ಮೊಬೈಲ್ ಆನ್ ಮಾಡಿದಾಗ ಹೊಗೆ, ಕೆಳಕ್ಕೆ ಹಾಕ್ತಿದ್ದಂತೆ ರೆಡ್‍ಮೀ ನೋಟ್ 4 ಬ್ಲಾಸ್ಟ್

ಮಂಡ್ಯ: ತಾಂತ್ರಿಕ ದೋಷದಿಂದ ರೆಡ್ ಮೀ ನೋಟ್ 4 ಮೊಬೈಲ್ ಬ್ಲಾಸ್ಟ್ ಆಗಿರೋ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.

ರೆಡ್ ಮೀ ನೋಟ್ 4 ಬ್ಲಾಸ್ಟ್ ಆಗಿರೋ ದೃಶ್ಯ ಮಂಡ್ಯದ ಮೊಬೈಲ್ ಅಂಗಡಿಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಆನ್‍ಲೈನ್‍ನಲ್ಲಿ ಬುಕ್ ಮಾಡಿದ್ದ ಗ್ರಾಹಕರೊಬ್ಬರು ಮೊಬೈಲ್ ಆನ್ ಆಗುತ್ತಿಲ್ಲ ಎಂದು ಆರ್‍ಪಿ ರಸ್ತೆಯ ಮೊಬೈಲ್ ಅಂಗಡಿಗೆ ತಂದು ತೋರಿಸಿದ್ದಾರೆ.

ಅಂಗಡಿಯವರು ಮೊಬೈಲ್ ಆನ್ ಮಾಡುತ್ತಿದ್ದಂತೆ ಹೊಗೆ ಕಾಣಿಸಿಕೊಂಡಿದೆ. ಕೂಡಲೇ ಅಂಗಡಿಯವರು ಮೊಬೈಲ್ ಕೆಳಕ್ಕೆ ಹಾಕುತ್ತಿದ್ದಂತೆ ಬ್ಲಾಸ್ಟ್ ಆಗಿದೆ. ಈ ಘಟನೆಯಿಂದ ಕೆಲ ಸಮಯ ಮೊಬೈಲ್ ಕೊಂಡುಕೊಂಡ ಗ್ರಾಹಕ ಮತ್ತು ಅಂಗಡಿಯವರು ಆತಂಕಗೊಂಡಿದ್ದರು.

https://www.youtube.com/watch?v=3-2NT-spVdk