ಉಪೇಂದ್ರ ನಿರ್ದೇಶನದ ʻಎʼ ಸಿನಿಮಾಗೆ ಸಿಲ್ವರ್ ಸಂಭ್ರಮ

ರಿಯಲ್ ಸ್ಟಾರ್ ಉಪೇಂದ್ರ (Real Star Upendra) ನಿರ್ದೇಶನ ಸೂಪರ್ ಹಿಟ್ `ಎ’ (A Film) ಸಿನಿಮಾಗೆ 25 ವರ್ಷಗಳನ್ನ ಪೂರೈಸಿದೆ. ಸಾಕಷ್ಟು ವರ್ಷಗಳ ಹಿಂದೆಯೇ ಕೋಟಿ ಬಜೆಟ್‌ನ್ನ ಸಿನಿಮಾ ಮಾಡಿ ಉಪ್ಪಿ ಸೈ ಎನಿಸಿಕೊಂಡಿದ್ದರು.

upendra

ಉಪೇಂದ್ರ ನಿರ್ದೇಶನ ಎ ಸಿನಿಮಾ, ಗಾಂಧಿನಗರದಲ್ಲಿ ಹೊಸ ಅಲೆ ಎಬ್ಬಿಸಿದ ಚಿತ್ರವಾಗಿತ್ತು. ಜ.16, 2023ಕ್ಕೆ ಎ ಚಿತ್ರ ತೆರೆಕಂಡು 25 ವರ್ಷಗಳನ್ನ (25 Years) ಪೊರೈಸಿದೆ. ಅದರ ಜೊತೆಗೆ ಹೀರೋ ಆಗಿ ಚಿತ್ರರಂಗಕ್ಕೆ ಉಪ್ಪಿ ಎಂಟ್ರಿ ಕೊಟ್ಟು 25 ವರ್ಷಗಳಾಗಿದೆ.

`ತರ್ಲೆ ನನ್ಮಗ’ (Tarle Nanamaga) ಸಿನಿಮಾ ಮೂಲಕ ಉಪ್ಪಿ ಅವರು ನಿರ್ದೇಶನಕ್ಕೆ ಕಾಲಿಟ್ಟರು. ಶ್, ಓಂ, ಆಪರೇಷನ್ ಅಂತ ಚಿತ್ರಗಳನ್ನು ನೀಡಿ ಉಪೇಂದ್ರ ಫೇಮಸ್ ಆದರು. 1998ರ ಉಪೇಂದ್ರ ನಿರ್ದೇಶನದ `ಎ’ ಸಿನಿಮಾ ಯಶಸ್ಸು ಕಂಡಿತು. ಎ ಚಿತ್ರದಲ್ಲಿ ಮೊದಲ ಬಾರಿಗೆ ಪೂರ್ಣ ಪ್ರಮಾಣದ ಹೀರೋ ಆಗಿ ಕಾಣಿಸಿಕೊಂಡರು. ಇದನ್ನೂ ಓದಿ: ಸತತ ಸೋಲಿನಿಂದ ಬೇಸತ್ತ ಪೂಜಾಗೆ ನಿರ್ದೇಶಕ ತ್ರಿವಿಕ್ರಮ್ ಸಲಹೆ

ಉಪ್ಪಿ ಎಂಟರ್‌ಟೈನರ್ಸ್ (Uppi Entertainers) ಮೂಲಕ ಮೂಲಕ ʻಎʼ ಸಿನಿಮಾ ಮೂಡಿಬಂದಿತ್ತು. ಕೋಟಿ ಬಜೆಟ್‌ನಲ್ಲಿ ಸಿದ್ಧವಾದ ಈ ಸಿನಿಮಾ 20 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿತ್ತು. ಉಪೇಂದ್ರ ಅವರು ಸಿದ್ಧಸೂತ್ರಗಳನ್ನು ಬದಿಗಿಟ್ಟು ಗಮನ ಸೆಳೆದಿದ್ದರು. ಈ ಮೂಲಕ ಬೇರೆ ರೀತಿಯಲ್ಲಿ ಆಲೋಚನೆ ಮಾಡುವುದನ್ನು ಹೇಳಿಕೊಟ್ಟರು.

ಈ ಸಿನಿಮಾದ ಮಾರಿ ಕಣ್ಣು ಮೊದಲಾದ ಹಾಡುಗಳು ಹಿಟ್ ಆದವು. ಈ ಚಿತ್ರಕ್ಕೆ ಗುರುಕಿರಣ್ ಸಂಗೀತ ಸಂಯೋಜನೆ ಮಾಡಿದ್ದರು. ಈ ಚಿತ್ರದಲ್ಲಿ ಉಪ್ಪಿಗೆ ಜತೆಯಾಗಿ ಚಾಂದಿನಿ ಮೊದಲಾದವರು ನಟಿಸಿದ್ದರು. ಈ ಸಿನಿಮಾ ಸೈಕಾಲಾಜಿಕಲ್ ಥ್ರಿಲ್ಲರ್ ಶೈಲಿಯಲ್ಲಿ ಮೂಡಿ ಬಂದಿತ್ತು.