ಸ್ಯಾಂಡಲ್ವುಡ್ನಲ್ಲಿ ಸಿನಿಮಾ ರಿಲೀಸ್ಗೂ ಮುನ್ನವೇ ಟೈಟಲ್ನಿಂದಲೇ ಮೋಡಿ ಮಾಡುತ್ತಿರುವ `ದಿಲ್ ಖುಷ್’ ಸಿನಿಮಾದ ಮುಹೂರ್ತ ಇಂದು ವರಸಿದ್ದಿ ದೇವಸ್ಥಾನದಲ್ಲಿ ನೆರವೇರಿದೆ. `ದಿಲ್ ಖುಷ್’ ಚಿತ್ರಕ್ಕೆ ಚಾಲನೆ ನೀಡುವ ಮೂಲಕ ರೊಮ್ಯಾನ್ಸ್ ಜತೆ ಕಾಮಿಡಿ ಕಥೆಯನ್ನು ಹೇಳಲು ರೆಡಿಯಾಗಿದ್ದಾರೆ.
ಈ ವರಸಿದ್ದಿ ವಿನಾಯಕ ದೇವಸ್ಥಾನದಲ್ಲಿ ಬ್ರಾಹ್ಮಿ ಮುಹೂರ್ತದಲ್ಲಿ ಸಿನಿಮಾದ ಪೂಜೆ ನೆರವೇರಿದೆ. ಈ ಚಿತ್ರಕ್ಕೆ `ದಿಲ್ ಖುಷ್’ ಅಂತಾ ಟೈಟಲ್ ಇಡಲಾಗಿದೆ. ಚಿತ್ರಕ್ಕೆ ಯುವ ನಿರ್ದೇಶಕ ಪ್ರಮೋದ್ ಜಯ ನಿರ್ದೇಶನವಿದೆ. ಯುವ ನಟ ರಂಜಿತ್ ಹಾಗೂ ಯುವ ನಟಿ ಸ್ಪಂದನ ಸೋಮಣ್ಣ ಪ್ರಮುಖ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಇದೀಗ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದೆ.
ನಿರ್ದೇಶಕ ಸಿಂಪಲ್ ಸುನಿ ಜತೆ ಕೆಲಸ ಮಾಡಿ ಅನುಭವವಿರುವ ಪ್ರಮೋದ್ ಜಯ ಇದೀಗ ನಿರ್ದೇಶನಕ್ಕೆ ಇಳಿದಿದ್ದಾರೆ. ಜಯಪ್ರಭಾ ಕಲರ್ಸ್ ಫ್ರೇಮ್ಸ್ ನಿರ್ಮಾಣದ `ದಿಲ್ ಖುಷ್’ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಇದೊಂದು ಮ್ಯೂಸಿಕಲ್ ರೊಮ್ಯಾನ್ಸ್ ಜತೆ ಕಾಮಿಡಿ ಕಥೆಯಾಗಿದ್ದು, ಭಿನ್ನ ಲವ್ ಸ್ಟೋರಿಯನ್ನು ತೆರೆಯ ಮೇಲೆ ತೋರಿಸಲು ನಿರ್ದೇಶಕ ಪ್ರಮೋದ್ ರೆಡಿಯಾಗಿದ್ದಾರೆ. ಸದ್ಯದಲ್ಲೇ ಶೂಟಿಂಗ್ ಶುರುವಾಗಲಿದೆ. ಪ್ರಸಾದ್ ಕೆ ಶೆಟ್ಟಿ ಸಂಗೀತವಿರುವ ಈ ಸಿನಿಮಾ ವರ್ಷದ ಅಂತ್ಯದಲ್ಲಿ ತೆರೆಗೆ ಅಪ್ಪಳಿಸಲಿದೆ. ಇದನ್ನೂ ಓದಿ: ಹಿಂದಿ ವೆಬ್ ಸಿರೀಸ್ನಲ್ಲಿ `ರಂಗಿತರಂಗ’ ನಟಿ ರಾಧಿಕಾ ನಾರಾಯಣ್
ಈ ಚಿತ್ರದ ಮೂಲಕ ಮುದ್ದಾದ ಪ್ರೇಮ ಕಥೆಯ ಜತೆ ರಂಜಿತ್ ಮತ್ತು ಸ್ಪಂದನ ಸೋಮಣ್ಣ ಜೋಡಿಯಾಗಿ ಬರುತ್ತಿದ್ದಾರೆ. ರಿಲೀಸ್ ಬಳಿಕ ದಿಲ್ ಖುಷ್ ಸಿನಿಮಾ ಪ್ರೇಕ್ಷಕರ ದಿಲ್ ಗೆಲ್ಲುತ್ತಾ ಅಂತಾ ಕಾದು ನೋಡಬೇಕಿದೆ.
