ಬೆಂಗಳೂರು: ಸ್ಯಾಂಡಲ್‍ವುಡ್ ಧೂಳೆಬ್ಬಿಸಿದ್ದ ‘ಕೆಜಿಎಫ್’ ಸಿನಿಮಾ ರಿಲೀಸ್, ಪ್ರಮೋಶನ್, ಸಕ್ಸಸ್ ಟೂರ್ ಅಂತ ಬ್ಯುಸಿಯಾಗಿದ್ದ ರಾಕಿಂಗ್ ಸ್ಟಾರ್ ಯಶ್ ಕೊಂಚ ಬಿಡುವು ಮಾಡಿಕೊಂಡು ಅಭಿಮಾನಿಗಳ ಜೊತೆ ಸಿನಿಮಾ ವೀಕ್ಷಿಸಿದ್ದಾರೆ.
ಓರಾಯನ್ ಮಾಲ್‍ನಲ್ಲಿ ಏರ್ಪಡಿಸಲಾಗಿದ್ದ ಸ್ಪೆಷಲ್ ಶೋನಲ್ಲಿ ಯಶ್ ಸಿನಿಮಾ ವೀಕ್ಷಿಸಿದರು. ಈ ವೇಳೆ ಯಶ್ ಜೊತೆ ಫೋಟೋ ಕ್ಲಿಕ್ಕಿಸಿಕೊಳ್ಳುವುದಕ್ಕೆ ಹೆಣ್ಮಕ್ಳು ಮುಗಿಬಿದ್ದರು. ಅಭಿಮಾನಿಗಳ ಜೊತೆ ಸಿನಿಮಾ ನೋಡಿ ಫುಲ್ ಖುಷಿಯಾದ ಯಶ್, ಸಿನಿಮಾ ಇಷ್ಟ ಆಯ್ತಾ ಎಲ್ಲರಿಗೂ ಅಂತ ಸ್ಟೇಜ್ ಮೇಲೆ ನಿಂತು ಕೂಗಿದರು.
Advertisement
Advertisement
ಯಶ್ ಹೀಗಂದಿದ್ದೇ ತಡ ಸೂಪರ್ ಅಣ್ತಮ್ಮ ಅಂತ ಅಭಿಮಾನಿಗಳು ಸಾರಿಸಾರಿ ಹೇಳಿದರು. ಕನ್ನಡ ಸಿನಿಮಾ 100 ಕೋಟಿ ಮಾಡಬಹುದು ಎನ್ನುವುದು ಈ ಚಿತ್ರ ಮಾಡಿ ತೋರಿಸಿದೆ. ಚಿತ್ರಮಂದಿರಗಳ ಸಂಖ್ಯೆ ಡಬಲ್ ಆಗಿದೆ. ಕನ್ನಡ ಚಿತ್ರರಂಗ ಬಿಟ್ಟು ಎಲ್ಲೂ ಹೋಗಲ್ಲ. ರವಿ ಬಸ್ರೂರು ಸಿನಿಮಾ ಮುಗಿದ ಮೇಲೂ ಮತ್ತೆ ಸ್ಪೆಷಲ್ ಸೌಂಡ್ ಎಫೆಕ್ಟ್ ಕೊಟ್ಟು ಸಿನಿಮಾ ರಿಲೀಸ್ ಮಾಡಿದರು. ಅದಕ್ಕೆ ಮತ್ತೆ ನೋಡಲು ಬಂದಿದ್ದೇನೆ ಅಂತಾ ನಟ ಯಶ್ ಹೇಳಿದರು.
Advertisement
Advertisement
ಕೆಜಿಎಫ್‍ನಲ್ಲಿ ರಾಕಿ ಭಾಯ್ ಆರ್ಭಟಕ್ಕೆ ಬಾಕ್ಸ್ ಆಫೀಸ್ ಉಡೀಸ್ ಆಗಿದೆ. ಇಲ್ಲಿಯವರೆಗೂ ಕನ್ನಡ ಸಿನಿಮಾ ಇಂಡಸ್ಟ್ರಿ ಪಾಲಿಗೆ ನೂರು ಕೋಟಿ ಕ್ಲಬ್ ಲಿಸ್ಟ್ ಅನ್ನುವುದು ಮರೀಚಿಕೆಯಾಗಿತ್ತು. ಆದರೆ `ಕೆಜಿಎಫ್’ ಸಿನಿಮಾ ಐದೇ ದಿನಕ್ಕೆ ನೂರು ಕೋಟಿ ಕ್ಲಬ್ ಲಿಸ್ಟ್ ಸೇರಿದ ಕನ್ನಡದ ಮೊದಲ ಚಿತ್ರವಾಗುವುದರ ಮೂಲಕ ಸ್ಯಾಂಡಲ್‍ವುಡ್ ಅನ್ನು ಹೊಸ ದಿಕ್ಕಿಗೆ ಕರೆದುಕೊಂಡು ಹೋಗುತ್ತಿದೆ.
`ಕೆಜಿಎಫ್’ ಚಿತ್ರದ ಮೊದಲ ದಿನದ ಕಲೆಕ್ಷನ್ ಸುಮಾರು 23 ಕೋಟಿ ರೂ. ಆಗಿದ್ದು, ಎರಡನೇ ದಿನದ ಕೆಜಿಎಫ್ ಟೋಟಲ್ ಸುಮಾರು 40 ಕೋಟಿ ರೂ. ಕಲೆಕ್ಷನ್ ಆಗಿತ್ತು. ಮೂರನೇ ದಿನಕ್ಕೆ ಕೆಜಿಎಫ್ ಒಟ್ಟಾರೆ 58 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು. ನಾಲ್ಕನೇ ದಿನಕ್ಕೆ 77 ಕೋಟಿ ರೂ. ದಾಟಿತ್ತು. ಅಲ್ಲದೇ ಐದನೇ ದಿನ ನೂರು ಕೋಟಿ ರೂ. ಗಡಿಯೂ ದಾಟಿತ್ತು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
