ಮುಂಬೈ: 2019ರ ಲೋಕಸಭೆ ಚುನಾವಣೆಯಲ್ಲೂ ಪ್ರಧಾನಿ ನರೇಂದ್ರ ಮೋದಿ ಗೆಲ್ಲಬೇಕು ಅಂತ ಬಾಲಿವುಡ್ ನಟಿ ಕ್ವೀನ್ ಕಂಗನಾ ರಣಾವತ್ ಹೇಳಿದ್ದಾರೆ.
ದೇಶದ ಅಭಿವೃದ್ಧಿಗೆ 5 ವರ್ಷ ಸಾಕಾಗಲ್ಲ. ಇನ್ನಷ್ಟು ವರ್ಷಗಳು ಬೇಕು. ಹಾಗಾಗಿ ಪ್ರಧಾನಿ ಹುದ್ದೆಗೆ ನರೇಂದ್ರ ಮೋದಿ ಸೂಕ್ತವಾದ ವ್ಯಕ್ತಿ ಅಂತ ಕಂಗನಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಇತ್ತಿಚೆಗಷ್ಟೇ ಕಂಗನಾ ನಾನು ಪ್ರಧಾನಿಯವರ ಬಹುದೊಡ್ಡ ಅಭಿಮಾನಿ ಅವರ ಯಶಸ್ವಿ ಜೀವನ ನಮಗೆ ರೋಲ್ ಮಾಡೆಲ್ ಅಂತಲೂ ಹೇಳಿದ್ದರು.
Narendra Modi is the most deserving candidate &rightful leader of a democracy. He is not in this position because of his parents, he has worked hard to be here. Yes, he should come to power next year as 5 years are not enough to pull a country out of pit: Kangana Ranaut in Mumbai pic.twitter.com/fTG0lT4Zg9
— ANI (@ANI) July 28, 2018
ಪ್ರಧಾನಿ ಮೋದಿಯವರ ಬಾಲ್ಯ ಆಧಾರಿತ ‘ಚಲೋ ಜೀತೆ ಹೈಂ’ ಕಿರುಚಿತ್ರ ಪ್ರದರ್ಶನದಲ್ಲಿ ಕಂಗನಾ ಭಾಗಿಯಾಗಿದ್ದರು. ಪ್ರಧಾನಿ ಮೋದಿ ಇಂದು ಈ ಸ್ಥಾನಕ್ಕೆ ತಲುಪಿದ್ದು, ತಂದೆ-ತಾಯಿಯ ಹೆಸರಿನಿಂದಲ್ಲ. ತಮ್ಮ ಸತತ ಪರಿಶ್ರಮ, ಹೋರಾಟದಿಂದ ಇಂದು ದೇಶದ ಪ್ರಧಾನಿಗಳಾಗಿದ್ದಾರೆ. ಕಿರುಚಿತ್ರ ಕೇವಲ ಮೋದಿಯವರ ಇಡೀ ಜೀವನದ ಒಂದು ಸಣ್ಣ ತುಣುಕಾಗಿದ್ದು, ತೆರೆಯ ಮೇಲೆ ಅದ್ಭುತವಾಗಿ ಮೂಡಿ ಬಂದಿದೆ.
ಮಂಗೇಶ್ ಹದಿವಾಲಾ ನಿರ್ದೇಶನದಲ್ಲಿ ಕಿರುಚಿತ್ರ ಮೂಡಿಬಂದಿದೆ. ಇದೇ ಕಿರುಚಿತ್ರ ಶೋನಲ್ಲಿ ಬಾಲಿವುಡ್ ಸ್ಟಾರ್ ಅಕ್ಷಯ್ ಕುಮಾರ್, ಹುಲಶನ್ ಗ್ರೋವರ್, ಅಮಿಷಾ ಪಟೇಲ್ ಮತ್ತು ಸಂಜಯ್ ಖಾನ್ ಸೇರಿದಂತೆ ಹಲವು ಗಣ್ಯರು ಭಾಗಿಯಾಗಿದ್ದರು. ಉದ್ಯಮಿ ಮುಖೇಶ್ ಅಂಬಾನಿ ಸಹ ಭಾಗಿಯಾಗಿ, ಚಿತ್ರ ಜನರಿಗೆ ಪ್ರೇರಣೆ ಆಗಲಿದೆ ಎಂದು ತಿಳಿಸಿದರು.
