ಮುಂಬೈ: ಬಾಲಿವುಡ್ ಭಾಯಿಜಾನ್, ಹುಡುಗಿಯರ ಹಾಟ್ ಫೇವರೇಟ್ ಸಲ್ಮಾನ್ ಖಾನ್ ಬಾಲ್ಯ ಜೀವನ ಹೇಗಿತ್ತು ಎಂಬುದರ ಬಗ್ಗೆ ಅವರ ಟೀಚರ್ ರಿವೀಲ್ ಮಾಡಿದ್ದಾರೆ.
ಸಲ್ಮಾನ್ ಶಾಲೆಯ ಒಳ್ಳೆಯ ವಿದ್ಯಾರ್ಥಿಗಳಲ್ಲಿ ಒಬ್ಬರಾಗಿದ್ದರು. ಮೃದು ಸ್ವಭಾವದ ಹುಡುಗನಾಗಿದ್ದರಿಂದ ಶಾಲೆಯ ಎಲ್ಲ ಶಿಕ್ಷಕರ ಮೆಚ್ಚುಗೆಯ ವಿದ್ಯಾರ್ಥಿ ಆಗಿದ್ದರು. ಸಲ್ಮಾನ್ ಎಲ್ಲರೊಂದಿಗೆ ಅತ್ಯಂತ ಸ್ನೇಹದಿಂದ ಇರುತ್ತಿದ್ದರು ಅಂತಾ ಹೇಳಿದ್ದಾರೆ.
ಸಲ್ಮಾನ್ ಮೊದಲಿನಿಂದಲೂ ಓರ್ವ ಎನರ್ಜಿಟಿಕ್ ಮತ್ತು ಹ್ಯಾಂಡ್‍ಸಮ್ ಹುಡುಗ. ಶಾಲೆಯ ಬಹುಪಾಲು ವಿದ್ಯಾರ್ಥಿನಿಯರು ಆತನನ್ನ ಇಷ್ಟಪಡುತ್ತಿದ್ದರು. ಆದ್ರೆ ಸಲ್ಮಾನ್ ಯಾವ ಹುಡುಗಿಯನ್ನ ಕಣ್ಣೆತ್ತಿಯೂ ನೋಡುರುತ್ತಿರಲಿಲ್ಲ. ಸಲ್ಮಾನ್ ಬರುವ ಮಾರ್ಗದಲ್ಲಿಯೇ ಲೇಡಿಸ್ ಹಾಸ್ಟೆಲ್ ಇದ್ರೂ, ಆ ಕಡೆ ಒಮ್ಮೆಯೂ ಕಣ್ಣೆತ್ತಿ ನೋಡಿಲ್ಲ ಎಂದು ಸಲ್ಮಾನ್ ಟೀಚರ್ ಮಾಧ್ಯಮವೊಂದಕ್ಕೆ ಹೇಳಿದ್ದಾರೆ.
ಭಾರತ್ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಕತ್ರಿನಾ ಕೈಫ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ದಿಶಾ ಪಟನಿ, ಸುನಿಲ್ ಗ್ರೋವರ್, ಆಸಿಫ್ ಶೇಕ್ ಮತ್ತು ಟಬೂ ಸಹ ಅಭಿನಯಿಸುತ್ತಿದ್ದಾರೆ. ಚಿತ್ರ ದಕ್ಷಿಣ ಕೊರಿಯಾದ ಒಡೇ ಟು ಮೈ ಫಾದರ್ ಚಿತ್ರದ ರಿಮೇಕ್ ಆಗಿದೆ. ಚಿತ್ರದಲ್ಲಿ 1940 ರಲ್ಲಿ ಭಾರತ ವಿಭಜನೆಯಲ್ಲಿ ನಡೆದ ಘಟನೆಯನ್ನು ಆಧರಿಸಿದ್ದು, 70ರ ದಶಕದ ಶೈಲಿಯಲ್ಲಿ ಚಿತ್ರ ತಯಾರಾಗುತ್ತಿದೆ ಎಂದು ಹೇಳಲಾಗಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
