ಕಂಟೋನ್ಮೆಂಟ್ ಸಂಪೂರ್ಣ ಬಂದ್ – ಪೊಲೀಸರ ಸರ್ಪಗಾವಲು

ಬೆಂಗಳೂರು: ಸಿಎಎ, ಎನ್‍ಆರ್ ಸಿ ವಿರೋಧಿಸಿ ಇಡೀ ಕಂಟೋನ್ಮೆಂಟ್ ಬಂದ್ ಮಾಡಲಾಗಿದೆ. ಶಿವಾಜಿನಗರದ ಅಂಗಡಿ ಮುಗ್ಗಟ್ಟು, ಫುಟ್ ಪಾತ್ ವ್ಯಾಪಾರ ಸಹ ಪೂರ್ಣ ಬಂದ್ ಆಗಿದೆ.

ರಸೆಲ್ ಮಾರ್ಕೆಟ್‍ನ ಚಾಂದನಿ ಚೌಕ್ ಸರ್ಕಲ್‍ನಲ್ಲಿ ಬೃಹತ್ ವೇದಿಕೆ ನಿರ್ಮಾಣ ಮಾಡಲಾಗಿದೆ. ಜಾಯಂಟ್ ಆ್ಯಕ್ಷನ್ ಕಮಿಟಿ ಹಾಗೂ ಪೀಪಲ್ ಫೆಡರೇಶನ್ ವತಿಯಿಂದ ಬೃಹತ್ ಸಭೆಗೆ ಸಿದ್ಧತೆ ನಡೆದಿದೆ.

ಕಂಟೋನ್ಮೆಂಟ್ 9 ಮಾರುಕಟ್ಟೆಗಳಲ್ಲೂ ವ್ಯಾಪಾರ ಬಂದ್ ಆಗಿದ್ದು ರಸೆಲ್ ಮಾರುಕಟ್ಟೆ, ಬೀಫ್ ಮಾರ್ಕೆಟ್, ನಾಲಾ ವೆಜಿಟೇಬಲ್ ಮಾರ್ಕೆಟ್, ಇವಿನಿಂಗ್ ಬಜಾರ್ ಮಾರ್ಕೆಟ್, ಗುಜರಿ ಮಾರ್ಕೆಟ್, ಬಂಡಿ ಮೋಟ್ ಮಾರ್ಕೆಟ್, ಸ್ಟಿಫನ್ ಸ್ಕೋರ್ ಮಾರ್ಕೆಟ್ ಹಾಗೂ ಸೆಂಟ್ರಲ್ ಸ್ಟ್ರೀಟ್ ಮಾರ್ಕೆಟ್ ಸೇರಿದಂತೆ ಇಡೀ ಕಂಟೋನ್ಮೆಂಟ್ ಸಂಪೂರ್ಣ ಬಂದ್ ಆಗಿದೆ.

ಬಂದ್ ಹಿನ್ನೆಲೆಯಲ್ಲಿ ಈಸ್ಟ್ ಡಿಸಿಪಿ ಶರಣಪ್ಪ ಭದ್ರತೆ ಪರಿಶೀಲನೆ ಮುಗಿಸಿದ್ದು, ಶಾಂತಿಯುತ ಧರಣಿ ನಡೆಸಲು ಸೂಚನೆ ನೀಡಿದ್ದಾರೆ.