ಪ್ರಭಾಸ್ ನಟನೆಯ ‘ಸಲಾರ್’ (Salaar) ಸಿನಿಮಾದ ಬಿಡುಗಡೆ ದಿನಾಂಕ ಮುಂದೂಡಿದ್ದರಿಂದ ಸಹಜವಾಗಿಯೇ ಅಭಿಮಾನಿಗಳಿಗೆ ನಿರಾಸೆಯಾಗಿತ್ತು. ನಿರಾಸೆಗೊಂಡ ಅಭಿಮಾನಿಗಳಿಗೆ ಸಂಭ್ರಮದ ಸುದ್ದಿಯೊಂದು ಸಿಕ್ಕಿದ್ದು, ಸಲಾರ್ ಸಿನಿಮಾ ಬಿಡುಗಡೆಗೂ ಮುನ್ನ 350 ಕೋಟಿ ರೂಪಾಯಿ ಗಳಿಕೆ ಮಾಡಿದೆ. ಬಿಡುಗಡೆಗೂ ಮುನ್ನ ಈ ಪ್ರಮಾಣದಲ್ಲಿ ಹಣ ಮಾಡಿದ ಮೊದಲ ಕನ್ನಡದ ಸಿನಿಮಾ ಎನ್ನುವ ಹೆಗ್ಗಳಿಕೆಗೂ ಪಾತ್ರವಾಗಿದೆ.
Advertisement
ಮಾಧ್ಯಮವೊಂದು ವರದಿ ಮಾಡಿರುವ ಪ್ರಕಾರ ಡಿಜಿಟಿಲ್ ಮತ್ತು ಸ್ಯಾಟ್ ಲೈಟ್ ಹಕ್ಕುಗಳು (Sat Light Rights) ಭರ್ಜರಿ ಮೊತ್ತಕ್ಕೆ ಮಾರಾಟವಾಗಿದ್ದು ಎಲ್ಲ ಭಾಷೆಗಳ ಸ್ಯಾಟ್ ಲೈಟ್ ಹಕ್ಕನ್ನು ಸ್ಟಾರ್ ಟಿವಿ ಪಡೆದುಕೊಂಡಿದ್ದು, ನೆಟ್ ಫ್ಲಿಕ್ಸ್ ಓಟಿಟಿ ಹಕ್ಕನ್ನು ಪಡೆದುಕೊಂಡಿದೆ. ಈ ಎರಡೂ ಸಂಸ್ಥೆಗಳಿಂದ ಬರೋಬ್ಬರಿ 350 ಕೋಟಿ ರೂಪಾಯಿ ನಿರ್ಮಾಣ ಸಂಸ್ಥೆನಗೆ ಸಂದಾಯವಾಗಿದೆ ಎಂದು ಹೇಳಲಾಗುತ್ತಿದೆ.
Advertisement
Advertisement
ಹೊಂಬಾಳೆ ಫಿಲ್ಮ್ಸ್ (Hombale Films) ಬ್ಯಾನರ್ ನಲ್ಲಿ ಈ ಹಿಂದೆ ರಿಲೀಸ್ ಆಗಿದ್ದ ‘ಕೆಜಿಎಫ್ 2’ ಸಿನಿಮಾದ ಸ್ಯಾಟ್ ಲೈಟ್ ಮತ್ತು ಓಟಿಟಿ ಹಕ್ಕುಗಳು 250 ಕೋಟಿ ರೂಪಾಯಿಗೆ ಮಾರಾಟವಾಗಿದ್ದವು. ಸಲಾರ್ ಅದಕ್ಕಿಂತಲೂ ಹೆಚ್ಚು ಮಾರಾಟವಾಗುವ ಮೂಲಕ ಆ ದಾಖಲೆಯನ್ನು ಬ್ರೇಕ್ ಮಾಡಿದೆ. ಅಲ್ಲದೇ, ಈಗಾಗಲೇ ನಾನಾ ರಾಜ್ಯಗಳ ವಿತರಣಾ ಹಕ್ಕುಗಳ ಬಗ್ಗೆ ಮಾತುಕತೆ ಕೂಡ ಮಾಡಲಾಗುತ್ತಿದ್ದು, ಹಲವು ಏರಿಯಾಗಳ ವಿತರಣಾ ಹಕ್ಕುಗಳು ಕೂಡ ಮಾರಾಟವಾಗಿದೆ ಎನ್ನುವ ಮಾಹಿತಿ ಇದೆ.
Advertisement
ಬಲ್ಲ ಮೂಲಗಳ ಮಾಹಿತಿ ಪ್ರಕಾರ ವಿದೇಶಿ ಹಕ್ಕುಗಳು ಈಗಾಗಲೇ ಸೋಲ್ಡ್ ಔಟ್ ಆಗಿದ್ದು, 90 ಕೋಟಿ ರೂಪಾಯಿಗೆ ಓವರ್ ಸೀಸ್ ರೈಟ್ಸ್ ಮಾರಾಟ ಮಾಡಲಾಗಿದೆ. ತೆಲುಗಿನಲ್ಲಿ ನಿಜಮ್ ಏರಿಯಾದ ವಿತರಣಾ ಹಕ್ಕು 100 ಕೋಟಿಗೆ ಮಾರಾಟವಾಗಿದ್ದರೆ, ಹಿಂದಿ ವರ್ಷನ್ ವಿತರಣಾ ಹಕ್ಕು 150 ಕೋಟಿಗೆ ಸೇಲ್ ಆಗಿದೆ ಎನ್ನುವ ಮಾಹಿತಿ ಹರಿದಾಡುತ್ತಿದೆ. ಸಿನಿಮಾ ಬಿಡುಗಡೆಗೂ ಮುನ್ನ ಕೋಟಿ ಕೋಟಿ ರೂಪಾಯಿ ಸಿನಿಮಾ ವಹಿವಾಟು ನೆಡೆಸಿದೆ ಎನ್ನುವ ಅಂದಾಜು ಸಿಗುತ್ತಿದೆ. ಆದರೆ, ಅಧಿಕೃತವಾಗಿ ಹಕ್ಕು ಪಡೆದ ಸಂಸ್ಥೆಗಳಾಗಲಿ ಅಥವಾ ಹಣ ಪಡೆದ ನಿರ್ಮಾಣ ಸಂಸ್ಥೆಯಾಗಲಿ ಹೇಳಿಕೊಂಡಿಲ್ಲ. ಹಾಗಾಗಿ ಈ ಎಲ್ಲ ಮೊತ್ತದ ಬಗ್ಗೆ ಹೊಂಬಾಳೆ ಫಿಲ್ಮ್ಸ್ ಸಂಸ್ಥೆಯೇ ಖಚಿತ ಪಡಿಸಬೇಕಿದೆ.
ಸ್ಯಾಟ್ ಲೈಟ್ ನಲ್ಲಿ ಹಣ ಪಡೆದ ಟಾಪ್ ಭಾರತೀಯ ಚಿತ್ರಗಳು
ಸಲಾರ್ #Salaar -350 Cr
ಆರ್.ಆರ್.ಆರ್ #RRR – 320 Cr
ಜವಾನ್ #jawan – 250 Cr
ಆದಿಪುರುಷ #Adipurush -240 Cr
ಡುಂಕಿ #Dunki – 230 Cr
ಸಾಹೋ #Saaho-220 Cr
ಪಠಾಣ್ #Pathaan 225 Cr
ರಾಧಾ ಶ್ಯಾಮ್#Radheshyam 200 Cr
Web Stories
