ಬೆಂಗಳೂರು: ವಿರಾಟ್ ಕೊಹ್ಲಿ ಅವರು ಇಂದು ಸಚಿನ್ ತೆಂಡೂಲ್ಕರ್ 49 ಶತಕಗಳ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಇನ್ನೊಂದು ಶತಕ ಬಾರಿಸಿದರೆ ವಿರಾಟ್ ಕೊಹ್ಲಿ ಸಚಿನ್ ಅವರನ್ನು ಹಿಂದಿಕ್ಕಿ ಶತಕಗಳ ಅರ್ಧ ಶತಕವನ್ನು ಪೂರೈಸಲಿದ್ದಾರೆ.
ಸಚಿನ್ ಮತ್ತು ಕೊಹ್ಲಿ ತಲಾ 49 ಶತಕದ ಸಾಧನೆಯೊಂದಿಗೆ ಜೊತೆಯಾಗಿ ನಿಂತಿದ್ದಾರೆ. ಇಬ್ಬರು ಆಟಗಾರರು ಯಾವ ದೇಶಗಳಲ್ಲಿ ಆಡಿದ ಪಂದ್ಯಗಳಲ್ಲಿ ಶತಕ ದಾಖಲಿಸಿದ್ದಾರೆ ಎಂಬ ಅಂಶ ಇಲ್ಲಿದೆ. ಇಬ್ಬರಿಗೂ ಶತಕ ಬಾರಿಸಲು ಭಾರತವೇ ಅಚ್ಚುಮೆಚ್ಚು ಎನ್ನುವುದು ಅಂಕಿ ಅಂಶಗಳು ಹೇಳುವ ಲೆಕ್ಕಾಚಾರ. ಯಾಕೆಂದರೆ ಸಚಿನ್ ಭಾರತದಲ್ಲಿ 20 ಶತಕ ಬಾರಿಸಿದ್ದರೆ, ಕೊಹ್ಲಿ ಭಾರತದಲ್ಲಿ 23 ಶತಕ ದಾಖಲಿಸಿದ್ದಾರೆ. 90ರ ದಶಕದಲ್ಲಿ ಶಾರ್ಜಾದಲ್ಲಿ ಕ್ರಿಕೆಟ್ ಪಂದ್ಯಗಳು ಹೆಚ್ಚಾಗಿ ನಡೆಯುತ್ತಿದ್ದವು. ಹೀಗಾಗಿ ಸಚಿನ್ ಯುಎಇಯಲ್ಲಿ ಗರಿಷ್ಠ 7 ಶತಕ ಬಾರಿಸಿದ್ದಾರೆ.
ಆದರೆ ವಿರಾಟ್ ಕೊಹ್ಲಿ ಬಾಂಗ್ಲಾದೇಶದಲ್ಲಿ 6 ಶತಕ ದಾಖಲಿಸಿದ್ದು, ಆಸ್ಟ್ರೇಲಿಯಾ ಹಾಗೂ ಶ್ರೀಲಂಕಾದಲ್ಲಿ ತಲಾ 5 ಶತಕ ಸಿಡಿಸಿದ್ದಾರೆ. ಇದನ್ನೂ ಓದಿ: Virat Kohli Centuries: ಕ್ರಿಕೆಟ್ ದೇವರಿಗೆ ಸರಿಸಮನಾಗಿ ನಿಂತ ಕಿಂಗ್ ಕೊಹ್ಲಿ..!
ಆಸ್ಟ್ರೇಲಿಯಾದಲ್ಲಿ ಸಚಿನ್ 1, ವಿರಾಟ್ 5 ಶತಕ ದಾಖಲಿಸಿದ್ದಾರೆ.
ಬಾಂಗ್ಲಾದೇಶದಲ್ಲಿ ಸಚಿನ್ 2, ವಿರಾಟ್ 6 ಶತಕ ದಾಖಲಿಸಿದ್ದಾರೆ.
ಇಂಗ್ಲೆಂಡ್ ನಲ್ಲಿ ಸಚಿನ್ 3, ವಿರಾಟ್ 1 ಶತಕ ದಾಖಲಿಸಿದ್ದಾರೆ.
ಭಾರತದಲ್ಲಿ ಸಚಿನ್ 20, ವಿರಾಟ್ 23 ಶತಕ ದಾಖಲಿಸಿದ್ದಾರೆ.
ನ್ಯೂಜಿಲೆಂಡ್ ನಲ್ಲಿ ಸಚಿನ್ ಹಾಗೂ ವಿರಾಟ್ ತಲಾ 1 ಶತಕ ಬಾರಿಸಿದ್ದಾರೆ.
ಪಾಕಿಸ್ತಾನದಲ್ಲಿ ಸಚಿನ್ 1 ಶತಕ, ವಿರಾಟ್ ಶತಕ ಬಾರಿಸಿಲ್ಲ.
ದಕ್ಷಿಣ ಆಫ್ರಿಕಾದಲ್ಲಿ ಸಚಿನ್ ಹಾಗೂ ವಿರಾಟ್ ತಲಾ 3 ಶತಕ ದಾಖಲಿಸಿದ್ದಾರೆ.
ಶ್ರೀಲಂಕಾದಲ್ಲಿ ಸಚಿನ್ ಹಾಗೂ ವಿರಾಟ್ ತಲಾ 5 ಶತಕ ದಾಖಲಿಸಿದ್ದಾರೆ.
ವೆಸ್ಟ್ ಇಂಡೀಸ್ ನಲ್ಲಿ ಸಚಿನ್ 0, ವಿರಾಟ್ 4 ಶತಕ ದಾಖಲಿಸಿದ್ದಾರೆ.
ಜಿಂಬಾಬ್ವೆಯಲ್ಲಿ ಸಚಿನ್ 2, ವಿರಾಟ್ 1 ಶತಕ ದಾಖಲಿಸಿದ್ದಾರೆ.
ಮಲೇಷ್ಯಾದಲ್ಲಿ ಸಚಿನ್ 1, ವಿರಾಟ್ ಶತಕ ದಾಖಲಿಸಿಲ್ಲ.
ಸಿಂಗಾಪುರದಲ್ಲಿ ಸಚಿನ್ 1, ವಿರಾಟ್ ಶತಕ ದಾಖಲಿಸಿಲ್ಲ.
ಯುಎಇಯಲ್ಲಿ ಸಚಿನ್ 7 ಶತಕ ದಾಖಲಿಸಿದರೆ, ವಿರಾಟ್ ಶತಕ ದಾಖಲಿಸಿಲ್ಲ.
