ಬೆಂಗಳೂರು: ಇಡೀ ಭಾರತೀಯ ಚಿತ್ರರಂಗವನ್ನೇ ಚಂದನವನದತ್ತ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ ಕೆಜಿಎಫ್. ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ ಈ ಸಿನಿಮಾ 200 ಕೋಟಿ ಕ್ಲಬ್ ಸೇರಿಕೊಂಡಿದೆ. ಕೆಜಿಎಫ್ ಚಿತ್ರ ನೋಡಿ ಬಂದವರು ‘ಸಲಾಂ ರಾಕಿ ಬಾಯ್’ ಎಂದು ಒಂದು ಸಾಲಿನಲ್ಲಿಯೇ ಚಿತ್ರದ ಹೇಗಿದೆ ಎಂಬ ಪ್ರಶ್ನೆಗೆ ಉತ್ತರ ಕೊಡುತ್ತಾರೆ. ಇದೀಗ ಅದೇ ‘ಸಲಾಂ ರಾಕಿ ಬಾಯ್’ ಹಾಡು ಮತ್ತೊಮ್ಮೆ ಯೂಟ್ಯೂಬ್ ನಲ್ಲಿ ಸದ್ದು ಮಾಡುತ್ತಿದೆ.
ಸಿನಿಮಾ ಬಿಡುಗಡೆಗೂ ಮುನ್ನ ಕೇವಲ ಲಿರಿಕ್ಸ್ ವಿಡಿಯೋವನ್ನು ಮಾತ್ರ ಚಿತ್ರತಂಡ ಬಿಡುಗಡೆ ಮಾಡಿತ್ತು. ಮಂಗಳವಾರ ಸಂಜೆ ಸಲಾಂ ರಾಕಿ ಭಾಯ್ ಹಾಡಿನ ವಿಡಿಯೋವನ್ನು ಲಹರಿ ಮ್ಯೂಸಿಕ್ ಸಂಸ್ಥೆ ತನ್ನ ಯುಟ್ಯೂಬ್ ಖಾತೆಯಲ್ಲಿ ಬಿಡುಗಡೆ ಮಾಡಿದೆ. ವಿಡಿಯೋ ಬಿಡುಗಡೆಯಾದ 19 ಗಂಟೆಗಳಲ್ಲಿ 6 ಲಕ್ಷಕ್ಕೂ ಅಧಿಕ ವ್ಯೂವ್ ಪಡೆದುಕೊಳ್ಳುವ ಮೂಲಕ ನಂಬರ್ ಒನ್ ಟ್ರೆಂಡಿಂಗ್ ನಲ್ಲಿದೆ.
Advertisement
Advertisement
ಸೋಮವಾರ ಬಿಡುಗಡೆಯಾಗಿದ್ದ, ನಟ ವೆಂಕಟೇಶ್, ವರುಣ್ ತೇಜ್ ಮತ್ತು ತಮನ್ನಾ ಭಾಟಿಯಾ ಅಭಿನಯದ ‘F2’ ಟ್ರೇಲರ್ ಮೊದಲ ಸ್ಥಾನದಲ್ಲಿತ್ತು. ಸಲಾಂ ರಾಕಿ ಬಾಯ್ ಕೇವಲ 19 ಗಂಟೆಯಲ್ಲಿಯೇ ‘F2’ ಟ್ರೇಲರ್ ಹಿಂದಿಕ್ಕಿ ಮೊದಲ ಸ್ಥಾನ ಪಡೆದುಕೊಂಡಿದೆ.
Advertisement
ಸಲಾಂ ರಾಕಿ ಭಾಯ್ ಹಾಡನ್ನು ನೀವು ಚಿತ್ರದ ಆರಂಭದಲ್ಲಿಯೇ ನೋಡಬಹುದು. ತನ್ನ ವೈರಿಗಳನ್ನೆಲ್ಲಾ ನಾಶ ಮಾಡಿ ಮುನ್ನುಗ್ಗುತ್ತಿರುವಾಗ ರಾಕಿಯ ಸಹಚರರು ಹಾಡಿನ ಮೂಲಕ ಸಲಾಂ ತಿಳಿಸುತ್ತಾರೆ. ಮುಂಬೈನಲ್ಲಿ ಅಧಿಪತ್ಯ ಸಾಧಿಸಿ ಪವರ್ ಫುಲ್ ವ್ಯಕ್ತಿಯಾಗಬೇಕೆಂದ ಆಸೆ ಹೊತ್ತ ರಾಕಿಯನ್ನು ವಿಧಿ ಕೆಜಿಎಫ್ ನತ್ತ ಕರೆತರುತ್ತೆ. ಕೆಜಿಎಫ್ ಧೂಳಿನ ಕಣಗಳ ನಡುವಿನ ನರಕಕ್ಕೆ ಎಂಟ್ರಿ ನೀಡುವ ರಾಕಿ ಜೀವನ ಹೇಗೆ ಬದಲಾಗುತ್ತೆ ಎಂಬುದನ್ನು ತಿಳಿಯಲು ಚಾಪ್ಟರ್-2 ನೀವು ನೋಡಲೇಬೇಕು.
Advertisement
ನಿನ್ನ ಹಿಂದೆ ಸಾವಿರ ಜನ ನಿಂತಿದ್ದಾರೆ ಧೈರ್ಯ ನಿನಗಿದ್ದರೆ ಒಂದು ಯುದ್ಧ ಗೆಲ್ಲಬಹುದು. ಆದ್ರೆ ಅದೇ ಸಾವಿರ ಜನಕ್ಕೆ ನೀನು ಮುಂದೆ ನಿಂತಿದ್ದೀಯಾ ಅಂತಾ ಧೈರ್ಯ ಬಂದ್ರೆ ಪ್ರಪಂಚನೇ ಗೆಲ್ಲಬಹುದು ಎಂಬ ಡೈಲಾಗ್ ಸಿನಿಮಾದ ಕೊನೆಗೆ ಬರುತ್ತದೆ. ಅದೇ ರೀತಿ ಸಾವಿರ ಜನರ ಧೈರ್ಯವಾಗಿ ನಿಲ್ಲುವ ರಾಕಿಯ ಮುಂದಿನ ಜೀವನವನ್ನು ಪ್ರಶಾಂತ್ ನೀಲ್ ಎರಡನೇ ಭಾಗದಲ್ಲಿ ಹೇಳಲಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
