ಶಮಂತ್ ನಿರ್ಮಾಣದ, ಮೋಹನ್ ಕಾಮಾಕ್ಷಿ ನಿರ್ದೇಶನದ ಆದಿ ಪುರಾಣ ಚಿತ್ರ ಪೋಸ್ಟರ್ ಒಂದರಿಂದಾಗಿ ಇತ್ತೀಚೆಗೆ ಬಿಸಿಯೇರಿಸಿದೆ. ಇತ್ತೀಚೆಗೆ ಇಂಥಾ ಕಿಸ್ಸಿಂಗ್ ಸೀನ್ ಕ್ರಿಯೇಟ್ ಮಾಡಿ ಒಂದಷ್ಟು ಸಂಚಲನ ಸೃಷ್ಟಿಸಿದ ಚಿತ್ರಗಳ ಸಾಲಿಗೆ ಸೇರಿಕೊಂಡಿರೋ ಈ ಚಿತ್ರ ಅಕ್ಟೋಬರ್ 5ರಂದು ಬಿಡುಗಡೆಯಾಗಲು ಮುಹೂರ್ತ ನಿಗದಿಯಾಗಿದೆ!
ಮೋಹನ್ ಕಾಮಾಕ್ಷಿ ನಿರ್ದೇಶನದ ಈ ಚಿತ್ರ ಮುಹೂರ್ತ ಕಂಡ ದಿನದಿಂದಲೇ ಟೈಟಲ್ಲಿನಿಂದಾಗಿ ಗಮನ ಸೆಳೆದಿತ್ತು. ಆ ನಂತರದಲ್ಲಿ ಹಂತ ಹಂತವಾಗಿ ಪ್ರೇಕ್ಷಕರನ್ನು ಸೆಳೆಯುತ್ತಾ ಸಾಗಿದ್ದ ಈ ಚಿತ್ರದ ಪೋಸ್ಟರೊಂದು ಇತ್ತೀಚೆಗೆ ಬಿಡುಗಡೆಯಾಗಿತ್ತು. ಅದರಲ್ಲಿದ್ದದ್ದು ನಾಯಕ ನಾಯಕಿಗೆ ಕಿಸ್ಸು ಕೊಡುತ್ತಿರೋ ದೃಶ್ಯ. ಈ ಕಾರಣದಿಂದಲೇ ಈ ಪೋಸ್ಟರ್ ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಹರಿದಾಡಿತ್ತು.
ಇದು ಚಿತ್ರಕ್ಕೆ ಪೂರಕವಾದ ಪೋಸ್ಟರ್. ಹಾಗಂತ ಇಡೀ ಚಿತ್ರದಲ್ಲಿ ವಲ್ಗರ್ ಅನ್ನಿಸುವಂಥಾ ಯಾವ ಸನ್ನಿವೇಶಗಳೂ ಇಲ್ಲ. ಆದರೆ ಇದರೊಳಗೆ ಎಲ್ಲರಿಗೂ ಅಚ್ಚರಿ ಎನ್ನಿಸುವಂಥಾ ನಾನಾ ವಿಚಾರಗಳಿವೆ ಅಂತ ಚಿತ್ರ ತಂಡವೇ ಹೇಳಿಕೊಂಡಿದೆ. ಆದಿ ಪುರಾಣದ ಅಸಲೀ ಕಥೆ ಏನು, ಅದೊಂದು ಪ್ರೇಮ ಕಥಾನಕವಾ ಎಂಬೆಲ್ಲ ಪ್ರಶ್ನೆಗಳು ಪ್ರೇಕ್ಷಕರಲ್ಲಿವೆ. ಅದಕ್ಕೆಲ್ಲ ಮುಂದಿನ ತಿಂಗಳ ಮೊದಲ ವಾರದಲ್ಲಿಯೇ ನಿಖರ ಉತ್ತರ ಸಿಗಲಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
