ಸ್ಯಾಂಡಲ್ವುಡ್ ನಟ ಕಮ್ ನಿರ್ದೇಶಕ ರಿಷಬ್ ಶೆಟ್ಟಿ (Rishab Shetty) ಇದೀಗ `ಕಾಂತಾರಾ'(Kantara Film) ಚಿತ್ರದ ಯಶಸ್ಸಿನ ಉತ್ತುಂಗದಲ್ಲಿ ತೇಲುತ್ತಿದ್ದಾರೆ. ಇದೇ ಖುಷಿಯಲ್ಲಿ ಮುದ್ದು ಮಗಳ ಫೋಟೋ ಮತ್ತು ಚೆಂದದ ಹೆಸರನ್ನು ಸಾಮಾಜಿಕ ಜಾಲತಾಣದ ಮೂಲಕ ರಿವೀಲ್ ಮಾಡಿದ್ದಾರೆ.
View this post on Instagram
ಬೆಲ್ಬಾಟಂ, ಹೀರೋ, ಹರಿಕಥೆಯಲ್ಲ ಗಿರಿಕಥೆ, ಚಿತ್ರದ ಮೂಲಕ ಮೋಡಿ ಮಾಡಿದ್ದ ನಟ ರಿಷಬ್ ಶೆಟ್ಟಿ ಈಗ `ಕಾಂತಾರ’ ಚಿತ್ರದ ಮೂಲಕ ಸೂಪರ್ ಸಕ್ಸಸ್ನ ಕಂಡಿದ್ದಾರೆ. ರಿಷಬ್ ವೃತ್ತಿ ಜೀವನದಲ್ಲಿ `ಕಾಂತಾರಾ’ ಸಿನಿಮಾ ದೊಡ್ಡ ಮೈಲಿಗಲ್ಲನೇ ಸೃಷ್ಟಿಸಿದೆ ಎಂದು ಹೇಳಿದರೆ ತಪ್ಪಾಗಲಾರದು. ಕರಾವಳಿ ಸೊಗಡಿನ ದೈವದ ಕಥೆಯ ಮೂಲಕ ಹಿಸ್ಟರಿ ಕ್ರಿಯೇಟ್ ಮಾಡಿರುವ ರಿಷಬ್ ಶೆಟ್ಟಿ ಇದೀಗ ನವರಾತ್ರಿ ಹಬ್ಬದಂದು ಮುದ್ದು ಮಗಳ ಫೋಟೋ ಮತ್ತು ಹೆಸರನ್ನ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಇದನ್ನೂ ಓದಿ:ಪತಿ ಧ್ರುವ ಸರ್ಜಾ ಹುಟ್ಟುಹಬ್ಬಕ್ಕೆ ರೊಮ್ಯಾಂಟಿಕ್ ಫೋಟೋ ಜೊತೆ ಪ್ರೇರಣಾ ಲವ್ಲಿ ವಿಶ್ಸ್
View this post on Instagram
ಎಲ್ಲರಿಗೂ ನವರಾತ್ರಿಯ ಶುಭಾಶಯಗಳು. ನಾಡಹಬ್ಬಕ್ಕೆ ಕಾಂತಾರದ ಯಶಸ್ಸು, ನಾಡಿನ ಜನರ ಪ್ರೀತಿ ಮತ್ತಷ್ಟು ಸಂಭ್ರಮವನ್ನು ತಂದಿವೆ. ಇದಕ್ಕೆ ಕಲಶಪ್ರಾಯವಾಗಿ, ಮಗಳು ರಾಧ್ಯಾಳ ಮುಗ್ಧ ನಗುವೂ ಜೊತೆಯಾಗಿದೆ.. ನಿಮ್ಮೆಲ್ಲರ ಹಾರೈಕೆಗಳಿರಲಿ ಎಂದು ಸಾಮಾಜಿಕ ಜಾಲತಾಣದಲ್ಲಿ ರಿಷಬ್ ಪೋಸ್ಟ್ ಮಾಡಿದ್ದಾರೆ. ಕಳೆದ ಮಾರ್ಚ್ 4ರಂದು ಮಗಳ ಆಗಮನವಾಗಿತ್ತು. ಇದೀಗ 7 ತಿಂಗಳ ನಂತರ ಮಗಳು ರಾಧ್ಯಾಳನ್ನ(Raadhya) ಅಭಿಮಾನಿಗಳಿಗೆ ರಿಷಬ್ ಪರಿಚಯಿಸಿದ್ದಾರೆ.
View this post on Instagram
2017ರಲ್ಲಿ ಗುರುಹಿರಿಯರ ಸಮ್ಮುಖದಲ್ಲಿ ರಿಷಬ್ ಮತ್ತು ಪ್ರಗತಿ ಶೆಟ್ಟಿ(Pragathi Shetty) ಹಸೆಮಣೆ ಏರಿದ್ದರು. ಬಳಿಕ 2019ರಲ್ಲಿ ಮಗ ರಣ್ವೀತ್ ಶೆಟ್ಟಿಯ ಆಗಮನವಾಗಿತ್ತು. ಮಾರ್ಚ್ 4, 2022ರಂದು ಮಗಳು ರಾಧ್ಯಾಳ ಎಂಟ್ರಿಯಾಗಿದೆ. ದಸರಾ ಹಬ್ಬದ ಶುಭ ಸಂದರ್ಭದಲ್ಲಿ ಮಗಳನ್ನ ಅಭಿಮಾನಿಗಳಿಗೆ ರಿಷಬ್ ಪರಿಚಯಿಸಿದ್ದಾರೆ.
