ನವದೆಹಲಿ: ದೇಶಭಕ್ತಿಗೆ ಯಾವುದೇ ಗಡಿ, ಭಾಷೆಯ ಮಿತಿ ಇಲ್ಲ ಎನ್ನುವಂತೆ ರಷ್ಯನ್ ಕೆಡೆಟ್ಸ್ ‘ಆಯೆ ವತನ್’ ಹಿಂದಿ ಗೀತೆಯನ್ನು ಒಟ್ಟಿಗೆ ಹೇಳುವ ಮೂಲಕ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ.
ಸಂತಸದಿಂದ ರಷ್ಯನ್ ಕೆಡೆಟ್ಗಳು ಈ ಗೀತೆಯನ್ನು ಹಾಡಿದ್ದು, ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ದೇಶದ ಪ್ರಸಿದ್ಧ ದೇಶಭಕ್ತಿಗೀತೆಯನ್ನು ಹಾಡುವ ಮೂಲಕ ರಷ್ಯನ್ ಯುವ ಕೆಡೆಟ್ಗಳು ಮೆಚ್ಚುಗೆಗೆ ಪಾತ್ರವಾಗಿದ್ದು, ಅವರಿಗೆ ಭಾರತೀಯ ಸೇನೆಯ ಹಿರಿಯ ಅಧಿಕಾರಿ ಸಹ ಸಾಥ್ ನೀಡಿದ್ದಾರೆ.
*Russian Military Cadets Singing Ae Watan…*
*Sent by Brigadier Pushkar (also seen in the video)!!*#IndianArmy #RussianArmy pic.twitter.com/PITl3eM6qk
— Lt Col N Thiagarajan Veteran (@NTR_NationFirst) November 29, 2019
1965ರಲ್ಲಿ ಬಿಡುಗಡೆಯಾದ ಶಹೀದ್ ಚಿತ್ರದ ಗೀತೆ ಇದಾಗಿದೆ. ಅದೇ ಗೀತೆಯನ್ನು ರಷ್ಯನ್ ಕೆಡೆಟ್ಗಳು ಏ ವತನ್, ಏ ವತನ್, ಹಮ್ಕೊ ತೇರಿ ಕಸಮ್, ತೆರಿ ರಾಹೋನ್ ಮೇನ್ ಜಾನ್ ತಕ್ ಲುಟಾ ಜಾಯೆಂಗೆ’ ಎಂದು ಸುಂದರವಾಗಿ ಹಾಡಿದ್ದಾರೆ.
ಈ ಗೀತೆಯನ್ನು ಗಾಯಕ ಮೊಹಮ್ಮದ್ ರಫಿ ಅವರು ಹಾಡಿದ್ದು, ಸಿನಿಮಾದಲ್ಲಿ ಭಗತ್ ಸಿಂಗ್ರನ್ನು ಗಲ್ಲಿಗೇರಿಸುವ ಮುನ್ನ ತನ್ನ ಸಹಚರ ಮಾಮ್ರೆಡ್ಗಳೊಂದಿಗೆ ಈ ಗೀತೆಯನ್ನು ಹಾಡುತ್ತಾರೆ. ಇದೀಗ ರಷ್ಯನ್ ಕೆಡೆಟ್ಗಳು ಈ ಹಾಡು ಹಾಡುವ ಮೂಲಕ ಟ್ವಿಟ್ಟರ್ನಲ್ಲಿ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ.
ಲೆಫ್ಟಿನೆಂಟ್ ಕರ್ನಲ್ ಎನ್.ತ್ಯಾಗರಾಜನ್ ಅವರು ಈ ವಿಡಿಯೋ ಟ್ವೀಟ್ ಮಾಡಿದ್ದು, ಹಲವರು ಇದಕ್ಕೆ ಕಮೆಂಟ್ ಮಾಡಿದ್ದಾರೆ. ರಷ್ಯನ್ ಆರ್ಮಿ ಕೆಡೆಟ್ಗಳು ಆಯೆ ವತನ್ ಹಾಡು ಹಾಡುವ ಮೂಲಕ ಈ ನನ್ನ ದಿನವನ್ನು ಅದ್ಭುತವಾಗಿಸಿದ್ದಾರೆ ಎಂದು ಕಮೆಂಟ್ ಮಾಡಿದ್ದಾರೆ.
ಈ ವಿಡಿಯೋವನ್ನು ರಷ್ಯಾ ರಾಜಧಾನಿ ಮಾಸ್ಕೋದ ಇಂಡಿಯನ್ ಎಂಬಸಿಯಲ್ಲಿ ಸೇನೆಯ ಸಲಹೆಗಾರರಾಗಿರುವ ಬ್ರಿಗೇಡಿಯರ್ ರಾಜೇಶ್ ಪುಷ್ಕರ್ ಅವರು ಹಂಚಿಕೊಂಡಿದ್ದು, ಇದಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಭಾರತಕ್ಕೆ ಸ್ವಾತಂತ್ರ್ಯ ಸಿಕ್ಕಾಗಿನಿಂದ ರಷ್ಯಾ ನಮ್ಮ ಎದುರಾಳಿಯಾಗಿದೆ. ಈ ರೀತಿ ಬೆಂಬಲ ನೀಡುತ್ತಿರುವುದು ಸಂತಸ ತಂದಿದೆ ಎಂದು ಹಲವು ಕಮೆಂಟ್ ಮಾಡಿದ್ದಾರೆ.
