ಆಗಸದಲ್ಲಿ ಮೂಡಿತು ಸಮುದ್ರದ ಅಲೆಗಳು!

ನೆಲಮಂಗಲ: ಆಕಾಶದಲ್ಲಿ ಮೋಡಗಳು ಸಮುದ್ರದ ಅಲೆಗಳ ರೂಪದಲ್ಲಿ ಕಾಣುತ್ತಿದ್ದ ದೃಶ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಇಂದು ಸಂಜೆ ಬೆಂಗಳೂರು ಹೊರವಲಯ ನೆಲಮಂಗಲದಲ್ಲಿ ಈ ದೃಶ್ಯಗಳು ಆಗಸದಲ್ಲಿ ಕಂಡು ಬಂದಿದೆ.

ಸೂರ್ಯಾಸ್ತದ ವೇಳೆ ಪದರಪದರ ರೂಪದಲ್ಲಿ ಮೋಡಗಳ ನಡುವಿನ ಬೆಳಕು, ನೋಡುಗರಲ್ಲಿ ವಿಸ್ಮಯಕಾರಿ ಆಕರ್ಷಿಸಿತ್ತು. ಈ ಆಗಸದಲ್ಲಿನ ಚಮತ್ಕಾರ ಹಾಗೂ ಪ್ರಕೃತಿಯ ಸೋಜಿಗವನ್ನು ಸಾರ್ವಜನಿಕರು ಒಂದು ಕ್ಷಣ ನಿಂತು ಕಣ್ತುಂಬಿಕೊಂಡರು.

ನೆಲಮಂಗಲ ಮಾತ್ರವಲ್ಲದೇ ಬೆಂಗಳೂರಿನ ಹಲವು ಕಡೆ ಆಕಾಶದಲ್ಲಿ ಈ ದೃಶ್ಯ ಕಂಡುಬಂದಿದ್ದು ಜನ ಕ್ಯಾಮೆರಾದಲ್ಲಿ ಫೋಟೋ ಕ್ಲಿಕ್ಕಿಸಿ ಸಂತಸ ಪಟ್ಟರು.