ಬೆಂಗಳೂರು: ತಡರಾತ್ರಿ ರೌಡಿಶೀಟರ್ ನನ್ನು ಬರ್ಬರವಾಗಿ ಹತ್ಯೆಗೈದಿರುವ ಘಟನೆ ಬೆಂಗಳೂರಿನ ಆಡುಗೋಡಿಯ ಎಲ್‍ಆರ್ ನಗರದಲ್ಲಿ ನಡೆದಿದೆ.
34 ವರ್ಷದ ಎಡ್ವಿನ್ ಅಲಿಯಾಸ್ ಅಲೆಕ್ಸಾಂಡರ್ ಕೊಲೆಯಾದ ರೌಡಿ. ಆಡುಗೋಡಿ ಪೊಲೀಸ್ ಠಾಣೆಯ ರೌಡಿಶೀಟರ್ ಎಡ್ವಿನ್, ಕಳೆದ ಕೆಲ ತಿಂಗಳಿನಿಂದ ಚೆನ್ನೈನಲ್ಲಿ ಕೆಲಸ ಮಾಡುತ್ತಿದ್ದ. ಪತ್ನಿ ಬುಡ್ಡೋಳನ್ನು ಎಡ್ವಿನ್, ತವರು ಮನೆಯಲ್ಲಿ ಬಿಟ್ಟು ಹೋಗದ್ದನು.
ಕಳೆದ ರಾತ್ರಿ ಆಡುಗೋಡಿಯ ಎಲ್ ಆರ್ ನಗರದಲ್ಲಿ ವಾಸವಿದ್ದ ಬುಡ್ಡೋಳನ್ನು ಕರೆದುಕೊಂಡು ಹೋಗಲು ಬಂದಿದ್ದಾನೆ. ಈ ವೇಳೆ ಪತಿಯೊಂದಿಗೆ ತೆರಳಲು ಪತ್ನಿ ನಿರಾಕರಿಸಿದ್ದು, ಮಾತಿಗೆ ಮಾತು ಬೆಳೆದು ಗಲಾಟೆ ಮಾಡಿಕೊಂಡಿದ್ದಾರೆ.
ಈ ವೇಳೆ ಪತ್ನಿ ಹಾಗೂ ಬಾಮೈದ ಚಾಕುವಿನಿಂದ ಇರಿದಿರುವ ಶಂಕೆ ವ್ಯಕ್ತವಾಗಿದೆ. ತೀವ್ರ ರಕ್ತಸ್ರಾವದಿಂದ ಎಡ್ವಿನ್ ಸ್ಥಳದಲ್ಲೇ ಮೃಪಟ್ಟಿದ್ದಾನೆ. ಘಟನೆ ಸಂಬಂಧ ಆಡುಗೋಡಿ ಪೊಲೀಸರು, ಪತ್ನಿ ಬುಡ್ಡೋ ಮತ್ತು ಬಾಮೈದ ಜಗದೀಶ್‍ರನ್ನು ಅನುಮಾನದ ಹಿನ್ನೆಲೆಯಲ್ಲಿ ವಶಕ್ಕೆ ಪಡೆದು ವಿಚಾರಣೆ ಮುಂದುವರಿಸಿದ್ದಾರೆ.
