‘ಸಿಂಗಲ್’ ಶೆಟ್ರಿಗೆ ‘ಮಿಂಗಲ್’ ಆಗಿ ಎಂದ ರಿಷಬ್ ಶೆಟ್ಟಿ: ಆಯ್ತಣ್ಣೋ… ಗೊತ್ತಾಯ್ತು ಬಿಡಿ

ಜಗ್ಗೇಶ್ ಮುಖ್ಯಭೂಮಿಕೆಯ ‘ರಾಘವೇಂದ್ರ ಸ್ಟೋರ್ಸ್’ (Raghavendra Stores)  ಚಿತ್ರದ  ‘ಸಿಂಗಲ್ ಸುಂದ್ರ..’ ಲಿರಿಕಲ್ ವಿಡಿಯೋ ರಿಲೀಸ್ ಆಗಿದೆ. ಈ ಹಾಡನ್ನು ನಟ ರಕ್ಷಿತ್ ಶೆಟ್ಟಿ ಬಿಡುಗಡೆ ಮಾಡಿದ್ದಾರೆ. ಮೆಚ್ಚಿ ಸೋಷಿಯಲ್ ಮೀಡಿಯಾದಲ್ಲಿ ಕೆಲ ಸಾಲುಗಳನ್ನೂ ಬರೆದಿದ್ದಾರೆ. ಆ ಫೋಸ್ಟ್ ಗೆ ರಿಯ್ಯಾಕ್ಟ್ ಮಾಡಿರುವ ರಿಷಬ್ (Rishab Shetty) ‘ಒಳ್ಳೆಯವರ ಕೈನಲ್ಲಿ ಹಾಡನ್ನ ರಿಲೀಸ್ ಮಾಡ್ಸಿದ್ದೀರಿ. ಹಾಡು ಕೇಳೋಕೆ ನೋಡೋಕೆ ಬಹಳ ಚೆನ್ನಾಗಿ. ಸಿಂಗಲ್ (Singal) ಆಗಿರೋರು ಬೇಗ ಮಿಂಗಲ್ (Mingal) ಆಗೋ ಹಾಗಾಗ್ಲಿ’ ಎಂದು ರಕ್ಷಿತ್ ಶೆಟ್ಟಿ (Rakshit Shetty) ಕಾಲೆಳೆದಿದ್ದಾರೆ.

ರಿಷಬ್ ಹಾಕಿರುವ ಫೋಸ್ಟ್ ಗೆ ಪ್ರತಿಕ್ರಿಯೆ ನೀಡಿರುವ ರಕ್ಷಿತ್, ಅಷ್ಟೇ ತಮಾಷೆಯಾಗಿ ‘ಆಯ್ತಣ್ಣೋ… ಗೊತ್ತಾಯ್ತು ಬಿಡಿ..’ ಎಂದು ನಕ್ಕಿದ್ದಾರೆ. ಅಲ್ಲದೇ, ರಿಷಬ್ ಮಾಡಿರುವ ಟ್ವೀಟ್ ಗೆ ಅನೇಕರು ಪ್ರತಿಕ್ರಿಯೆ ನೀಡಿದ್ದು, ಒಬ್ಬರು ‘ನಿಮ್ಮೂರ್ ಕಡೆ ಯಾವ್ಯಾದ್ರೂ ಹುಡುಗಿಯಿದ್ರೆ ಹೇಳಿ ಶೆಟ್ರಿ ಮಿಂಗಲ್ ಆಗ್ತಿವಿ’ ಎಂದು ಉತ್ತರ ನೀಡಿದ್ದಾರೆ. ಇದನ್ನೂ ಓದಿ:ಸಲ್ಮಾನ್ ಖಾನ್‌ ಕೊಲ್ಲುವುದಾಗಿ ಹೇಳಿದ್ದ ರಾಕಿ ಭಾಯ್ ಬಂಧನ

ರಶ್ಮಿಕಾ ಮಂದಣ್ಣ ಜೊತೆಗಿನ ಬ್ರೇಕ್ ಅಪ್ ನಂತರ ರಕ್ಷಿತ್ ಶೆಟ್ಟಿ ಮತ್ತೆ ಮದುವೆ ಬಗ್ಗೆ ಯೋಚನೆ ಕೂಡ ಮಾಡಿಲ್ಲ. ಆದರೂ, ಹಲವು ನಾಯಕಿಯರ ಜೊತೆ ಇವರ ಹೆಸರನ್ನು ಗಾಸಿಪ್ ರೂಪದಲ್ಲಿ ಹರಿಬಿಡಲಾಯಿತು. ಅದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳದ ರಕ್ಷಿತ್ ತಮ್ಮ ಪಾಡಿಗೆ ತಾವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಹಾಗಾಗಿ ರಿಷಬ್ ‘ಮಿಂಗಲ್’ ಆಗಿ ಎಂದು ತಮಾಷೆ ಮಾಡಿದ್ದಾರೆ.

ರಿಷಬ್ ಮತ್ತು ರಕ್ಷಿತ್ ಇಬ್ಬರೂ ಗಾಢ ಸ್ನೇಹಿತರು. ಸೋಷಿಯಲ್ ಮೀಡಿಯಾದಲ್ಲಿ ಆಗಾಗ್ಗೆ ಒಬ್ಬರಿಗೊಬ್ಬರು ಕಾಲೆಳೆದುಕೊಂಡು ತಮಾಷೆ ಮಾಡುತ್ತಿರುತ್ತಾರೆ. ಈ ತಮಾಷೆಯನ್ನು ಅಭಿಮಾನಿಗಳು ಮತ್ತೊಂದು ಹಂತಕ್ಕೆ ತಗೆದುಕೊಂಡು ಹೋಗಿರುತ್ತಾರೆ. ಈ ಬಾರಿಯೂ ಮದ್ವೆ ವಿಷಯದಲ್ಲಿ ಅದೇ ಆಗಿದೆ.