ಬೆಂಗಳೂರು: ಸ್ಯಾಂಡಲ್‍ವುಡ್ ಕಿರಿಕ್ ಬೆಡಗಿ ಸಂಯುಕ್ತಾ ಹೆಗಡೆ ವಿದೇಶಿ ಯುವಕನನ್ನು ಪ್ರೀತಿಸುತ್ತಿದ್ದಾರೆ. ಅಲ್ಲದೆ ಆ ಯುವಕನ ಜೊತೆ ಇರುವ ಫೋಟೋವನ್ನು ಸಂಯುಕ್ತಾ ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಸಂಯುಕ್ತಾ ವಿದೇಶಿ ಯುವಕ ಕ್ರಿಸ್ ಸಾವರ್ ರನ್ನು ಪ್ರೀತಿಸುತ್ತಿದ್ದಾರೆ. ತನ್ನ ಇನ್‍ಸ್ಟಾಗ್ರಾಂನಲ್ಲಿ ಕ್ರಿಸ್ ಜೊತೆ ಇರುವ ಫೋಟೋ ಹಂಚಿಕೊಂಡಿದ್ದಾರೆ ಹೊರತು ಆ ಫೋಟೋ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ನೀಡಿಲ್ಲ.
ಕ್ರಿಸ್ ಜೊತೆಯಿರುವ ಫೋಟೋ ಹಾಕಿರುವ ಸಂಯುಕ್ತಾ, `ನೀನು ಎಂದಿಗಿಂತಲೂ ನನಗೆ ಹೆಚ್ಚು ಕಿರಿಕಿರಿ ಮಾಡುತ್ತೀಯಾ. ನಾನು ಮೊದಲೇ ಕ್ರೇಜಿ ಆಗಿದ್ದೇನೆ. ಆದರೆ ನೀನು ನನಗೆ ಇನ್ನಷ್ಟು ಕ್ರೇಜಿ ಆಗಿ ಇರುವಂತೆ ಮಾಡುತ್ತೀಯಾ. ನಾವು 5 ವರ್ಷದ ಮಕ್ಕಳಂತೆ ಜಗಳವಾಡುತ್ತೇವೆ. ಕಿರಿಕಿರಿ ಮಾಡುವ ಪ್ರತಿಯೊಂದು ಕ್ಷಣವನ್ನು ನಾನು ನಿನ್ನ ಜೊತೆ ಬದುಕಬೇಕು’ ಎಂದು ಬರೆದುಕೊಂಡಿದ್ದಾರೆ.
ಸಂಯುಕ್ತಾ ಹಾಗೂ ಕ್ರಿಸ್ ಒಟ್ಟಿಗೆ ಯೂರೋಪ್, ಬ್ಯಾಂಕಾಕ್, ಜರ್ಮನಿ ಹೀಗೆ ಹಲವು ದೇಶಗಳಲ್ಲಿ ಪ್ರಯಾಣಿಸುತ್ತಿದ್ದಾರೆ. ಸಂಯುಕ್ತಾ ತನ್ನ ಗೆಳೆಯ ಕ್ರಿಸ್ ಜೊತೆ ಕ್ಲೋಸ್ ಆಗಿ ಇರುವ ಫೋಟೋಗಳನ್ನು ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
