ಕಲರ್‌ಫುಲ್ ಸೀರೆಗೆ ಮ್ಯಾಚಿಂಗ್ ಮಿಂಚಿಂಗ್ – ಬೊಂಬಾಟ್ ಬ್ಲೌಸ್‍ಗಳ ಸ್ಲೀವ್ಸ್ ಡಿಸೈನ್

ಸೀರೆಯಷ್ಟೇ ಬ್ಲೌಸ್ ಕೂಡ ಬಹಳ ಮುಖ್ಯ. ಮಹಿಳೆಯರು ಸೀರೆಗೆ ನೀಡುವಷ್ಟೇ ಪ್ರಾಮುಖ್ಯತೆ ಬ್ಲೌಸ್‍ಗೂ ಕೂಡ ನೀಡುತ್ತಾರೆ. ಸೀರೆಯ ಅಂದವನ್ನು ಹೆಚ್ಚಿಸುವುದೇ ಬ್ಲೌಸ್. ಇಂತಹ ಬ್ಲೌಸ್‍ಗಳಲ್ಲಿ ಸಾವಿರಾರು ವೆರೈಟಿ ಡಿಸೈನ್‍ಗಳಿಗೆ. ಹಾಗಾಗಿ ಬ್ಲೌಸ್ ಡಿಸೈನ್ ಆಯ್ಕೆ ಮಾಡುವ ವೇಳೆ ಬಹಳ ಜಾಗೃತರಾಗಿರಬೇಕು. ಅದರಲ್ಲಿಯೂ ಬ್ಲೌಸ್ ಸ್ಲೀವ್ಸ್ ಸ್ಲೀವ್‍ಲೆಸ್ ಡಿಸೈನ್ ನೋಡುವವರನ್ನೂ ಬೆರಗಾಗಿಸುವಂತೆ ಮಾಡುತ್ತದೆ. ಒಂದು ಬ್ಲೌಸ್‍ಗೆ ಕಂಪ್ಲೀಟ್ ಲುಕ್ ನೀಡುವುದೇ ಸ್ಲೀವ್ಸ್. ಆದರೆ ಯಾವ ಸೀರೆಗೆ ಯಾವ ರೀತಿಯ ಸ್ಲೀವ್ಸ್ ಸ್ಯೂಟ್ ಆಗುತ್ತದೆ ಎಂಬುವುದರ ಬಗ್ಗೆ ನಿಮಗೆ ತಿಳಿಯದಿದ್ದರೆ, ಈ ಕುರಿತ ಒಂದಷ್ಟು ಮಾಹಿತಿ ಈ ಕೆಳಗಿನಂತಿದೆ ಓದಿ.

ಸಿಂಪಲ್ ಬ್ಲೌಸ್ ಸ್ಲೀವ್ಸ್ ಡಿಸೈನ್
ಕೇವಲ ಲೆಹೆಂಗಾಗಳಿಗೆ ಮಾತ್ರ ಸಿಂಪಲ್ ಸ್ಲೀವ್ಸ್ ಬ್ಲೌಸ್ ಸ್ಯೂಟ್ ಆಗುತ್ತದೆ ಎಂದು ಎಷ್ಟೋ ಮಂದಿ ಹೇಳುತ್ತಾರೆ. ಆದರೆ ಲೆಹೆಂಗಾಗೇ ನೀಡುವಷ್ಟೇ ಲುಕ್ ಸೀರೆಗೂ ಕೂಡ ಸಿಂಪಲ್ ಬ್ಲೌಸ್ ನೀಡುತ್ತದೆ. ಈ ಮೇಲಿನ ಫೋಟೋದಲ್ಲಿ ಸೀರೆಗೆ ಸರಿಹೊಂದುವಂತೆ ಬ್ಲೌಸ್‍ ಅನ್ನು ಸಿಂಪಲ್ ಆಗಿ ಹೋಲಿಸಿದ್ದರೂ, ಎಷ್ಟು ಸುಂದರವಾಗಿ ಕಾಣಿಸುತ್ತದೆ ಎಂದು ನೋಡಬಹುದು.

