ಖಳನಾಯಕ ಆಗುತ್ತಿಲ್ಲ ರಾಕಿಂಗ್ ಸ್ಟಾರ್ ಯಶ್

ರಾಮಾಯಣ ಸಿನಿಮಾದ ನಂತರ ಮತ್ತೊಂದು ಬಾಲಿವುಡ್ ಸಿನಿಮಾವನ್ನು ರಾಕಿಂಗ್ ಸ್ಟಾರ್ ಯಶ್ (Yash) ಒಪ್ಪಿಕೊಂಡಿದ್ದಾರೆ ಎಂದು ಹಲವು ದಿನಗಳಿಂದ ಸುದ್ದಿ ಹರಿದಾಡುತ್ತಿತ್ತು. ಸುಭಾಷ್ ಘಾಯ್ (Subhash Ghai) ನಿರ್ಮಾಣದಲ್ಲಿ ಮೂಡಿ ಬರಲಿರುವ ಖಳನಾಯಕ್ 2 (Khalnayak 2) ಚಿತ್ರದಲ್ಲಿ ಯಶ್ ಪಾತ್ರ ಮಾಡಲಿದ್ದಾರೆ ಎಂದು ಹೇಳಲಾಗಿತ್ತು. ಸಹಜವಾಗಿಯೇ ಅಭಿಮಾನಿಗಳಿಗೆ ಖುಷಿ ಆಗಿತ್ತು. ಈ ಕುರಿತಂತೆ ಸುಭಾಷ್ ಘಾಯ್ ಪ್ರತಿಕ್ರಿಯೆ ನೀಡಿದ್ದಾರೆ.

ಇಪತ್ತು ವರ್ಷಗಳ ಹಿಂದೆ ಖಳನಾಯಕ ಸಿನಿಮಾ ಬಂದಿತ್ತು. ಸಂಜಯ್ ದತ್ (Sanjay Dutt) ಅವರು ಈ ಸಿನಿಮಾದಲ್ಲಿ ಹೀರೋ ಆಗಿ ನಟಿಸಿದ್ದರು. ಈಗ ಬರ್ತಿರೋದು ಖಳನಾಯಕ್ 2 ಚಿತ್ರ. ಸಂಜಯ್ ದತ್ ಬದಲು ಯಶ್ ಅವರಿಗೆ ಈ ಪಾತ್ರ ಒಲಿದೆ ಎಂದು ಹೇಳಲಾಗಿತ್ತು. ಆದರೆ, ಅದು ಸುಳ್ಳು ಎಂದು ಸುಭಾಷ್ ಘಾಯ್ ಹೇಳಿದ್ದಾರೆ.

ಖಳನಾಯಕ್ 2 ಸಿನಿಮಾದ ಪಾತ್ರವನ್ನು ಮತ್ತೆ ಸಂಜಯ್ ದತ್ ಅವರೇ ನಿರ್ವಹಿಸಲಿದ್ದಾರೆ. ಹೊಸ ಕಲಾವಿದರನ್ನು ನಾವು ಹುಡುಕುತ್ತಿಲ್ಲ. ಸಂಜಯ್ ದತ್ ಅವರೇ ತಮ್ಮ ಪಾತ್ರವನ್ನು ಮುಂದುವರೆಸಿಕೊಂಡು ಹೋಗುತ್ತಿರುವುದರಿಂದ ಯಶ್, ಮತ್ತೊಂದು ಹಿಂದಿ ಸಿನಿಮಾ ಒಪ್ಪಿಕೊಂಡಿಲ್ಲ ಎನ್ನುವುದು ಪಕ್ಕಾ ಆಗಿದೆ.