ಬೆಂಗಳೂರು: “ಪ್ರಿಯ ಗ್ರಾಹಕರೇ ನಿಮ್ಮ ಜಿಯೋ ಇಂಟರ್‍ನೆಟ್ ಮತ್ತು ಕಾಲ್ ಸೇವೆಯನ್ನು ರಾತ್ರಿ 12 ಗಂಟೆಯ ಒಳಗಡೆ ಅಪ್‍ಗ್ರೇಡ್ ಮಾಡಿಕೊಳ್ಳಿ, ಒಂದು ವೇಳೆ ನೀವು ಅಪ್‍ಗ್ರೇಡ್ ಮಾಡದೇ ಇದಲ್ಲಿ ನಿಮ್ಮ ಜಿಯೋ ಸೇವೆ ಡಿ ಆಕ್ವಿವೇಟ್ ಆಗುತ್ತದೆ”
ಈ ರೀತಿ ಇರುವ ವಾಟ್ಸಪ್ ಸಂದೇಶವನ್ನು ದಯವಿಟ್ಟು ಯಾರೂ ಶೇರ್ ಮಾಡಬೇಡಿ. ಜಿಯೋ ಯಾವುದೇ ಈ ರೀತಿಯ ಆಫರ್ ಬಿಡುಗಡೆ ಮಾಡಿಲ್ಲ. ನಿಮ್ಮನೆ ನಿಮ್ಮನ್ನು ವಂಚಿಸಲು ಯಾರೋ ಈ ಸಂದೇಶವನ್ನು ಬರೆದು ಮೆಸೆಂಜಿಗ್ ಅಪ್ಲಿಕೇಶನ್‍ನಲ್ಲಿ ಹರಿಯಬಿಟ್ಟಿದ್ದಾರೆ.
Advertisement
ಈಗ ನೀವು ಡೌನ್‍ಲೋಡ್ ಮಾಡುತ್ತಿರುವ ಜಿಯೋ ಹೆಸರಿನ ಆಂಡ್ರಾಯ್ಡ್ ಆಪ್ ಗೂಗಲ್ ಪ್ಲೇ ಸ್ಟೋರ್‍ನಲ್ಲಿ ಇಲ್ಲ. ಹೀಗಾಗಿ ಈ ಆಪನ್ನು ಡೌನ್‍ಲೋಡ್ ಮಾಡಬೇಡಿ. ಯಾರಾದರೂ ನಿಮಗೆ ಈ ಸಂದೇಶವನ್ನು ಕಳುಹಿಸಿದ್ದರೆ ಅವರಿಗೆ, ಇದು ನಮ್ಮನ್ನು ವಂಚಿಸಲು ಹರಿಯಬಿಟ್ಟಿರುವ ಮೆಸೇಜ್ ಎಂಬುದನ್ನು ತಿಳಿಸಿ ಬಿಡಿ.
Advertisement
ಜಿಯೋ ಬಿಡುಗಡೆ ಮಾಡಿರುವ ಹ್ಯಾಪಿ ನ್ಯೂ ಇಯರ್ ಸೇವೆ ಮಾರ್ಚ್ 31 ರವರೆಗೆ ಇರಲಿದ್ದು, ಪ್ರತಿನಿತ್ಯ ಗ್ರಾಹಕರು 1 ಜಿಬಿ ಡೇಟಾವನ್ನು ಉಚಿತವಾಗಿ ಬಳಕೆ ಮಾಡಬಹುದು. ಮಾರ್ಚ್ 31ರ ನಂತರ ಡೇಟಾ ಉಚಿತವಾಗಿ ನೀಡುತ್ತದೋ ಇಲ್ಲವೋ ಎನ್ನುವುದನ್ನು ಇದೂವರೆಗೂ ಜಿಯೋ ಅಧಿಕೃತವಾಗಿ ಎಲ್ಲಿಯೂ ಪ್ರಕಟಿಸಿಲ್ಲ. ಕೆಲ ಮಾಧ್ಯಮಗಳು ಈ ಸೇವೆ ಜೂನ್ ವರೆಗೂ ಮುಂದುವರೆಯುವ ಸಾಧ್ಯತೆಯಿದೆ ಎಂದು ವರದಿ ಮಾಡಿವೆ.
Advertisement
ನಿಮಗಿದು ತಿಳಿದಿರಲಿ:
ಫೇಸ್‍ಬುಕ್, ಟ್ವಿಟ್ಟರ್‍ನಲ್ಲಿ ಹೇಗೆ ವ್ಯಕ್ತಿ/ ಕಂಪೆನಿಗೆ ಸಂಬಂಧಿಸಿದಂತೆ ಅಧಿಕೃತ ಖಾತೆಗಳನ್ನು ಜನರಿಗೆ ಗುರುತಿಸಲು ಒಂದು ಪ್ರತ್ಯೇಕ ‘ಟಿಕ್ ಮಾರ್ಕ್’ ಇರುತ್ತದೆ. ಅದೇ ರೀತಿಗಾಗಿ ಆಂಡ್ರಾಯ್ಡ್ ಪ್ಲೇ ಸ್ಟೋರ್‍ನಲ್ಲಿ ಟಿಕ್ ಮಾರ್ಕ್ ಇದೆ. ಈ ಟಿಕ್ ಮಾರ್ಕ್ ಇದ್ದಲ್ಲಿ ಮಾತ್ರ ಅದು ಕಂಪೆನಿಯ ಅಧಿಕೃತ ಆಪ್ ಆಗಿರುತ್ತದೆ. ಆಪ್ ಡೌನ್ ಲೋಡ್ ಮಾಡುವ ಮುನ್ನ ಆ ಆಪ್ ಎಷ್ಟು ಡೌನ್ ಲೋಡ್ ಆಗಿದೆ ಎನ್ನುವುದನ್ನು ಗಮನಿಸಿ. ಲಕ್ಷಕ್ಕೂ/ಕೋಟಿಗೂ ಅಧಿಕ ಸಂಖ್ಯೆಯಲ್ಲಿ ಆಪ್‍ಗಳು ಡೌನ್‍ಲೋಡ್ ಆಗಿದ್ದಲ್ಲಿ ಈ ಆಪ್ ಅಧಿಕೃತ ಕಂಪೆನಿಯ ಆಪ್ ಎನ್ನುವ ನಿರ್ಧಾರಕ್ಕೆ ನೀವು ಬರಬಹುದು.
Advertisement
