ತುಮಕೂರು: ಜಿಲ್ಲೆಯ ಪಾವಗಡದಲಲ್ಲಿ 100 ರೂ ಮುಖಬೆಲೆಯ ನಕಲಿ ನೋಟುಗಳು ಪತ್ತೆಯಾಗಿವೆ.
ವೈಎನ್ ಹೊಸಕೋಟೆಯ ನ್ಯೂ ಪ್ರಾವಿಜನ್ ಸ್ಟೋರ್ಸ್ ನಲ್ಲಿ ಈ ನೋಟುಗಳು ಪತ್ತೆಯಾಗಿದ್ದು, ಅಂಗಡಿ ಮಾಲೀಕ ಧಾದಪೀರ್ ಬಳಿ ಹಲವಾರು ನಕಲಿ ನೋಟುಗಳು ಇರುವುದು ಕಂಡುಬಂದಿದೆ.
ಈ ಬಗ್ಗೆ ಈಗಾಗಲೇ ಹಲವು ಬಾರಿ ದೂರು ದಾಖಲಾಗಿದ್ದರೂ ಮತ್ತೆ ಆತನ ಅಂಗಡಿಯಿಂದಲೇ ಖೊಟಾ ನೋಟುಗಳು ಚಲಾವಣೆಯಾಗುತ್ತಿರುವುದರಿಂದ ಇದೀಗ ಸಾರ್ವಜನಿಕರು ರೊಚ್ಚಿಗೆದ್ದಿದ್ದಾರೆ.
ಗ್ರಾಹಕ ನಾಗೇಶ್ ಎಂಬವರಿಗೆ ಅಂಗಡಿ ಮಾಲೀಕ ದಾಧಪಿರ್ 2000 ರೂ ಗೆ ಚಿಲ್ಲರೆ ನೀಡುವಾಗ 100ರ ಮುಖಬೆಲೆಯ 9 ನಕಲಿ ನೋಟು ನೀಡಿದ್ದಾನೆ. ಈ ಬಗ್ಗೆ ಪ್ರಶ್ನಿಸಿದ್ದಕ್ಕೆ ದಾದಫಿರ್ ಮತ್ತು ಆತನ ಸಹಚರರು ನಾಗೇಶ್ ಮತ್ತು ಸ್ನೇಹಿತರ ಮೇಲೆ ಹಲ್ಲೆಗೆ ಮುಂದಾಗಿದ್ದಾರೆ.
ಈ ಬಗ್ಗೆ ವೈ ಎನ್ ಹೊಸಕೋಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
