ಸಿಂಪಲ್ಲಾಗೊಂದ್ ಲವ್ ಸ್ಟೋರಿಯಲ್ಲಿ ನಟಿಸಿದ್ದ ಆರ್.ಜೆ ರಚನಾ

ಹೃದಯಾಘಾತದಿಂದ ಇಂದು ನಿಧನರಾಗಿರುವ ಆರ್.ಜೆ. ರಚನಾ ಸಿನಿಮಾದಲ್ಲಿಯೂ ನಟಿಸಿದ್ದಾರೆ. ರಕ್ಷಿತ್ ಶೆಟ್ಟಿ ವೃತ್ತಿ ಬದುಕಿಗೆ ಬಹುದೊಡ್ಡ ಬ್ರೇಕ್ ನೀಡಿದ್ದ ‘ಸಿಂಪಲ್ಲಾಗೊಂದ್ ಲವ್ ಸ್ಟೋರಿ’ ಸಿನಿಮಾದಲ್ಲಿ ಆರ್.ಜೆ ರಚನಾ ಪ್ರಮುಖ ಪಾತ್ರವೊಂದನ್ನು ನಿರ್ವಹಿಸಿದ್ದರು. ಈ ಸಿನಿಮಾದಲ್ಲಿ ಅವರು ಆರ್.ಜೆ ಆಗಿಯೇ ಕಾಣಿಸಿಕೊಂಡಿದ್ದು ವಿಶೇಷ. ಇದನ್ನೂ ಓದಿ : ಸಾವಿನಲ್ಲೂ ಸಾರ್ಥಕತೆ ಮೆರೆದ ರಚನಾ ಕುಟುಂಬ

ಸಿನಿಮಾದ ನಾಯಕನ ಪಾತ್ರ ತನ್ನ ಹುಡುಗಿಯ ಜತೆ ಟ್ರಾವೆಲ್ ಮಾಡಿದರೆ, ರೇಡಿಯೋ ಸ್ಟೇಶನ್ ನಲ್ಲಿ ಕುಳಿತುಕೊಂಡೇ ಇಡೀ ಕಥೆಯನ್ನು ರಚನಾ ಹೇಳುತ್ತಾ ಹೋಗುವುದು ಸಿನಿಮಾದ ವಿಶೇಷಗಳಲ್ಲಿ ಒಂದು. ಇದನ್ನೂ ಓದಿ : ಕಂಚಿನ ಕಂಠದ ಆರ್.ಜೆ ರಚನಾ ಹೃದಯಾಘಾತದಿಂದ ನಿಧನ

ರಚನಾ ಅವರ ಧ್ವನಿಯೇ ಈ ಪಾತ್ರಕ್ಕೆ ಆಯ್ಕೆ ಮಾಡಿಸಿತ್ತು ಎನ್ನುತ್ತಾರೆ ನಿರ್ದೇಶಕ ಸುನಿ. ರಚನಾ ಅವರ ಧ್ವನಿಯಲ್ಲಿ ಮೋಡಿ ಮಾಡುವಂತಹ ಶಕ್ತಿಯಿದೆ. ಅಲ್ಲದೇ, ಜನರಿಗೆ ಮನದಟ್ಟು ಮಾಡುವಂತಹ ಕಲೆಯೂ ಇದೆ. ಅದನ್ನು ನಾನು ಗುರುತಿಸಿಯೇ ಆ ಪಾತ್ರವನ್ನು ಅವರಿಗೆ ನೀಡಿದ್ದು ಎಂದಿದ್ದರು ಸಿಂಪಲ್ ಸುನಿ. ಇದನ್ನೂ ಓದಿ : ವೇದಿಕಾಗೆ ಸಿಕ್ತು ಬಂಪರ್ ಆಫರ್

2013ರಲ್ಲಿ ಈ ಸಿನಿಮಾ ತೆರೆ ಕಂಡಾಗ ಸ್ವತಃ ರಚನಾ ಅವರೇ ಸಂಭ್ರಮದಿಂದ ಹಲವು ವಿಷಯಗಳನ್ನು ಹಂಚಿಕೊಂಡಿದ್ದರು. ತಂಡದ ಬಗ್ಗೆ ಮೆಚ್ಚುಗೆ ಮಾತುಗಳನ್ನು ಆಡಿದ್ದರು. ಮತ್ತೆ ಮತ್ತೆ ಸಿನಿಮಾದಲ್ಲಿ ನಟಿಸುವ ಆಸೆಯನ್ನೂ ಅವರು ವ್ಯಕ್ತ ಪಡಿಸಿದ್ದರು.