ವೆಬ್‍ಸೈಟ್‍ನಲ್ಲಿ ಪ್ರಕಟವಾಗಿತ್ತು.

ಉಭಯ ರಾಷ್ಟ್ರಗಳ ನಡುವಿನ ಈಗಿನ ಸಂಬಂಧ ಹದಗೆಟ್ಟಿರೋ ಸಮಯದಲ್ಲಿ ರಾಹುಲ್ ಭೇಟಿಯನ್ನ ಬಿಜೆಪಿ ನಾಯಕರು ಉಗ್ರವಾಗಿ ಟೀಕಿಸಿದ್ದರು. ವಿವಾದ ಜಾಸ್ತಿ ಆಗುತ್ತಿದ್ದಂತೆ ಬೆನ್ನಲ್ಲೇ ರಾಹುಲ್ ಭೇಟಿಯಾಗಿದ್ದಾರೆ ಎನ್ನುವ ಹೇಳಿಕೆಯನ್ನು ಚೀನಾ ರಾಯಭಾರಿ ಕಚೇರಿ ವೆಬ್‍ಸೈಟ್ ಡಿಲೀಟ್ ಮಾಡಿತ್ತು.

ಬೆಳಗ್ಗೆ ರಾಹುಲ್ ಭೇಟಿಯ ಬಗ್ಗೆ ರಾಷ್ಟ್ರೀಯ ಮಾಧ್ಯಮಗಳು ಸುದ್ದಿ ಪ್ರಸಾರ ಮಾಡುತ್ತಿದ್ದಂತೆಯೇ ಕಾಂಗ್ರೆಸ್ ವಕ್ತಾರ ರಣದೀಪ್ ಸುರ್ಜೇವಾಲ ನಿರಾಕರಿಸಿ ಇದು ಸುಳ್ಳು ಸುದ್ದಿ ಎದ್ದಿದ್ದರು. ಆದರೆ @OfficeOfRG ಖಾತೆಯಿಂದ ರಾಹುಲ್ ಗಾಂಧಿ ಅವರು ಅವರೇ ಭೇಟಿಯಾಗಿದ್ದು ನಿಜ ಎಂದು ಟ್ವೀಟ್ ಪ್ರಕಟವಾಯಿತು.

ವಿವಾದ ತಣ್ಣಗಾಗಿಸುವ ಸಲುವಾಗಿ ಚೀನಾ ಮಾತ್ರವಲ್ಲ ಭೂತಾನ್ ರಾಯಭಾರಿಯನ್ನೂ ಭೇಟಿಯಾಗಿದ್ದಾಗಿ ಟ್ವಿಟ್ಟರ್‍ನಲ್ಲಿ ಹೇಳಿಕೆ ಬಂತು. ಇದರ ಬೆನ್ನಲ್ಲೇ ಎಐಸಿಸಿ ಸಾಮಾಜಿಕ ಜಾಲತಾಣಗಳ ಉಸ್ತುವಾರಿ ಹೊತ್ತಿರುವ ರಮ್ಯಾ ಅವರು ಚೀನಾ ಅತಿಕ್ರಮಣದ ಮಧ್ಯೆಯೂ ಮೋದಿ ಅವರು ಜಿನ್‍ಪಿಂಗ್ ಜೊತೆ ಹಸ್ತಲಾಘವ ಮಾಡಿದ್ದಾರೆ. ಅಂಥದರಲ್ಲಿ ರಾಹುಲ್ ಭೇಟಿಯಲ್ಲಿ ವಿವಾದ ಏನಿದೆ ಪ್ರಶ್ನಿಸಿ ಕಾಂಗ್ರೆಸ್ ನಡೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

ಇದೆಲ್ಲದರ ಮಧ್ಯೆ ಪಾಕ್ ಬಯಸಿದರೆ ಪಿಓಕೆ ಮಾತ್ರವಲ್ಲ ಭಾರತ ಆಕ್ರಮಿತ ಕಾಶ್ಮೀರಕ್ಕೂ ಸೇನೆ ನುಗ್ಗಿಸ್ತೇವೆ ಅಂತ ಚೀನಾ ಮಿಲಿಟರಿ ತಜ್ಞರ ಹೇಳಿಕೆಯನ್ನ ಚೀನಾದ ಸರ್ಕಾರಿ `ಗ್ಲೋಬಲ್ ಟೈಮ್ಸ್’ ಪತ್ರಿಕೆ ವರದಿ ಮಾಡಿದೆ.

https://twitter.com/divyaspandana/status/884279885941714944

https://twitter.com/praveen_bajpai/status/884331752587767808

Click to comment

Leave a Reply

Your email address will not be published. Required fields are marked *