ಪಫ್ ಬ್ಲೌಸ್ ಸ್ಲೀವ್ಸ್ ಡಿಸೈನ್
ಹೊಸ ಟ್ರೆಂಡ್‍ಗಳಲ್ಲಿ ಪಫ್ ಸ್ಲೀವ್ಸ್ ಬ್ಲೌಸ್ ಕೂಡ ಒಂದು. ಇದು ನಿಮಗೆ ಸ್ಟೈಲಿಶ್ ಲುಕ್ ನೀಡುತ್ತದೆ. ಈ ರೀತಿಯ ಬ್ಲೌಸ್‍ಗಳು ಔಪಚಾರಿಕ ಹಾಗೂ ಮಿನಿ ಪಾರ್ಟಿಗಳಿಗೆ ಹೆಚ್ಚಾಗಿ ಸ್ಯೂಟ್ ಆಗುತ್ತದೆ. ಈ ಬ್ಲೌಸ್ ತೋಳು ಕೊಂಚ ಫ್ರೀ ಆಗಿರುವುದರಿಂದ ರಕ್ತಪರಿಚಲನೆ ಸರಾಗವಾಗಿ ನಡೆಯಲು ಸಹಾಯಕವಾಗುತ್ತದೆ. ನೀವು ಅದ್ಭುತವಾಗಿ ಕಾಣಲು ಇಚ್ಛಿಸಿದರೆ ಈ ಸ್ಲೀವ್ಸ್ ಡಿಸೈನರ್ ಬ್ಲೌಸ್ ಧರಿಸಿ.

3/4 ಬ್ಲೌಸ್ ಸ್ಲೀವ್ಸ್ ಡಿಸೈನ್
ಫೇಮಸ್ ಮತ್ತು ಸ್ಟೈಲಿಶ್ ಲುಕ್ ನೀಡುವ 3/4 ಬ್ಲೌಸ್ ಅಂದರೆ ಮಹಿಳೆಯರಿಗೆ ಬಹಳ ಅಚ್ಚುಮೆಚ್ಚು. ಈ ರೀತಿ ಬ್ಲೌಸ್‍ಗಳು ಫಾರ್ಮಲ್ ಹಾಗೂ ಇನ್‍ಫಾರ್ಮಲ್ ಆಗಿ ಕೂಡ ಇರುತ್ತದೆ. ಈ ಬ್ಲೌಸ್‍ಗಳು ಹಬ್ಬ, ಮದುವೆ ಹೀಗೆ ಹಲವಾರು ಕಾರ್ಯಕ್ರಮಗಳಿಗೆ ಹೇಳಿ ಮಾಡಿಸಿದಂತಹ ಲುಕ್ ನೀಡುತ್ತದೆ. ಬಂಗಾರದ ಬಳೆ ಜೊತೆಗೆ ಈ ಬ್ಲೌಸ್ ನಿಮ್ಮನ್ನು ಮತ್ತಷ್ಟು ಸುಂದರಗೊಳಿಸುತ್ತದೆ.

ನೆಟ್ ಬ್ಲೌಸ್ ಸೀವ್ಸ್ ಡಿಸೈನ್
ನೆಟ್ ಬ್ಲೌಸ್ ಸ್ಲೀವ್ಸ್ ಡಿಸೈನ್ ಹೆಚ್ಚಾಗಿ ಯಂಗ್ ಹುಡುಗಿಯರಿಗೆ ಬಹು ಬೇಗ ಇಷ್ಟವಾಗುತ್ತದೆ. ಸದ್ಯದ ಫ್ಯಾಶನ್‍ಗಳಲ್ಲಿ ಈ ಡಿಸೈನ್‍ನನ್ನು ಹೆಚ್ಚಾಗಿ ಮಹಿಳೆಯರು ಆಯ್ಕೆ ಮಾಡುತ್ತಿದ್ದಾರೆ. ಅದರಲ್ಲಿಯೂ ಚಿಫೋನ್ ಸೀರೆಗೆ ನೆಟ್ ಸ್ಲೀವ್ಸ್ ಡಿಸೈನ್ ಬಹು ಬೇಗ ಸ್ಯೂಟ್ ಆಗುತ್ತದೆ.

Live Tv